RIVM Kolaboradó di Sosten di Programa pa Skrinen

E organisashon

E Instituto Nashonal pa Salú Públiko i Medio Ambiente (RIVM) ta traha diariamente pa un poblashon saludabel i un ambiente di bida saludabel. Na Hulanda Karibense, RIVM ta responsabel pa implementá programanan di skrinen di poblashon pa kanser na pechu, kanser na boka di matris, i kanser na tripa, riba e islanan di Boneiru, Sint Eustatius i Saba.

Huntu ku patnernan lokal den kuido, laboratorionan, dòkternan di kas, spesialistanan i otro partnernan den e kadena di kuido, e tim ta traha riba un programa di skrin di kalidat haltu pa por detektá den un fase trempan i mehorá e salú di e habitantenan di Hulanda Karibense.

Deskripshon di e funshon

Komo Kolaboradó di Sosten di Programa pa Skrinen, bo ta forma parti di un tim chikí i dediká ku ta responsabel pa implementá programanan di skrinen di poblashon na Hulanda Karibense.

Bo ta sostené e koordinadó di skrinen, lider di proyekto i otro miembronan di e tim ku tareanan atministrativo, organisatorio i operashonal ku ta kontribuí na e bon funshonamentu di prosesonan di skrinen i aktividatnan di programa.

Bo ta hunga un ròl klave den mantené kontakto ku klientenan, dunadónan di kuido di salú, i partnernan di kadena, i ta kontribuí na e maneho eksakto i na tempu di prosesonan atministrativo.

Implementashon di skrinen òf otro tareanan ku ta enserá evaluashonnan di skrinen médiko no ta forma parti di e fnshon aki.

Responsabilidatnan di e Trabou

Sosten di Skrinen i di kliente

• Bo ta kontestá preguntanan di kliente tokante e proseso di skrinen;

• Bo ta yuda ku programashon, invitashon i maneho di sita;

• Bo ta yuda ku e prosesamentu i siguimentu di resultadonan, i tambe komunikashon relashoná;

• Bo ta mantené kontakto ku kliente, dunadó di kuido di salú i partner di kadena;

• Bo ta sostené e ehekushon diario di e programanan di skrinen.

Sosten di atministrashon i proseso

• Bo ta prosesá i verifiká datonan di kliente;
• Bo ta sostené durante maneho di e ‘inbox’ di skrinen ;
• Bo ta prosesá dokumentashon i registronan;
• Bo ta monitòr akshon- i prosesonan atministrativo pendiente;
• Bo ta identifiká opstákulo- òf diskrepansianan den prosesonan di trabou;
• Bo ta yuda ku e registro i siguimentu di kehonan;
• Bo ta garantisá atministrashon eksakto di akuerdo ku guianan aplikabel i legislashon di privasidat.

Sosten di programa i tim

• Bo ta yuda den preparashon pa konsulta- i reunionnan;
• Bo ta kompilá listanan di akshon i ta monitòr nan progreso;
• Bo ta duna sosten durante reportahe;
• Bo ta mantené kontakto ku stakeholdernan interno i eksterno;
• Bo ta duna sosten pa tareanan organisatorio i logístiko den e tim;
• Bo ta sostené e lider di proyekto i koordinadó di skrinen den ehekushon di aktividatnan di programa;
• Bo ta kontribuí ku ideanan pa mehorá prosesonan di trabou.

Eksigensianan pa e funshon:

• Nivel mínimo MBO-4 (profeshonal sekundario) di traha i pensa;
• Eksperensia den un funshon atministrativo, di sosten òf relashoná ku kuido di salú;
• Kompetensia den Microsoft Office, inkluyendo Outlook, Word i Excel;
• Eksperensia den sektor di kuido di salú ta un bentaha;
• Eksperensia ku atministrashon médiko òf registrashon di kliente ta un bentaha;
• Eksperensia ku sosten di proyekto òf programa ta un bentaha;
• Eksperensia ku skrinen di poblashon, kuido di salú preventivo, òf trayektonan di kuido integral ta un bentaha;
• Abilidat pa manehá informashon konfidensial i sensitivo pa ku privasidat;
• Un aktitut orientá riba kliente i ku ta pensa riba servisio;
• Abilidatnan organisatorio i un bon sentido di prioridat;
• Un aktitut di trabou independiente i proaktivo;
• Eksaktitut i un wowo pa detaye;
• Bon abilidat pa komuniká;
• Bon dominio di Hulandes, Papiamentu, Ingles, i Spañó.

Kompetensianan

• Kolaborashon;

• Enfoke riba kliente;

• Traha ku presishon; 

• Planifiká i organisá;

• Fleksibilidat;

• Integridat;

• Proaktividat.

Loke nos ta ofresé

• Un nombramentu a base di e Rechtspositiebesluit ambtenaren BES (Desishon di posishon hurídiko di ámtenar di BES);
• Un salario konforme merkado den skal inisial 7/ skal di funshon 8 di mínimo $ 2.586,- i máksimo $4.016,- ku un siman di trabou di 36 ora. Klasifikashon a base di konosementu i eksperensia;
• Sèn di fakansi (8,33% di e entrada mensual brutu);
• Un di diestres luna (8,33% di e entrada anual);
• Un kompensashon di vitalidat;
• Un areglo di penshun akomodá na Pensioenfonds Caribisch Nederland (PCN);
• 182 ora di fakansi ku un siman di trabou di 36 ora;
• Un nombramentu temporal pa un aña, ku bista riba un nombramentu fiho den kaso di bon funshonamentu i un evaluashon positivo;
• Un areglo di mudansa pa kandidato ku ta reakshoná for di den eksterior.

Prosedura

Un assessment, casus i/ òf chekeo di referensia por forma parti di e prosedura. Ta habri e vakatura internemente i eksternamente na mes momentu. Ta konsiderá e siguiente òrdu di prioridat den e proseso di selekshon:

• Personal ofisial di RCN na e islanan BES (interno);
• Habitante di e parti karibense di Hulanda (eksterno);
• Otro kandidatonan (eksterno).

Eksigensianan di nombramentu

• Un deklarashon tokante kondukta (VOG);

• Eksamen médiko relashoná ku registrashon obligatorio na e fondo di penshun (ku kontribushon propio)

• Nashonalidat hulandes.

Bon pa sa pa interesado pafó di Hulanda Karibense

• E salario ta na dòler merikano, e moneda ofisial di Hulanda Karibense;

• Hulanda Karibense konosé su propio reglanan di impuesto. Ta kobra impuesto di 29,4% riba un suèldu riba e montante liber di impuesto ku ta $21.956,- den 2026, te un suèldu di $53.198,-. Den e di dos grupo di impuesto un tarifa di impuesto di 38,4% ta na vigor.

• Bo ta, òf bo ta bira, residente di Hulanda Karibense.

Mas informashon?

Pa mas informashon tokante e vakatura bo por tuma kontakto ku Shahaira Libier, Lider di Proyekto Skrínen Hulanda Karibense (Number di telefòn +599 795 5684 òf meil shahaira.libier@rivm.nl)

Digitaal solliciteren

Je kunt je Curriculum Vitae, voorzien van motivatie sturen naar vacature@rijksdienstCN.com