Presidente i miembronan di e Komishon di Konseho areglo di supsidio inisiativanan sosial pasado di sklabitut

BZK ta buskando un presidente i tres miembro di e Komishon di Konseho pa e areglo di supsidio inisiativanan sosial pasado di sklabitut. E komishon nobo akí ku ta bai lanta, ta konsehá e organisashon ehekutor di e areglo – Uitvoering van Beleid (despues: UvB) di ministerio di Asuntunan Sosial i Empleo – tokante konekshon di e petishonnan pa supsidio ku e metanan di e areglo. UvB ta ehekutá e areglo akí bou di responsabilidat di e sekretario di estado di Asuntunan Interno i Relashon di Reino.

E areglo inisiativanan sosial pasado di sklabitut den e parti karibense di Reino

Riba 1 di yüli 2023 Rei a tene un diskurso impreshonante den Oosterpark kaminda el a pidi diskulpa pa e pasado di sklabitut hulandes i pordon pa e falta flagrante di akshon kontra e krímen akí [sklabitut] kontra humanidat. E diskulpanan di Rei ta sigui e diskulpanan di promé minister Rutte riba 19 di desèmber 2022. Gabinete den e karta ku a manda relashoná ku e diskulpanan pa Eerste i Tweede Kamer, a duna di konosé ku e rekonosementu i diskulpanan pa e sufrimentu históriko, ta e base pa e rekuperashon sosial kontemporaneo. Den e kuadro akí e ministerio di Asuntunan Interno i Relashon di Reino (BZK) a pone €33,3 mion disponibel pa inisiativanan den e parti karibense di Reino. UvB ta ehekutá e areglo.

E areglo di supsidio inisiativanan sosial; pasado di sklabitut (periodo 2025-2028) tin komo meta pa sostené inisiativanan ku ta duna atenshon na:

• Atkisishon di mihó komprondementu di e influensia di e pasado di sklabitut i kombatimentu di e konsekuensianan di e influensia di e pasado di sklabitut den presente;
• Prosesamentu di e pasado di sklabitut;
• Promoshon di konosementu i konsientisashon tokante e pasado di sklabitut; òf
• Rekonosementu i konmemorashon di e pasado di sklabitut. 

Esaki bo ta bai hasi komo presidente òf miembro di e Komishon di Konseho

UvB ta evaluá si tur petishon pa e areglo di supsidio ta kompletu i si nan ta kuadra ku e kriterionan di e areglo, manera e metanan menshoná ariba. Si ta parse ku un petishon pa supsidio den kategoria di supsidio 3 i 4¹ no ta bin na remarke pasobra (segun konsiderashon di UvB) e plannan pa loke ta nan kontenido no ta kuadra sufisientemente ku e metanan manera menshoná den e areglo, ta presentá e intenshon a rechasá na e Komishon di Konseho pa un konseho. E komishon ta evaluá si (tòg) por papia sufisientemente di un proyekto ku tin relashon ku e pasado di sklabitut i e metanan di e areglo i ta duna UvB denter di seis siman un konseho por eskrito al respekto. Ta inkorporá e konseho den e desishon final di rechaso i ta informá e petishonario al respekto.

Esaki ta nifiká ku e komishon ta reuní a base di preguntanan ku keda mandá – esaki ta dependé di kuantu intenshon di rechaso keda presentá. E miembronan di e komishon ta ehersé nan funshon sin ningun obligashon òf konsulta.

Abo ta rekonosé bo mes den esaki

Bo tin konosementu di i afinidat ku e pasado di sklabitut. Bo sensibel, ku bista pa e diversidat na nesesidat- i puntonan di bista ku ta eksistí relashoná ku e tema akí. Ademas bo abilidatnan komunikativo interkultural ta bon desaroyá i bo ta konsiente di e sensibilidatnan ku tin relashoná ku e pasado di sklabitut – spesífikamente den e parti karibense di Reino. Den e konstelashon final di e komishon, mester tin e siguiente aspektonan: 
Konekshon demostrabel ku e isla-/paisnan di e parti karibense di Reino;

• Embolbí ku e komunidat di desendientenan di esnan sklabisá den e parti karibense di Reino; 
• Afinidat ku e influensia di e pasado di sklabitut, spesífikamente den e parti karibense di Reino; 
• Embolbimentu ku derechonan humano i hustisia sosial, partikularmente relashoná ku e pasado di sklabitut.

Ademas ta di importansia ku un miembro di e komishon no por ta embolbí ku un posibel (futuro) petishon den kuadro di e areglo. Esaki ta pa garantisá independensia i imparsialidat di e Komishon di Konseho. Lo publiká nòmber di e miembronan i presidente di e Komishon di Konseho. 

Instalashon di e komishon

Bo ta komprometé bo mes pa un periodo di 2 aña. E montante di e kompensashon ta menshoná den e desishon di instalashon di e komishon di konseho.

Pa kada reunion ku atendé bo ta risibí un kompensashon di fakansi. E kompensashon ta maksimal 3% di e máksimo di skal salarial 18. E kompensashon máksimo entrante 1 di yüli 2024 ta XCG 752,00 / Nafl. 752,92 / USD 417,72 / EUR 360,63 pa kada reunion, inkluyendo e tempu di preparashon.

Bo solisitut

Abo ta interesá den e funshon akí? Solisitá e ora ei promé ku 9 di yanüari. Denter di 14 dia bo ta risibí un reakshon.

Ainda bo tin pregunta tokante e vakatura òf prosedura di solisitut? Tuma e ora ei kontakto ku Carlein Kuperus via carlein.kuperus2@minbzk.nl.