RDI Inspektor Hulanda Karibense

Deskripshon di funshon

Komo inspektor, bo ta traha prinsipalmente riba supervishon di diferente aplikashon, manera radio, televishon, i telefonia móbil. Bo ta ehekutá aktividatnan (preparatorio) di supervishon i/òf investigashon tokante kumplimentu ku legislashon i regulashon riba e tereno profeshonal di telekomunikashon i ta prevení òf terminá situashon indeseabel, manera interupshon riba ret móbil.
Huntu ku bo koleganan na Boneiru bo ta prepará investigashon i inspekshon ku bo ta ehekutá independientemente. No solamente na Boneiru, sino dos pa tres biaha pa aña tambe na Sint Eustatius i Saba.

A base di opservashon riba e tereno bo ta señalá problemátikanan ku bo ta diskutí denter di bo tim i tradusí huntu ku bo koleganan den akshon konkreto, i tambe bo ta yuda pensa tokante solushon.

Ademas, bo ta manehá e fasilidatnan di midi di e stashon di monitòr i ta ehekutá investigashon di monitoring periódiko i insidental, eventualmente tambe via programa koordiná di monitoring ku paisnan alrededor. Bo ta ehekutá inspekshon independientemente a base di análisis di monitoring, midimentu na e sitio i investigashon di dokumento. Bo ta skibi rapòrt i konseho. Dor di kompartí konosementu i informashon ku gruponan di enfoke bo ta traha di forma preventivo riba kumplimentu.

Tambe, huntu ku bo kolega inspektor bo ta ehekutá inspekshon di instalashon, por ehèmpel di e retnan fiho i móbil pa komunikashon ferbal i di dato, pero tambe ekipo di radio na bordo di barku. Bo ta señalá vulnerabilidat den e retnan respekto kalidat i disponibilidat di e retnan i bo ta rekonosé (señalnan di) fayonan. Bo ta yega na un aserkamentu korekto a base di konsiderashon i informashon. Bo ta interpretá resultado di investigashon i ta fiha esakinan den rapòrtnan kla.

Fuera di ehekushon di midimentu i kùrmentu dirigí, nos ta pidi di bo ku bo ta sigui e desaroyonan (teknológiko) nesesario di aserka, por ehèmpel relashoná ku solides digital.

Organisashon

Den hopi sektor di sosiedat, manera aviashon, biahe espasial, nabegashon i kuido médiko, komunikashon wireless via onda radial òf frekuensia ta di importansia esensial. Komo ku e kantidat di servisio ku ta dependé di komunikashon wireless ta krese, e eter ta bon protehá. RDI ta repartí e frekuensianan disponibel entre e usuarionan i ta supervisá e uso sin interupshon di nan. Pa e motibu ei nos ta embolbí tambe ku kreashon di palabrashonnan internashonal tokante uso di frekuensia. Asina RDI ta garantisá aksesibilidat di telekomunikashon moderno i konfiabel na i pa Hulanda, inkluso Hulanda Karibense.

Informashon tokante e tim na Hulanda Karibense

E tim na Hulanda Karibense na e momentu aki ta konsistí di seis kolaboradó entusiasmá ku ta sòru pa supervishon i ehekushon di legislashon di telekomunikashon na e islanan BES. E tim ta híbrido; tres (i despues di yena e vakatura aki, kuater) di e koleganan ta traha na Boneiru i tres na Hulanda. Ademas tin trahamentu huntu ku kolega for di otro tim den RDI.

Kompetensianan

• Formashon di huisio
• Sensitividat di organisashon
• Kapasidat di konvensé
• Por ku stress
• Plania i organisá
• Traha presis
• Abilidatnan komunikativo

Eksigensianan di funshon

• Bo tin un nivel di traha i pensa i eksperensia (ku trabou) tékniko na nivel di HBO.
• Bo tin un afinidat fuerte ku i/òf konosementu di spektro radial, telekomunikashon (wireless), elektrónika òf téknika di radio.
• Bo tin bon abilidat ferbal i por eskrito.
• Bo tin dominio ferbal i por eskrito di hulandes, papiamentu i ingles.
• Ta un bentaha si bo tin eksperensia ku kreashon i ehekushon di tarea di supervishon.

Ademas bo ta rekonosé bo mes den e siguiente karakterístikanan:

• Bo por distinguí entre asuntu di ménos i di mas importansia.
• Bo ta un partner di kòmbersashon fuerte.
• Bo ta traha huntu di un forma ku ta konstruktivo i ta uni koleganan paden i pafó di RDI.
• Bo ta kapas pa konstruí i mantené un ret relevante.
• Bo ta kurioso pa sa tokante desaroyo (teknológiko) nobo, por ehèmpel riba tereno di solides digital i AI, i bo ta dispuesto pa desaroyá bo mes den esei.

Kiko nos ta ofresé?

• Un nombramentu temporal a base di e Rechtspositiebesluit ambtenaren BES (Desishon di posishon hurídiko di ámtenar di BES);
• Un salario konforme merkado den skal inisial 9 i skal di e funshon 10, salario mensual mínimo $ 3.121,- i máksimo $ 4.644,-, ku un siman di trabou di 36 ora. Klasifikashon ta tuma lugá a base di konosementu I eksperensia;
• Sèn di fakansi (8,33% di e entrada anual);
• Bónùs di fin di aña (8,33% di e entrada anual);
• Un kompensashon di vitalidat;
• Un areglo di penshun akomodá na Pensioenfonds Caribisch Nederland (PCN);
• 182 ora di fakansi den kaso di un siman di trabou di 36 ora;
• Un nombramentu temporal pa un aña;
• Un areglo di mudansa pa kandidato ku ta reakshoná for di eksterior.

Prosedura

Un assessment, casus i/ òf chekeo di referensia por forma parti di e prosedura.
miéntras ku den e selekshon lo tene kuenta ku e siguiente órden:

• Personal ofisial di RCN na e islanan BES (interno);
• Habitante di e parti karibense di Hulanda (eksterno);
• Sobrá kandidato (eksterno).

Eksigensia pa nombramentu

• Un Deklarashon di Bon Kondukta (VOG);
• Un saminashon médiko na fabor di atmishon den e fondo di penshun (partisipashon ta obligatorio, inkluso kontribushon propio|);
• E nashonalidat hulandes.

Bon pa sa pa interesado pafó di Hulanda Karibense

• E salario ta na dòler merikano, e moneda ofisial di Hulanda Karibense;
• Hulanda Karibense konosé su propio reglanan di impuesto. Ta kobra impuesto di 30,4% riba un suèldu riba e montante liber di impuesto ku ta $21.373,- den 2025, te un suèldu di $51.250,-. Den e di dos grupo di impuesto un tarifa di impuesto di 35,4% ta na vigor.
• Bo ta, òf bo ta bira, residente di Hulanda Karibense.

Mas informashon?

Pa mas informashon tokante e vakatura bo por tuma kontakto ku Sjoerd Hamstra, mènedjer di tim Hulanda Karibense, +31 6 5336 186, sjoerd.hamstra@rdi.nl.

Solisitut digital

Bo por manda bo Curriculum Vitae ku motivashon na vacature@rijksdienstCN.com