P-Direkt Kolaboradó di Sentro di Kontakto (6 fte)

E organisashon

P-Direkt ta e dunadó di servisio di HR di Gobièrnu Sentral na Hulanda. 
Pa mas ku 155.000 kolaboradó, mènedjer di ministerio i otro organisashonnan di gobièrnu nos ta brinda un pakete amplio di servisio den e área di HR i ICT. Nos produktonan final mas konosí ta pago di salario (‘e salario korekto i na tempu pa tur hende’) i suministro di informashon. Ku nos teknologia inovativo, kolaboradó i managernan di Gobièrnu Sentral ta regla nan asuntunan di personal na un manera simpel via e portal di self-service. Anualmente nos ta prosesá mas ku € 9,7 miar na kostonan di personal i salario.  

P-Direkt ta un organisashon di shared service di e Ministerio di Asuntunan Interno i Relashonnan den Reino. Tin mas ku 800 kolaboradó ta traha na P-Direkt, repartí den tres lokalidat:  Den Haag, Zwolle i Boneiru.

Nos lokalidat na Boneiru ta eksistí for di 2015. For di Boneiru nos ta pèrkurá pa nos dunamentu di servisio sigui funshoná te 10 or di anochi na Hulanda, pa medio di hasi uso na un manera efisiente di e diferensia den ora entre Boneiru i Hulanda.  
E Sentro di kontakto tin komo meta, duna sosten na ámtenarnan di Reino pa nan por regla asuntunan di personal i salario na un manera fásil, via telefòn, e-mail òf chèt. Banda di esei e Sentro di kontakto ta prosesá tareanan entregá den e portal di P-Direkt.

Mas informashon tokante nos organisashon bo ta haña riba e wèpsait: https://www.p-direkt.nl

Deskripshon di funshon

Komo kolaboradó di e sentro di kontakto bo ta kontestá pregunta di nos klientenan via telefòn, e-mail òf chèt. Bo gusta atendé kliente via di telefòn? Awèl ta nèt bon! Paso e parti mas grandi di pregunta ta drenta via telefòn. Ta importante ku bo por anda ku diferente kliente. Di e manera aki bo ta sòru ku e klientenan ku ta duna resistensia tambe ta risibí un bon servisio.

Tambe bo ta prosesá mutashon den diferente sistema. Esaki bo ta hasi a base di e petishonnan ku drenta. Bo ta kumpli ku bo palabrashonnan, bo ta evaluá e kalidat di bo trabou, bo ta balorá ‘feedback’ i bo ta kapas di mustra otronan riba nan puntonan di mehorashon, na un manera konstruktivo. Bo ta traha na un manera konstruktivo na bo karera i ta permanentemente den desaroyo. Bo ke logra resultado, pa bo mes, pero prinsipalmente pa e kliente.

Eksigensianan di funshon

Komo kolaboradó den nos sentro di kontakto bo mester por separá asuntunan prinsipal di esnan di ménos importansia i bo ta hinka struktura den e kantidat grandi di informashon. Bo ta kustumbrá tambe di traha huntu ku otronan. Bo tin e meta semper na bista pero, den kaso ku e sirkunstansianan ta eksigí esaki, bo ta adaptá bo mes. Bo ta sigui mira oportunidatnan pa yuda e kliente aun mas mihó. Bo ta papia tokante esaki ku bo koleganan, di manera ku bo por pone e ideanan ei den práktika.

Banda di esaki bo ta disponé di:

• Un diploma na nivel di mbo4;
• Eksperensia den prosesamentu atministrativo di datonan den un sistema; 
• Konosementu di e pakete di Microsoft Office: Word, Excel i Outlook;
• Abilidatnan komunikativo den e idioma hulandes, tantu ferbal komo por eskrito; 
• Un bon dominio verbal den e idioma papiamentu;
• Fleksibilidat den kambionan di bo tareanan. Dependiendo di e demanda di trabou bo tareanan por varia;   
• E disponibilidat pa sigui desaroyá bo mes i pa hasi un kurso/treinen. 

Kompetensianan

• Traha ku presishon;
• Orientá riba kliente;
• Fleksibilidat;
• Desaroyo propio:
• Integridat;
• Traha huntu;
• Komunikashon;
• Kapasidat pa adaptá.

Kiko nos ta ofresé?

• Un nombramentu a base di e Rechtspositiebesluit ambtenaren BES (Desishon di posishon hurídiko di ámtenar di BES);
• Un salario konforme merkado den skal di entrada 6, ku posibilidat pa sigui pa un skal di funshon 7 òf 8 di minimalmente $ 2.282,- i máksimalmente $ 4.016,- pa luna, den kaso di un siman di trabou di 36 ora. Klasifikashon a base di konosementu i eksperensia; 
• Sèn di fakansi (8,33% di e entrada mensual bruto);
• Un di diestres luna (8,33% di e entrada anual); 
• Un kompensashon di vitalidat; 
• Un areglo di penshun akomodá na Pensioenfonds Caribisch Nederland (PCN);
• 182 ora di fakansi den kaso di un siman di trabou di 36 ora; 
• Un nombramentu temporal pa un aña;
• Un areglo di muda pa kandidatonan ku ta reakshoná di pafó di e isla.

Prosedura

Un assessment (di idioma), casus i/òf chekeo di referensia por forma parti di e prosedura. Ta habri e vakatura aki internamente i eksternamente simultáneamente i na momentu di selekshon ta tene kuenta ku e siguiente órden: 

• Personal ofisial di RCN na e islanan BES (interno); 
• Abitantenan di e parti karibense di Hulanda (eksterno); 
• Demas kandidatonan (eksterno).

Eksigensianan di nombramentu

• Un Deklarashon Tokante Kondukta (VOG);
• Un saminashon médiko relashoná ku e registrashon obligatorio den e fondo di penshun (inkluso un kontribushon propio);
• Nashonalidat hulandes.

Bon pa sa pa interesado pafó di Hulanda Karibense

• E salario ta den dòler merikano, e moneda ofisial na Hulanda Karibense; 
• Hulanda Karibense tin su propio reglanan di impuesto. Na aña 2026 ta stipulá ku ta kobra un impuesto di 29,4% riba un suèldu ku ta riba e montante liber di impuesto, esta di $21.956 te ku $53.198,-. Den e di dos grupo di impuesto, un tarifa di impuesto di 38,4% ta na vigor.
• Bo ta òf bo ta bira, residente di Hulanda Karibense. 

Mas informashon?

Pa mas informashon tokante e vakatura akí bo por tuma kontakto ku: Marisol Vrolijk, Mènedjer, number di telefòn: +599 796 6583 òf Jeaneliz Goeloe, Mènedjer, number di telefòn: +599 795 2517.

Solisitut digital?

Bo por manda bo Curriculum Vitae ku motivashon na: vacature@rijksdienstCN.com.