OM BES (Senior) Kolaboradó di Maneho

Bo ta un kolega enérgiko, resistente kontra strès ku un sintimentu fuerte pa hustisia?E ora ei solisitá serka nos!

WO | Boneiru | 39,5 ora | P&O2020_07_003 | Fecha di klousura: 12 di ougùstùs 2020

Komo kolaboradó (senior) di maneho bo ta sostené i konsehá e fiskal mayó di hustisia tokante e maneho. Bo ta konsehá tokante preguntanan integral di seguridat i e kolaborashon i sintonisashon den e kuadro aki ku e partnernan kadena. Por lo demas bo ta tuma parti na deliberashonnan ku partnernan kadena i otro partido envolví tokante problemanan di seguridat i otro problema relatá na OM. Bo ta atendé e interesnan di OM BES i bo ta duna un kontribushon di kontenido (di maneho). Banda di esaki bo ta konsehá tokante problema relatá na eksplotashon di empresa. Tambe bo ta aktua komo lider di proyekto i/òf bo ta partisipá na proyekto, bo ta duna direkshon na e enfoke di proyekto mas detayá i e aporte di disiplinanan envolví i partidonan eksterno. Den esaki bo ta responsabel pa e resultado, e kalidat i e kontinuashon (i e eventual bùdjèt) di e proyekto.

E profil

Komo (senior) kolaboradó di maneho preferiblemente bo a kaba un edukashon WO hurídiko. Bo tin konosementu di e tereno profeshonal i komprenshon di pregunta i problema ku ta presentá riba e diferente terenonan di trabou, pa resumí: un orientashon multidisiplinario. Banda di esaki bo ta ábil den e análisis di desaroyonan sosial i ehekutivo i bo ta kapas di formulá esaki den konseho i maneho. Den esaki bo tin un abilidat di skibi bon desaroyá.

Bo ta konsiente di bo ambiente i bo ta brasa e koperashon di kadena. Bo por keda pará den un área di forsa kompliká, teniendo kuenta ku e diferente interesnan i den konekshon ku e partnernan kadena. Traha dirigí riba resultado no ta un problema pa bo. Banda di esaki bo ta resistente kontra strès, enérgiko, un hungadó di tim i práktiko. Tambe bo ta fleksibel i bo tin un mentalidat “hands-on” i bon abilidat komunikativo. I naturalmente bo por hèndel informashon konfidensial. Tambe den e komunidat chikí ku bo ta biba i traha aden.

E organisashon

Parkèt BES ta ehekutá e mantenshon di derecho penal na Hulanda Karibense. E parkèt ta parti di Ministerio Públiko (OM) di Kòrsou, Sint Maarten i Boneiru, Sint Eustatius i Saba i ta kai bou di e responsabilidat di e prokurador general di e OM ei. E minister hulandes di Hustisia i Seguridat tin e responsabilidat final pa e maneho ku ta hiba i e ehekushon di e tareanan di parkèt na e islanan BES.

E parkèt ta un tim chikí i estrecho ku profeshonalnan ku ta traha independientemente. E tim ta konsistí di 5 kolaboradó atministrativo, 4 (senior) sekretario di parkèt, 3 fiskal i funshonario di sosten (di maneho) bou di mando di un fiskal mayó. Ku e partnernan kadena a hasi un komienso pa yega na un enfoke mas integral di problemanan di seguridat.

Kiko nos ta ofresé

  • Un salario konforme e merkado, den skal inisial 11 i skal di e funshon 12, minimal $3.429,- i maksimal $5.056,- bruto pa luna mará na un siman di trabou di 39,5 ora. Skal a base di konosementu i eksperensia;
  • Un nombramentu temporario di un aña i despues den kaso di satisfakshon mutuo un nombramentu fiho;
  • Un di diestres luna di 8,33% (minimalmente $1.750,-);
  • Kompensashon di vakashon di 8,33% di e salario;
  • Un bon provishon di penhun akomodá na PCN;
  • Posibilidat pa sigui kurso interno;
  • 184 ora di vakashon (den kaso di 39,5 ora di trabou pa siman);
  • Un areglo pa muda si bo reakshoná for di estranhero.

Eksigensianan pa nombramentu

  • Mester por entregá un deklarashon tokante kondukta (VOG) i ta eksihí un eksaminashon médiko. Banda di kombersashonnan di selekshon un investigashon di referensha i antesedente ta forma parti di e prosedura;
  • Nashonalidat hulandes ta un eksigensia;
  • Den kaso di kapasidat igual kandidato interno ta haña preferensia riba kandidato eksterno;
  • Un assessment por forma parti di e prosedura di selekshon;
  • Den kaso di kapasidat igual kandidatonan for di e área karibense, i espesialmente di Boneiru, òf kandidatonan ku tin nan raisnan den e área karibense, ta haña preferensia. Dominashon di papiamentu ta un bentaha.

Pa informashon tokante e vakatura:

Nòmber: Machteld Klaassen, Senior Kolaboradó di Maneho 
E-mail    : Machteld.Klaassen@OMCarib.org

Solisitut digital

Bo por manda bo Curriculum Vitae ku motivashon pa:
Email: recruitment@OMCarib.org na atenshon di F. van Neerbos, Konsehero di HR

Pa mas informashon tokante e ambiente di trabou i e tim: por haña e Veiligheidsbeleid BES 2018 (di vários aña) riba www.rijksoverheid.nl i por pidi e Plan Anual 2020/2021 i e Relato Anual 2019 serka e office-manager di parkèt BES via e-mail Priscella.Lamidi@OMCarib.org.