Bo ta un lider di proyekto independiente i proaktivo? Bo ta haña energia dor di sostené proyektonan i ta disfrutá e proseso di buska oportunidatnan pa mehorashon di forma aktivo?

Deskripshon di e funshon

Komo lider di proyekto Juniòr den e Representante Spesial di Kabinèt, lo bo kontribuí na ehekushon di proyektonan supstansial i stratégiko ku ta kontribuí na posishonamentu internashonal i desaroyo duradero di Boneiru, Sint Eustatius i Saba.

Lo bo traha den un ambiente internashonal i dinámiko kaminda kolaborashon ku partnernan Oropeo i multilateral, organisashonnan di polítika, i stakeholdernan lokal ta primordial. Komo miembro di un tim chikitu i dediká, lo bo hunga un ròl di konekshon entre polítika i práktika. Lo bo sostené proyektonan di forma supstansial, organisatorio i atministrativo, trahando di forma estrecho ku e gerente di proyekto i otro koleganan den e ofisina.

Bo ta kombiná un étika di trabou proaktivo i independiente ku e abilidat pa komuniká, plania i organisá kla. Bo ta kontribuí na logra e ophetivonan di gobièrnu, inkluyendo partisipashon di hubentut, rekoudashon di fondo internashonal, kompartí konosementu, i desaroyo duradero.

Deskripshon di organisashon

Representante Spesial di Kabinèt ta representá i promové interesnan di Hulanda Karibense internashonalmente. Esaki pa medio di asosiashon stratégiko, diálogo di maneho, interkambio di konosementu, i dor di probechá di finansiamentu di organisashonnan manera Union Oropeo i Nashonnan Uni. Ademas, e ofisina ta promové di forma aktivo komèrsio i desaroyo ekonómiko riba Boneiru, Sint Eustatius, i Saba denter di e region di Latino Amérika i Karibe (LAC). Ta logra esaki dor di, entre otro, inisiá i sostené mishonnan komersial i konektá empresarionan lokal ku retnan ekonómiko internashonal.

E Kabinèt ta kai bou di responsabilidat di Ministerio di Interior en Relashonnan den Reino (BZK) i ta duna kuenta na Direktor-General di Direktorado pa Relashonnan den Reino.

E tim di Representante Spesial di Kabinèt ta komprometé na fortifiká relashonnan entre Boneiru, Sint Eustatius, Saba, i partnernan internashonal, inkluyendo UE, ONU, i paisnan den Latino Amérika i Karibe. E enfoke ta riba temanan manera:

  • Adaptashon na Klima
  • Energia Sostenibel
  • Konekshon
  • Seguridat di Kuminda
  • Diversifikashon Ekonómiko

E tim ta konsistí di e Representante Spesial, un konsehero haltu, un sekretario, un lider di proyekto haltu, i un lider di proyekto yòn. E ofisina ta situá na Boneiru.

Eksigensianan di e funshon

  • Trahamentu di plannan di proyekto i implementashon, den konsulta ku e gerente di proyekto, inkluyendo definishon di resultado, orario, presupuesto, kriterio di kalidat, i kondishon di aseptashon.
  • Koordinashon i ahuste di proyekto andando den kaso di desviashon, i informá stakeholder- i klientenan na tempu.
  • Establesé i manehá un plataforma ‘online’ i ‘offline’ (hubenil) pa promové oportunidatnan di UE, Nashonnan Uni i ekonómiko den e region.
  • Sigurá reportahe i komunikashon riba státus di proyekto, inkluyendo atministrashon di proyekto strukturá.
  • Fungiendo komo e promé punto di kontakto pa preguntanan práktiko i atministrativo tokante proyektonan.
  • Kontribuí na i implementá asuntunan práktiko relashoná ku aktividatnan di proyekto.
  • Desaroyá i hasi informashon aksesibel tokante fondonan (internashonal) disponibel pa partidonan lokal, inkluyendo integrashon riba e wèpsait di gobièrnu.
  • Sostené e aktividatnan diario di e embahada, inkluyendo e implementashon di investigashon kontinuo.

