KPCN Reshèrshi pa Asuntunan di Hubentut i Moral

Deskripshon di funshon

Komo reshershi pa asuntunan di hubentut i moral (JZZ) lo bo enfoká riba hasi investigashon den e área aki.  Lo bo ta responsabel pa kondusí investigashonnan táktiko independientemente i komo parti di un tim.  Lo bo partisipá den retnan eksistente pa investigashonnan kompleho i konstruí esnan nobo.  Bo base di operashon lo ta Boneiru, pero si ta nesesario, lo por manda bo Saba i Sint Eustatius tambe.

Nos ta buska un kolega asertivo i proaktivo ku ya a demostrá di tin potensialnan konsiderabel.  Kandidatonan mester ta konsiente ku e posishon aki por ta hopi eksigente mentalmente.

Deskripshon di tareanan

• Bo ta arestá sospechosonan;
• Bo ta kompilá informashonnan táktiko;
• Bo ta ordená informashon;
• Bo ta skucha testigunan;
• Bo ta konsultá fuentenan pa e investigashon.

E Organisashon

Kuerpo Polisial Hulanda Karibense (KPCN) ta un kuerpo dinámiko ku “base na òrdu”, i ku áreanan di trabou na e islanan di Boneiru, Sint Eustatius i Saba. E kuerpo  ta enserá tur e prosesonan di un kuerpo  kompletu i ta pasando aktualmente den un fase di mas profeshonalisashon.  “Haña e fundeshi korekto” ta nifiká ku den e próksimo añanan nos lo traha riba desaroyá e kuerpo mas aleu, tantu di forma kuantitativo komo kualitativo.  Den e kuadro aki, nos ta buska empleadonan ku entusiasmo, versátil i fleksibel ku ke yuda nos konstruí futuro di e kuerpo.

E mishon di Kuerpo Polisial Hulanda Karibense ta lo siguiente: e kuerpo ta kontribuí na seguridat i kalidat di bida di e personanan ku ta biba, traha òf ku ta keda komo turista riba un di e islanan di Hulanda Karibense. Kolaboradónan ta atento i servisial, desisivo i profeshonal.

E departamentu

E departamentu di investigashon ta realisá tur aktividat dirigí riba solushoná krímen.  Esaki ta enserá un kombinashon di medidanan preventivo, ehekushon i represivo, kaminda vários partner ta hunga un ròl. Investigashonnan ta karakterisá pa un ambiente agitá kaminda ta hasi trabou bou di preshon.

E spesialismo (tema) hubenil ta enfoká riba identifiká, detektá, investigá i atendé aktonan kastigabel kometé pa hóbennan dor di hasi uso di metodo i téknikanan spesífiko. Den e spesialismo aki, ta realisá tur aktividat investigativo ku un enfoke spesial riba detekshon di kriminalidat hubenil i prevenshon di delinkuensia hubenil.  Hopi aktividat polisial dirigí riba hubentut ta kai den kuadro di kuido di siguridat integral. E reshèrshi pa asuntunan di hubentut tin un ròl di evaluashon i referensia. Ta pone enfasis riba e echo ku e reshershi pa asuntunan di hubentut i moral no ta un seudo trahadó sosial. E spesialisashon (tema) moral ta enserá violashon di normanan moral i di desensia ku ta konta den nos sosiedat. Esaki ta enserá tur akto di intenshon seksual kometé dor di e malechor kontra deseo di e víktima. 

Kompetensianan

• Komunikativo
• Flèksibel
• Proaktivo
• Resistensia kontra strès
• Independiente

Eksigensianan pa e funshon 

• Bo a terminá un programa di formashon di polis na un mínimo di nivel MBO-4, òf un programa di formashon di polis na nivel MBO-3 suplementá ku formashon profeshonal (riba tereno di investigashon) i eksperensia relevante;
• Bo tin konosementu di áreanan relevante di derecho penal, prosedimentu penal, i derecho atministrativo;
• Bo tin konosementu di guianan, (Servisio di Ministerio Públiko) instrukshon i protokòlnan relashoná ku lokalisashon;
• Bo tin konosementu i dominio den téknikanan di interogashon (inkluso un ròl di entrenamentu) i e sistemanan di dokumentashon i registrashon ku ta usá;
• Konosementu i dominio di Hulandes, Papiamentu i Ingles ta nesesario, dominio di Spañó ta un bentaha;
• Bo por kumpli ku e rekisitonan di IBT anualmente di akuerdo ku regulashonnan;
• Kaminda ta nesesario, suplementá ku sertifikado tokante aspektonan spesífiko di trabou/funshonnan sekundario.

Kiko nos ta ofresé?

• Un nombramentu konforme e Rechtspositiebesluit ambtenaren BES (Desishon di posishon hurídiko di ámtenar di BES);
• Un salario konforme merkado den skal inisial 6 i skal di funshon 7, di mínimo 2.132,- i máksimo $3.289,- mensual bruto ku un siman di trabou di 36 ora pa siman. Ta skal a base di konosementu, estudio i eksperensia;
• Ta skal a base di konosementu, eksperensia i dominio di kompetensia;
• Sèn di fakansi (8,33% di e entrada anual);
• Un di diestres luna (8,33% di e entrada anual);
• Kompensashon di vitalidat;
• Un areglo di penshun akomodá na Pensioenfonds Caribisch Nederland (PCN);
• 182 ora di fakansi den kaso di un siman di trabou di 36 ora pa siman;
• Un nombramentu temporario di un aña, ku bista riba un nombramentu fiho den kaso di bon funshonamentu i un resultado di evaluashon positivo;
• Un areglo di mudansa pa kandidato ku ta reakshoná for di eksterior;

Prosedura

Un assessment, casus i/ òf chekeo di referensia por forma parti di e prosedura.

Den e selekshon lo tene kuenta ku e siguiente órden:

• Personal ofisial di RCN na e islanan BES (interno);
• Habitante di e parti karibense di Hulanda (eksterno);
• Otro kandidatonan (eksterno).

Eksigensia pa nombramentu

• Un assessment por ta parti di e prosedura di selekshon;
• Por entregá un skrínen bálido na nivel A i si no a haña esaki ainda, lo hasi un investigashon di seguridat;
• Pa bini na remarke pa un funshon na Kuerpo Polisial Hulanda Karibense, ta un rekesito pa tin e Nashonalidat hulandes.

Bon pa sa pa interesado pafó di Hulanda Karibense

• E salario ta na dòler merikano, e moneda ofisial di Hulanda Karibense;
• Hulanda Karibense konosé su propio reglanan di impuesto. Ta kobra impuesto di 30,4% riba un suèldu riba e montante liber di impuesto ku ta $21.373,- na 2025 den e promé grupo, te un suèldu di $51.250,-. Den e di dos grupo di impuesto un tarifa di impuesto di 35,4% ta na vigor;
• Bo ta, òf bo ta bira, residente di Hulanda Karibense.

Bo ke mas informashon?

Pa informashon tokante e vakatura por tuma kontakto ku Sra. Neshanne Trenidad, Hefe di Investigashon, number di telefòn:  +599 795 4881.

Apliká digitalmente

Bo por manda bo Curriculum Vitae ku motivashon pa: vacature@rijksdienstCN.com