KPCN Reshèrshi di informashon (2fte)

MBO 4 | Boneiru | 36 ora | Number di vakatura P&O2025_06_001 | Fecha di klousura: 24 di yüni 2025

Deskripshon di e funshon

Komo un reshèrshi di informashon, bo ta entregá produktonan di inteligensia pidí i no pidí i simultáneamente ta kordiná diferente dosié den diferente kaso.  Den kuadro di preparashon di trabou, bo ta traha plan di akshon i hasi aktividat di inteligensia.  Bo ta un kara rekonosibel den e kuerpo i pa partnernan eksterno. 

Banda di e enfoke riba kriminalidat lokal i internashonal, e ‘infodesk’ tin un kantidat di dosié spesial ku ta rekerí atenshon i konosementu spesial, manera minamentu, trafikashon di hende, kontrabanda di hende, kriminalidat sibernétiko i Finec.

Bo ta konstruí i mantené retnan pa un aserkamentu konhunto di aktividatnan di inteligensia i sera  akuerdonan di ehekushon.  Bo ta konsultá sistemanan (di polis) i fuentenan habrí, manera medio sosial, bo ta hasi tendensia- i desaroyonan den e region komprensibel i bo ta entregá rapòrtnan di informashon konkreto ku e propósito di mantenshon i investigashon.  Pensa riba dokumento di señal, dokumento pre-pesamentu i posiblemente e inisio di un investigashon kriminal.

E organisashon

Kuerpo Polisial Hulanda Karibense (KPCN) ta un kuerpo yòn, chikitu i dinámiko, ku áreanan di trabou na e islanan di Boneiru , Sint Eustatius i Saba. Aunke ku e kuerpo di tamaño ta chikitu, e ta inkluí tur e prosesonan di un kuerpo kompleto. Nos ta buska kolaboradónan entusiasmá, fleksibel i proaktivo, ku huntu ku nos ke aportá na krea futuro di e kuerpo.

E departamentu

Lo bo traha na e ‘infodesk’ di KPCN.  E departamentu di ‘infodesk’ ta forma parti di e departamentu di Informashon i Ekspertisio i ta konsistí di tres parti, entre nan Informashon i Análisis, Unidat di Inteligensia Kriminal i e sala di kontrol (‘meldkamer’) sentral. E timnan ta desentralisá den e kuerpo.  E ‘infodesk’ tin aktualmente 10 empleado.

Eksigensianan pa e funshon 

Nos ta buska koleganan entusiasmá ku por analisá patronchi i hasi konekshon.  Bo ta fleksibel i proaktivo i gusta tuma inisiativa.  Bo sa eksaktamente ki ora ta importante pa kompartí informashon (den konteksto nashonal) i bo sa kon pa duna nifikashon na esaki.  Bo ta ansioso pa siña i di naturalesa kurioso tokante loke ta pasa den sosiedat.  Bo ta sinti bo konektá ku asuntunan di seguridat i bo ta enfoká riba konekshon, inovashon i desaroyo.  Bo ta responsabel pa e kalidat di e diferente produktonan di seguridat.

Ademas, nos ta spera lo siguiente:

• Bo tin un diploma di polis na nivel mínimo 4 di MBO;
• Bo a kompletá ku éksito e kursonan di entrenamentu nesesario riba tereno di inteligensia;
• Bo tin preferiblemente eksperensia ku ‘open source intelligence’;
• Bo tin preferiblemente eksperensia den e área di ‘intelligence’;
• Bo tin preferiblemente eksperensia den investigashon;
• Bo tin dominio ekselente di idioma hulandes i papiamentu tantu oral i por eskrito. Bon dominio di idioma ingles i spañó ta un bentaha;
• Bo tin nashonalidat hulandes.

Kompetensianan

• Kolaborá
• Komunikativo
• Kapasidat di konektá i coach
• Kapasidat di análisis
• Persuasivo 
• Integridat
• Dirigí riba resultado

Kiko nos ta ofresé?

• Un nombramentu konforme e Rechtspositiebesluit ambtenaren BES;
• Un salario konforme merkado den skal di funshon 7, salario mensual mínimo $ 2.436,- i máksimo $ 3.289,-, ku un siman di trabou di 36 ora pa siman. Klasifikashon a base di konosementu i eksperensia;
• Sèn di fakansi (8,33% di e entrada anual);
• Bonùs di fin di aña (8,33% di e entrada anual);
• Kompensashon di vitalidat;
• Un areglo di penshun akomodá na Pensioenfonds Caribisch Nederland (PCN);
• 182 ora di fakansi den kaso di un siman di trabou di 36 ora pa siman;
• Un nombramentu temporal pa un aña, ku bista riba un nombramentu fiho den kaso di bon funshonamentu i un evaluashon positivo;
• Un areglo pa muda pa kandidato ku ta reakshoná di pafó di e isla.

Prosedura

Un ‘assesment’, ‘casus’ i/òf chekeo di referensia por ta parti di e prosedura.
Skrinen pa kantidatonan eksterno ta un parti fiho di nos prosedura..
Un skrinen di seguridat A ta parti di e prosedura.

Den e selekshon ta tene kuenta ku e siguiente órden:

• Personal ofisial di RCN na e islanan BES (interno)
• Habitante di e parti karibense di Hulanda (eksterno)
• Sobrá kandidato (eksterno)

Eksigensianan di nombramentu

• Un deklarashon tokante kondukta (VOG);

• Un saminashon médiko na fabor di atmishon den e fondo di penshun;

• Nashonalidat hulandes.

Bon pa sa pa interesado pafó di Hulanda Karibense

• E salario ta na dòler merikano, e moneda ofisial di Hulanda Karibense;
• Hulanda Karibense konosé su propio reglanan di impuesto. Ta kobra impuesto di 30,4% riba un suèldu riba e montante liber di impuesto ku ta $21.373,- na 2025 den e promé grupo, te un suèldu di $51.250,-. Den e di dos grupo di impuesto un tarifa di impuesto di 35,4% ta na vigor;
• Bo ta, òf bo ta bira, residente di Hulanda Karibense.

Mas informashon?

Pa mas informashon tokante e vakatura bo por tuma kontakto ku Luenashela Soliano, hefe di unidat, Informashon & Ekspertisio, number di telefòn +599 7952718.

Solisitut digital

Bo por manda bo Curriculum Vitae ku bo motivashon na vacature@rijksdienstcn.com