OCW-CG Hefe di Departamentu

WO | Sede Boneiru | 36 ora | P&O2023_010_023 | Fecha di klousura: 7 di desèmber 2023

Deskripshon di funshon

Abo ta dirigí e sekshon di OCW-CG di Hulanda Karibense i, huntu ku bo koleganan ku bo ta dirigí, bo ta e promé punto di kontakto di ministerio di Enseñansa, Kultura i Siensia (OCW) na Hulanda Karibense. Bo tin eksperensia laboral demostrabel den e parti Karibense di Reino i bo ta papia e idiomanan di Reino.

Bo tin un ret di kontakto grandi i diverso riba tur seis isla den e parti Karibense di Reino i sa bon pa mantené i ekspandé esaki. Prinsipalmente den e área di OCW, pero tambe den e área polítiko/sosial rònt di esei, manera akohida di mucha, kuido i merkado laboral.

Bo tin e funshon di konekshon riba tereno di OCW entre e parti Karibense di Reino i e direktoradonan (di maneho) di ministerio di OCW. E direktoradonan di maneho ta e promé puntonan di kontakto pa koleganan di OCW-CG na Hulanda Karibense pa loke ta trata nan áreanan di maneho. E guia general i e papel di ‘base di operashon’ ta den man di e direktorado di Maneho Internashonal (IB). OCW-CG i IB ta trese señal- i preguntanan na atenshon di e direktorado ku ta responsabel pa e sektor ku ta responsabel pa solushoná e problemanan konserní. Basá riba esei abo ta un punto di kontakto aksesibel pa ministerio kompleto.

Huntu ku esnan embolbí den e sektornan di OCW riba e islanan, bo ta duna kontenido na e mishon di OCW. Na Hulanda Karibense e mandatarionan di OCW ta hasi esfuerso pa logra un implementashon kada bia mas kompleto di e maneho di OCW, a base di e e konsepto di "comply or explain". Huntu ku bo tim bo ta vigilá tur desaroyo relevante den e parti karibense di Reino. A base di e posishon di konosementu ei bo ta informá i konsehá ministerio di OCW na Den Haag, riba petishon i spontáneo.

Di otro banda bo ta sigui di aserka desaroyonan den e maneho di OCW relashoná ku e parti karibense di Reino i ta kontribuí na implementashon eksitoso di e maneho ei. Bo konseho ta di gran importansia ora di kontestá e pregunta si e maneho regular di OCW ta aplikabel na Hulanda Karibense, òf si tin mester di maneho spesífiko riba un òf mas di e tres islanan.

Bo sa di balotá insidentenan i kaminda ta posibel bo ta trese partidonan huntu pa solushoná problemanan.

Kooperashon riba i entre e islanan kasi semper ta rekerí riba e terenonan di OCW na e parti karibense di Reino, debí na e eskala chikitu. Aki bo ta mira oportunidat, òf bo sa kon pa krea nan. Al respekto bo tin atenshon pa tantu e konteksto lokal komo regional na e parti karibense komo e relashon entre e parti oropeo i karibense di Reino.

Organisashon

Minister di Enseñansa, Kultura i Siensia (OCW) for di 10 di òktober 2010 ta responsabel pa e maneho di enseñansa, kultura i siensia na e tres islanan di Hulanda Karibense. E departamento di OCW-CG di  Rijksdienst CN, huntu ku e ministerio na Den Haag, ta traha diariamente na ehekushon di maneho di OCW na Boneiru, Sint Eustatius i Saba. Pa enseñansa ta konta por ehèmpel ku kada mucha mester haña e oportunidat pa saka lo máksimo for di su mes. Skol tin e tarea pa guia e alumno den esaki. E ministerio ke pa tur hende haña bon enseñansa i prepará su mes pa independensia i responsabilidat. Ta bai intensifiká e maneho di kultura na Hulanda Karibense den e periodo di gobernashon aki. Den e akuerdo di Koalishon a akordá pa protehá e kultura i naturalesa úniko di Boneiru, Sint Eustatius i Saba mas mihó, tantu riba awa komo bou di awa. OCW-CG ta yuda realisá e metanan aki na Hulanda Karibense.

Abilidatnan

Konosementu i ekspertisio:

• Eksperensia di gerensia riba tereno di ‘liderazgo a base di coaching’ i operá den un ambiente polítiko atministrativo.
• Ta krea un relashon di trabou i di konfiansa ku gobièrnunan di e seis islanan den e parti karibense di Reino.
• Ta garantisá un bon ret di kontakto pa por konsehá adekuadamente i proponé solushonnan.
• Konosementu di e idiomanan di Reino, hulandes, ingles i papiamentu.
• Abilidatnan interkultural i kapasidat pa anda efektivamente ku diferensia entre trahadónan
• Konosementu di e ambiente i polítika internashonal
• Konosementu di i komprenshon di desaroyonan digital, e efekto riba e tareanan i aplikabilidat pa bo propio unidat den e organisashon,
• Konosementu di funshonamentu di Union Oropeo i su interakshon ku gobièrnu nashonal i di otro aliansanan bilateral i multikultural i instansia-/institushonnan, te asina leu ku nan ta relevante pa funshonamentu di OCW den e parti karibense.

