KPCN Operador Meldkamer Sentral

Deskripshon di e funshon

Komo Operadó Sentralista, bo ta pèrkurá pa aseptashon, evaluashon, pone prioridat i entrega di notifikashon urgente (petishon di yudansa) di pueblo. Bo ta registrá nan i bo ta pone yudansa adekuá riba nan. Bo ta risibí i trata petishon di asistensia di koleganan i bo ta pèrkurá pa dirigí e esfuerso di polis i e komunikashon durante insidentenan (di eskala grandi). Algun biaha ta sosodé tambe ku bo ta trata e notifikashonnan ku no ta urgente. Bo aktividatnan ta tuma lugá bou di liderazgo operashonal di e hefe di Meldkamer na ken tambe bo tin di duna kuenta i rason.

E organisashon

Kuerpo Polisial Hulanda Karibense (KPCN) ta un kuerpo chikitu i dinámiko, ku áreanan di trabou na e islanan di Boneiru, Sint Eustatius i Saba. Ounke ku e kuerpo di tamaño ta chikitu, e ta inkluí tur e prosesonan di un kuerpo kompleto. Kolaboradónan di KPCN ta atento i servisial, desisivo i profeshonal.  Den e konteksto aki nos ta buska kolaboradónan entusiasmá, fleksibel i proaktivo, ku huntu ku nos ke aportá na krea e futuro di e kuerpo.

E departamento

Na e Meldkamer ta tuma notifikashon i ta tradusí esaki pa e esfuerso deseá.  E forma den kua e servisionan di emergensia i polis ta respondé na petishonnan di yudansa, ta determiná den gran parti e konfiansa ku pueblo tin den e servisionan di emergensia i polis. Hopi biaha tin un koinsidensia di petishonnan pa servisio di polis, brantwer, ambulans i Koninklijke Marechaussee. Meldkamer tambe tin un papel di dirigí i koordiná di forma enfátiko. Semper tin un lider disponibel via telefòn si tin desishonnan importante ku mester tuma ku ta kai for di  e área di bo kompetensia.

Kompetensianan

• Resistensia pa strès;
• Planifiká i organisá;
• Abilidat pa skucha;
• Presensia natural;
• Empatia;
• Kapasidat pa evaluá;
• Teamplayer.

Eksigensianan pa e funshon

• Bo tin un nivel di trabou i pensamentu mbo3;
• Bo tin konosementu i eksperensia ku téknika di Meldkamer, medionan di komunikashon i e programanan i aplikashonnan relevante di kòmpiuter.
• Bo tin konosementu i dominio aktivo di Hulandes, Papiamentu i Ingles; Spañó ta un bentaha.
• Bo tin bon abilidat pa komuniká i bo tin kapasidat pa atendé ku personanan ku ta hasi notifikashon nan un manera orientá, i durante e kòmbersashon, bo por dedusí e naturalesa i gravedat di e notifikashon;
• Bo téknikanan di kòmbersashon ta ekselente i bo tin abilidat pa dirigí i tuma liderazgo den un kòmbersashon.
• Bo tin un aktitut fleksibel relashoná ku e kontenido di trabou, pero tambe relashoná ku e oranan di trabou. Trabou ta tuma lugá segun un skema (24/7).
• Bo tin un aktitut responsabel i bo ta tuma bo responsabilidat;  esaki ta nifiká ku bo ta proaktivo, firme i resistensia pa strès i bo ta reakshoná rápido den situashonnan di emergensia.
• Bo tin satisfakshon ora bo ta investigá situashonnan detayadamente.
• Bo tin un mentalidat íntegro i relashoná ku kliente, bo konosé e reglanan i bo ta demostrá esaki den bo komportashon.
• Bo ta realisá ku bo ta e punto di kontakto di Korps Politie Caribisch Nederland.
• Kandidatonan ku eksperensia den polis tin preferensia.
• Bo tin un estudio spesífiko riba e área di meldkamer.
• Bo tin konosementu di e leinan i regulashonnan relevante di meldkamer, reglanan,  indikashonnan (di OM), protokòlnan, normanan i guianan, reglanan i proseduranan di desishon, i proseduranan.
• Bo tin konosementu i eksperensia ku yudansa den kaso di emergensia i maneho di insidentenan.
• Bo tin konosementu di e proseduranan i organisashon di práktika di ehekushon i ta komprondé kon prosesonan den Meldkamer ta konektá.
• Bo tin konosementu profundo di legislashon di privasidat i ta aplik’é kuidadosamente den bo trabou.

Bo no ta kumpli ku tur e rekisitonan, pero ta interesá? KPCN lo duna e entrenamentunan nesesario kaminda ta posibel. Pero si ta spera di bo ku lo bo hasi tur lo posibel pa kumpli ku e rekisitonan aki den un tempu rasonabel.

Loke nos ta ofresé

• Un nombramentu a base di e Rechtspositiebesluit ambtenaren BES (Desishon di posishon hurídiko di ámtenar di BES);
• Un salario konforme merkado den skal inisial 6 òf skal di funshon 7 salario mensual mínimo $ 2.282,- i máksimo $ 3.470,- ku un siman di trabou di 36 ora. Klasifikashon a base di konosementu i eksperensia;
• Sèn di fakansi (8,33% di e entrada anual);
• Un di diestres luna (8,33% di e entrada anual);
• Un kompensashon di vitalidat;
• Un areglo di penshun akomodá na Pensioenfonds Caribisch Nederland (PCN);
• 182 ora di fakansi ku un siman di trabou di 36 ora;
• Un nombramentu temporal pa un aña, ku bista riba un nombramentu fiho den kaso di bon funshonamentu i un evaluashon positivo;
• Un areglo pa muda pa kandidato ku ta reakshoná for di den eksterior.

Prosedura

Un assessment, casus i/ òf chekeo di referensia por forma parti di e prosedura.
Ta habri e vakatura internamente i eksternamente na mes momentu. Den e selekshon lo tene kuenta ku e siguiente órden:

• Personal ofisial di RCN na e islanan BES (interno);
• Habitante di e parti karibense di Hulanda (eksterno);
• Otro kandidatonan (eksterno).

Eksigensianan di nombramentu

• Un deklarashon tokante kondukta (VOG);
• Un saminashon médiko na fabor di atmishon den e fondo di penshun (Partisipashon den e fondo di penshun ta obligatorio, inkluso un kontribushon propio na esaki);
• Nashonalidat hulandes.

Bon pa sa pa interesado pafó di Hulanda Karibense

• E salario ta na dòler merikano, e moneda ofisial di Hulanda Karibense;
• Hulanda Karibense konosé su propio reglanan di impuesto. Ta kobra impuesto di 29,4% riba un suèldu riba e montante liber di impuesto ku ta $21.956,- den 2026, te un suèldu di $53.198,-. Den e di dos grupo di impuesto un tarifa di impuesto di 38,4% ta na vigor.
• Bo ta, òf bo ta bira, residente di Hulanda Karibense.

Mas informashon?

Pa mas informashon tokante e vakatura bo por tuma kontakto ku señor Frank van der Lende, hefe di departamentu BPZ via +599 795 5724.

Solisitut digital

Bo por manda bo Curriculum Vitae ku bo motivashon via meil na vacature@rijksdienstCN.com.