Eksigensianan pa e funshon

  • Bo tin por lo ménos un nivel di trabou i pensamentu di edukashon profeshonal avansá (HBO), preferiblemente estudionan den maneho di proyekto i atministrashon di negoshi.
  • Bo tin eksperensia demostrabel den planifikashon, organisashon i ehekushon di proyektonan. Eksperensia ku organisashonnan internashonal manera UE òf Nashonnan Uni ta preferibel.
  • Bo tin un dominio ekselente di Hulandes i Ingles (ferbal i por eskrito).
  • Bo tin un afinidat pa e region di Latino Amérika i Karibe (LAC) i ta komprendé Spañó sufisiente bon pa komprendé e konteksto.
  • Bo ta fleksibel, inkluyendo na sierto okashon, anochi òf fin di siman, biahe internashonal independiente, i partisipashon den konferensia.
  • Bo ta habitante òf lo bira habitante di Hulanda Karibense.

Kompetensianan

  • Bon abilidat pa komuniká
  • Planifiká i organisá
  • Tuma inisiativa
  • Fleksibilidat
  • Independiente i ta kolaborá
  • Dirigí riba resultado
  • Abilidat pa networking

Loke nos ta ofresé

  • Un nombramentu a base di e Rechtspositiebesluit ambtenaren BES (Desishon di posishon hurídiko di ámtenar di BES);
  • Un salario konforme merkado, den skal inisial 9 ku posibilidat pa drenta skal di funshon 10, di máksimo $ 4.644,-  si bo a kompletá bo estudio na nivel di HBO. Salario ta pa luna ku un siman di trabou di 36 ora.
  • Klasifikashon a base di konosementu, eksperensia i dominio di kompetensia;
  • Sèn di fakansi (8,33% di e entrada anual);
  • Un di diestres luna (8,33% di e entrada anual);
  • Kompensashon di vitalidat;
  • Un areglo di penshun akomodá na Pensioenfonds Caribisch Nederland (PCN);
  • 182 ora di fakansi den kaso di un siman di trabou di 36 ora pa siman;
  • Un nombramentu temporal pa un aña, ku bista riba un nombramentu fiho den kaso di bon funshonamentu i un evaluashon positivo.
  • Un areglo di mudansa pa personanan ku ta reakshoná for di eksterior;

Prosedura

Un assessment, casus i/ òf chekeo di referensia por forma parti di e prosedura.
Den e selekshon lo tene kuenta ku e siguiente órden:

  • Personal ofisial di RCN na e islanan BES (interno);
  • Habitante di e parti karibense di Hulanda (eksterno);
  • Otro kandidatonan (eksterno).

Eksigensianan di nombramentu

  • Un deklarashon tokante kondukta (VOG);
  • Un saminashon médiko na fabor di atmishon den e fondo di penshun, (inkluso e suma di kontribushon personal pa esaki;
  • Nashonalidat hulandes.

Bon pa sa pa interesado pafó di Hulanda Karibense

  • E salario ta na dòler merikano, e moneda ofisial di Hulanda Karibense;
  • Hulanda Karibense konosé su propio reglanan di impuesto. Ta kobra impuesto di 30,4% riba un suèldu riba e montante liber di impuesto ku ta $21.373,- den 2025, te un suèldu di $51.250,-. Den e di dos grupo di impuesto un tarifa di impuesto di 35,4% ta na vigor.
  • Bo ta, òf bo ta bira, residente di Hulanda Karibense.

Mas informashon?

Pa informashon tokante e vakatura akí, tuma kontakto ku Edison Rijna, Representante Spesial BES, number di telefòn: +599-7955332.

Apliká digitalmente

Bo por manda bo Curriculum Vitae ku motivashon na vacature@rijksdienstCN.com