Ta disponé di e siguiente kompetensianan:

• Sensitividat pa organisá
• Sensitividat pa maneho
• Konsiente di bo alrededor
• Mantené relashonnan profeshonal
• Duna guia na organisashon
• Duna guia na grupo
• Desaroyo di empleado
• Reflekshoná

Tareanan prinsipal di e hefe di departamento OCW-CG

• Representante di e organisashon
• Stipulá meta i strategia di e organisashon, konsulta ku partnernan di e kadena i posishoná e organisashon den e kadena i e region;
• Koordinashon polítiko atministrativo. Sigui al respekto tur tendensia na Hulanda Oropeo i e parti karibense di Reino.
• Komo e persona finalmente responsabel, asumí guia diario, inkluyendo kombersashonnan di personal, desaroyo i guia di kolaboradónan;
• Duna kuenta i rason na e departamento sentral di OCW pa strategia, maneho i presupuesto;
• Desaroyá i propagá vishon, mishon i strategia di e organisashon i inkluí e kolaboradónan den esaki;
• Konsulta eksterno i sinkronisashon riba nivel stratégiko/di gerensia;
• Koordinashon di bishitanan di trabou di delegashonnan;
• Mantené kontakto ku Aruba, Kòrsou i Sint Maarten.
• Asesorá e ofisina di programa di RCN Boneiru;
• Ehersé e funshon di liaison.

Kuadro, outoridat i responsabilidat

• E hefe di departamento formalmente ta duna kuenta na direktor di Rijksdienst Caribisch Nederland i pa loke ta kontenido na e Direktor Maneho Internashonal OCW (dunadó di enkargo), i tin sinkronisashon regularmente ku e hefe di departamento Área Karibense den direktiva Maneho Internashonal (komo dunadó di enkargo delegá) na Den Haag.
• E hefe di departamento ta duna guia na e departamento OCW-CG i tin responsabilidat final pa suministro di tur produkto i servisio di OCW. E tin responsabilidat integral i ta guia e tim di OCW den Área Karibense, konsistiendo di 8 fte i 3fte finansiamentu di estudio.
• E hefe di departamento ta enfoká riba legitimidat, efisiensia pero tambe riba faktibilidat di maneho i legislashon nobo.

Kiko nos ta ofresé?

• Un nombramentu konforme e ‘Rechtspositiebesluit ambtenaren BES’;
• Un salario konforme merkado den skal inisial 13 i skal 14 di e funshon (skal 13 salario mensual bruto minimal $ 4.788,-- i maksimal $ 6.001,-- i skal 14 minimal $5.484—i maksimal $6.810,--), pa un siman di trabou di 36 ora pa siman. Klasifikashon ta tuma lugá a base di konosementu i eksperensia;
• Un di 13 luna (8,33% di e salario, ku un suma mínimo di $ 1.750,-- bruto);
• Un areglo di penshun aloká serka Pensioenfonds Caribisch Nederland (PCN);
• 168 ora di fakansi pa un siman di trabou di 36 ora pa siman;
• Un nombramentu temporal pa un aña, ku perspektiva riba un nombramentu fiho den kaso di bon funshonamentu i un resultado di evaluashon positivo;
• Un areglo di mudansa pa kandidatonan ku ta reakshoná for di pafó di e isla.

Prosedura

• Ta habri e vakatura simultáneamente interno i eksterno. Den kaso di igual kapasidat kandidatonan interno tin preferensia.
• Un ‘assessment’ òf kaso por forma parti di e prosedura.

Eksigensia pa nombramentu

• Un deklarashon tokante kondukta (VOG);

• Un eksaminashon médiko na fabor di atmishon den e fondo di penshun;
• Nashonalidat hulandes.

Ta bon pa interesadonan di pafó di Hulanda Karibense sa

• E salario ta den dòler merikano, e moneda ofishal na Hulanda Karibense;
• Hulanda Karibense tin su propio areglo fiskal. Ta imponé un porsentahe di 30,4% na retenshon riba suèldu pa entradanan ku ta mas haltu ku e suma liber di impuesto ($ 12.198,-- na 2022);
• Partisipashon den e fondo di penshun ta obligatorio, inkluso e kontribushon propio den esaki;
• Bo ta òf ta bira residente di Hulanda Karibense.

Mas informashon?

Pa mas informashon tokante e vakatura bo por tuma kontakto ku Gerbert Kunst (Direktor di Maneho Internashonal) via e number di telefòn +31611038746, i Edith Keijser, persona di kontakto pa informashon tokante “Aspektonan di HRM” den Rijksdienst CN.

Partikularidatnan

Un assessment di selekshon por forma parti di e prosedura i por pidi referensia tambe. Promé ku e assesment di selekshon ta pidi bo yena diferente kuestionario, esaki ta tuma bo mas òf ménos 3 ora;

E kombersashonnan di selekshon ta tuma lugá en prinsipio na Boneiru den e siman di 8 di yanüari 2024;

Drentamentu den servisio si ta posibel entrante 1 di  mart 2024.

Solisitut digital

Bo por manda bo Curriculum Vitae ku motivashon pa vacature@rijksdienstCN.com