KPCN Reshèrshi di informashon senior

Abo ke hunga un papel importante den koordinashon di trabou di inteligensia i den mehorashon di e posishon di informashon?

MBO+ | Boneiru| 36 ora | Number di vakatura: P&O2024_03_005 | Fecha di klousura: 24 di aprel 2024

Bo ta orientá riba kalidat, bo ta enfrentá reto ku smak, i bo ke ta parti di kresementu di un organisashon nobo? Bo ta un hende ku ta bon den traha huntu ku partner interno i eksterno, i ku tin eksperensia ku kuido polisial básiko i investigashon? E ora ei, bin fortalesé e infodesk di KPCN.

Lo bo ta envolví entre otro ku preparashon di trabou, preparashon di proyekto, i análisis; tareanan ku mas i mas ta hañando un lugá sentral denter di e kuerpo. Esaki ta algu pa bo? E ora ei, sigui lesa lihé.

Kiko bo ta bai hasi?

Komo reshèrshi di informashon senior, bo ta suministrá produkto di inteligensia, i bo ta koordiná diferente fail den diferente kaso pareu. Den kuadro di preparashon di trabou, bo ta redaktá plannan di akshon, i bo mes tambe ta hasi trabou di inteligensia. Bo ta yuda karga responsabilidat pa repartishon di e trabou denter di e infodesk. Tantu den e kuerpo komo pa partnernan eksterno bo ta un kara konosí.

Fuera di e enfoke riba tantu kriminalidat lokal komo kriminalidat ku ta krusa frontera, e infodesk tin algun fail partikular ku ta rekerí atenshon i konosementu spesial, manera labamentu di plaka, trafikashon di hende, cybercrime, i Interpol.

Bo ta lanta i mantené retnan na benefisio di un aserkamentu konhunto di aktividatnan di inteligensia, i bo ta traha palabrashonnan di ehekutashon. Bo ta konsultá sistemanan (polisial) i fuentenan habrí, manera medio sosial.

Bo ta duna komprenshon tokante tendensianan i desaroyonan denter di e region, i bo ta suministrá rapòrtnan konkreto na benefisio di mantenshon i detekshon. Aki por pensa na dokumento ku ta señalá uso di proseso legal pa propósito kriminal, dokumento tokante echo kastigabel i sospechoso, i posiblemente inisio di investigashon penal.

E organisashon

Kuerpo Polisial Hulanda Karibense (KPCN) ta un kuerpo yòn, chikí, i dinámiko, ku ta operá den e área di e islanan Boneiru, Sint Eustatius i Saba. Ounke e tamaño di e kuerpo ta chikí, e ta enserá tur e prosesonan di un kuerpo ekivalente integral. Nos ta buskando empleado entusiasmá i fleksibel, ku abilidatnan diverso pa realisá diferente tipo di tarea, ku ke traha huntu ku nos riba futuro di e kuerpo.

E departamentu

Bo ta bai traha na e infodesk KPCN. E departamentu di infodesk ta alohá serka e departamentu Intake, Informatie en Operationele Ondersteuning (IIOO, Intake, Informashon i Sosten Operashonal). E departamentu ta konsistí di seis unidat, inkluso e Groep Bijzondere Opdrachten (Grupo Enkargo Spesial), Intake, De Gemeenschappelijke Meldkamer (Kamber di Notifikashon Komun), Informatie-unit (e unidat di Informashon) i CIE (Tim Dato Kriminal), Bijzondere Wetten (Leinan Spesial), i Verkeer (Tráfiko). Na tur, aki tin mas o ménos 40 kolega ta traha. E timnan ta trahando na diferente sitio den e kuerpo di forma desentralisá. Aktualmente, tin shete empleado na e infodesk.

