RIVM Mènedjer Operashonal Skrinen di Poblashon

WO | Boneiru | 36 ora | Number di vakatura: P&O2025_03_016| Fecha di klousura: 6 di mei 2025

Deskripshon di funshon

Den e funshon multifasétiko i yen di impakto aki bo ta duna guia na ehekushon di skrinen di poblashon na Hulanda Karibense. Bo ta sòru ku e skrinen di poblashon ku ta kanando pa kanser na pechu, kanser na boka di matris i kanser na tripa por sigui ku éksito. Entrante aña 2026 tambe ta bin aserka e skrinen (parsial) di embaraso pa desviashon na kromosomo i desviashon struktural. Despues posiblemente lo sigui algun programa preventivo mas. RIVM ta traha bou di enkargo di VWS i a base di kuadronan di kalidat. Bo tarea ta pa duna guia motivá na e organisashon di ehekushon ku ta hasi e skrinen na Hulanda Karibense, ku ta situá na Boneiru i ta traha huntu estrechamente ku organisashonnan na Sint Eustatius i Saba.

Bo ta sòru pa un bon implementashon di e programanan i introdukshon di kambionan, i bo tin un papel sentral den esaki. Bo ta kontribuí na desaroyo di e pilotnan aktual pa programanan struktural, den konsulta ku e mènedjer di programa di RIVM na Hulanda.

Ademas bo ta mantené relashonnan estrecho ku stakeholdernan lokal na e diferente islanan í ku partidonan na Hulanda. Bo ta traha huntu ku diferente partner di kadena manera laboratorio, dòkter, i hòspital, i bo ta den kontakto ku hopi tereno profeshonal manera ICT, maneho, kalidat, i komunikashon. Tambe bo ta sòru pa e maneho operashonal di e organisashon kana fásilmente. En breve, bo ta traha den un ambiente dinámiko i desafiante ku un impakto sosial grandi!

Tareanan di funshon

• Bo ta sòru pa un bon ehekushon uniforme, sigun prosedura- i kuadronan.

• Bo ta resolvé problema ku surgi den ehekushon i ta sòru pa kontinuidat.

• Bo ta mantené bon relashon ku stakeholdernan lokal, bo dunadó di enkargo, i partnernan.
• Bo ta guia e tim di kolaboradó di e ofisina na Boneiru (mas o ménos 6-7 persona).
• Bo ta un hefe di servisio suplente serka Rijksdienst Caribisch Nederland i den e funshon ei, bo ta responsabel tambe pa e maneho operashonal kana fásilmente. 
• Bo ta tantu dunadó di enkargo komo kontratista, i bo ta redaktá dokumento ofisial manera plan anual, oferta, nota di konseho, i kontrakt. Bo ta traha hands-on i tin biaha, bo mes tambe tin e papel di lider di proyekto.

Tokante nos i nos tarea

RIVM su Sentro pa Skrinen di Poblashon bou di enkargo di e Ministerio di VWS ta enkargá ku guia di tur tres skrinen di poblashon pa kanser. VWS ta brinda e skrinen di poblashon aki na Hulanda Karibense tambe. RIVM tin e enkargo pa duna forma na esaki i organis’é. Implementashon di e programanan (piloto) lo kompletá na fin di aña 2025 i e ora ei lo sigui ku un ehekushon regular. Na 2026 entre otro tambe ta sigui e screening di embaraso pa desviashon di kromosomo i desviashon struktural (serka NIPT-SEO). Koordinashon di ehekushon di programa di screening na Hulanda Karibense ta tuma lugá for di nos ofisina na Boneiru, i lo bo traha huntu estrechamente ku e koleganan di RIVM na Hulanda. Mas informashon tokante nos programanan di skrinen ku ta kanando i di nos tim bo por haña riba nos wèpsait www.screening-cn.com.

Kompetensianan

• Mantené un bista general, ku un interes amplio i un aserkamentu multidisiplinario

• Nètwèrk i traha huntu
• Kreativo i enfoká riba solushon
• Por ku strès i perseveransia
• Duna guia na un organisashon/grupo i desaroyo di kolaboradónan
• Sensitividat di maneho i konsiente di bo alrededor

Eksigensianan di funshon

• Bo ta disponé di un nivel di traha i pensa akadémiko.

• Bo ta konosí ku e tereno lokal. Lo ta un bentaha si bo tin eksperensia ku aplikashon di kuadro den un konteksto karibense.

• Bo tin minimalmente tres aña di eksperensia ku duna guia, inkluso responsabilidat pa personal.
• Bo ta dominá hulandes (na un nivel formal profeshonal) i ingles, i preferiblemente bo ta papia papiamentu tambe. Si esaki no ta e kaso, bo ta dispuesto pa familiarisá bo mes ku e idioma aki.
• Bo tin eksperensia ku trata ku relashon entre dunadó di enkargo i kontratista i redakshon di dokumento manera plan anual, presupuesto i nota.
• Bo ta dispuesto pa biaha pa e diferente islanan BES-CAS i pa Hulanda si ta nesesario.

Kiko nos ta ofresé?

• Un nombramentu temporal a base di e Rechtspositiebesluit ambtenaren BES (Desishon di posishon hurídiko di ámtenar di BES);

• Un salario konforme merkado den skal di funshon 13, di máksimo $ 6.785,-, ku un siman di trabou di 36 ora. Klasifikashon ta tuma lugá a base di konosementu I eksperensia;
• Sèn di fakansi (8,33% di e salario);
• Bónùs di fin di aña (8,33% di e salario);
• Un kompensashon di vitalidat;
• Un areglo di penshun akomodá na Pensioenfonds Caribisch Nederland (PCN);
• 182 ora di fakansi den kaso di un siman di trabou di 36 ora;
• Un nombramentu temporal pa un aña, ku bista riba un nombramentu fiho den kaso di bon funshonamentu i un evaluashon positivo;
• Un areglo di mudansa pa kandidato ku ta reakshoná for di eksterior.

Prosedura

Un assessment, casus i/ òf chekeo di referensia por forma parti di e prosedura.
miéntras ku den e selekshon lo tene kuenta ku e siguiente órden:

• Personal ofisial di RCN na e islanan BES (interno);

• Habitante di e parti karibense di Hulanda (eksterno);
• Sobrá kandidato (eksterno).

Eksigensia pa nombramentu

• Un Deklarashon di Bon Kondukta (VOG);

• Un saminashon médiko na fabor di atmishon den e fondo di penshun (partisipashon ta obligatorio, inkluso kontribushon propio|);
• E nashonalidat hulandes.

Bon pa sa pa interesado pafó di Hulanda Karibense

• E salario ta na dòler merikano, e moneda ofisial di Hulanda Karibense;

• Hulanda Karibense konosé su propio reglanan di impuesto. Ta kobra impuesto di 30,4% riba un suèldu riba e montante liber di impuesto ku ta $21.373,- den 2025, te un suèldu di $51.250,-. Den e di dos grupo di impuesto un tarifa di impuesto di 35,4% ta na vigor.
• Bo ta, òf bo ta bira, residente di Hulanda Karibense.

Mas informashon?

Pa informashon tokante e funshon:

• Eva van Tol, mènedjer di proyekto/programa, telefon +599 795 4824, meil Eva.van.Tol@rivm.nl
• Sandra van Dijk, hefe di departamentu, telefon +31646293844, meil sandra.van.dijk@rivm.nl

Solisitut digital

Bo por manda bo Curriculum Vitae ku motivashon na vacature@rijksdienstCN.com.