Eksigensia pa e funshon

Nos ta buskando koleganan entusiamá ku ta kapas pa analisá patronchi i pa mira konekshonnan. Bo tin un aktitut fleksibel i proaktivo i bo ta gusta tuma inisiativa. Bo sa eksáktamente kon pa kalkulá ki ora ta importante pa kompartí informashon (na nivel nashonal) i bo sa kon pa duna signifikansia na esei. Bo ta ansioso pa siña i di naturalesa, bo ta kurioso pa sa kiko ta pasando den sosiedat. Bo ta sinti un kompromiso ku problemátika di siguridat, i bo ta orientá riba konekshon, inovashon, i desaroyo. Komo senior, bo ta pasa ofer konosementu i abilidatnan na midí aktivamente pa bo koleganan. Bo ta dispuesto pa papia tokante kalidat di e diferente produktonan di siguridat.

Ademas, nos ta ferwagt lo siguiente:

  • Bo ta disponé di un diploma di polís minimalmente na nivel mbo-4;
  • Bo a finalisá e estudionan nesesario riba tereno di inteligensia ku un resultado positivo;
  • Preferiblemente, bo tin eksperensia ku open source intelligence;
  • Preferiblemente, bo tin eksperensia riba e tereno profeshonal di inteligensia;
  • Preferiblemente, bo tin eksperensia denter di detekshon;
  • Bo tin un dominio ekselente verbal i por eskrito di hulandes i papiamentu. Un bon dominio di ingles i spañó ta un bentaha; 
  • Bo ta disponé di e nashonalidat hulandes.

Kompetensianan

  • Traha huntu
  • Abilidat komunikativo
  • Kapasidat pa uni i pa coach
  • Kapasidat analítiko
  • Poder pa konvensé
  • Integridat
  • Dirigí riba resultado

Kiko nos ta ofresé

  • Un nombramentu a base di e Rechtspositiebesluit ambtenaren BES (Desishon di posishon hurídiko di ámtenar di BES);
  • Un salario konforme merkado den skal 8 (salario mensual bruto minimalmente $ 2.700,- i maksimalmente $ 3.750,-) ku un siman di trabou di 36 ora pa siman. Klasifikashon a base di konosementu i eksperensia;
  • Sèn di fakansi (8,33% di e salario);
  • Un di diestres luna (8,33% di e salario, un mínimo di $ 1.750,- bruto);
  • Un areglo di penshun akomodá na Pensioenfonds Caribisch Nederland (PCN);
  • 184 ora di fakansi den kaso di un siman di trabou di 36 ora pa siman;
  • Un nombramentu temporal pa un aña, ku bista riba un nombramentu fiho den kaso di bon funshonamentu i un evaluashon positivo;
  • Un areglo pa muda pa kandidato ku ta reakshoná di pafó di e isla.

Prosedura

  • Ta habri e funshon aki internamente i eksternamente na mes momentu. Ora di aptitut igual, kandidato interno tin preferensia;
  • Un assessment òf casus por forma parti di e prosedura.
  • Un investigashon di siguridat A ta parti di e prosedura.

Eksigensia pa nombramentu

  • Un Deklarashon di no opheshon (VGB);
  • Un eksaminashon médiko na fabor di atmishon den e fondo di penshun;
  • Nashonalidat hulandes.

Bon pa sa pa interesado pafó di Hulanda Karibense

  • E salario ta na dòler merikano, e moneda ofisial di Hulanda Karibense;
  • Hulanda Karibense konosé su propio reglanan di impuesto. Ta kobra impuesto riba e entrada mas haltu ku e suma liber di impuesto ($ 20.242,- na 2024) di un porsentahe di 30,4 % na retenshon riba suèldu;
  • Ta obligá pa partisipá na e fondo di penshun, inkluso un kontribushon propio na esaki;
  • Bo ta, òf bo ta bira, residente di Hulanda Karibense.

Mas informashon?

Pa mas informashon tokante e funshon aki bo por tuma kontakto ku Melvin Sint Jago, Number di telefòn: +599 795 2718.

Solisitut digital

Bo por dirigí bo solisitut i un karta di motivashon ku cv na:

Nòmber               : Melvin Sint Jago

E-mail                  : vacature@rijksdienstCN.com