RV Asistente di Gerensia

Komo asistente di gerensia bo ta e promé punto di kontakto den e komunikashon ku Representante di Reino (suplente) (RV). Bo ta operá den un ambiente polítiko i atministrativo hopi sensitivo i kompleho den kua dinámika i diskreshon ta bai man den man. Bo ta responsabel pa e maneho kompleho di vários agènda i meil i ta ehersé un papel sentral den e tim di RV. Bo ta sostené e tim ku diferente tarea sekretarial, fasilitario i finansiero. Esaki ta un funshon nobo resien kreá ku ta rekerí madures i independensia. Nos ta buska un profeshonal ku ta duna guia i ta definí e papel independientemente.  

Den e papel aki bo ta den kontakto ku un eskala amplio di stakeholder: di habitante pa ministerionan, i bo no tin difikultat pa atendé ku ámtenartenar senior òf mandatario na nivel haltu. Bo sa kon pa adaptá bo estilo di komuniká sin fayo, i ta aktua semper ku rèspèt, profeshonalismo i ku un manera ekselente di trata hende. Bo ta sensitivo pa atministrashon i tin un sentidoskèrpi pa proporshon. Bo sa bon kon pa kalkulá e diferente interes i konsekuensianan i ta aktua basá riba esakinan. Bo ta move sin problema den un organisashon kompleho i sa unda bo mester ta, kiko pa bisa òf nò, i na ki momentu. Pa risibíkeho tambe bo ta e promé punto di kontakto: bo sa kon pa trata ku esaki di un manera fuerte, korekto i kuidadoso, i ta sòru pa tur kos ta na òrdu  tantu den e promé resepshon komo den e guia ku ta sigui.

Ku hopi energia i talento pa organisá bo ta ehekutá bo trabounan pa gran parti di forma independiente. Bo ta flèksibel, bo ta yuda pensa, i ta sòru pa tur kos kana di forma efisiente i strukturá – tambe ora ku e dia ta kana diferente for di loke a plania.

Tareanan di funshon

• Bo ta manehá vários agènda i meil, plania sita interno i eksterno, organisá konsultai eventonan (riba eskala chikí) kompleho, i ta risibí bishitante di forma representativo.
• Bo ta organisá reunion riba petishon, prepará nan ku agènda i dokumentonan, notulá i kompilá lista di akshon i desishon. Bo ta vigilá e progreso i ta sigui e ehekushon di puntonan di akshon i desishonnan aktivamente.
• Bo ta pèrkurá pa informashon di maneho, redaktá karta i dokumento i ta kontribuí na presentashon i informenan di bon kalidat.
• Bo ta fungi komo punto di kontakto i konsehero pa asuntunan atministrativo i organisatorio den e tim. Bo ta kontestá diferente pregunta i sa kon pa haña e informashon korekto sin problema, òf kon pa referí na e persona di kontakto korekto.
• Bo ta regla asuntunan fasilitario manera biahe di trabou, artíkulo pa ofisina i asuntunan rondó di alohamentu i sosten di tim.
• Bo ta ehekutá tareanan finansiero, inkluso maneho di fakturashon i elaborashon i kontrol di kostonan di maneho.
• Bo ta manehá e archivo i ta pèrkurá pa un elaborashon korekto den diferente sistema i fail atministrativo.

E organisashon

Representante di Reino (RV) ta un órgano atministrativo di Gobièrnu Sentral. E tin tareanan riba tereno di promoshon di bon atministrashon, supervishon, órden públiko, kombate di kalamidat na un nivel rònt e islanan, i kolaborashon entre e Reino i Boneiru, Saba i Sint Eustatius. RV ta independiente i ta reportá direktamente na Minister di Asuntunan Interno i Relashon den Reino. E ofisina di RV ta konsistí di un konsehero atministrativo senior, un hurista senior, un lider di proyekto/ kordinadó di krísis, un konsehero

di komunikashon senior i un asistente di gerensia.

Bo kompetensianan

• Orientá riba kliente
• Plania i Organisá
• Kontròl di progreso
• Flèksibel
• Eksakto
• Sensitivo pa organisashon
• Sensitividat atministrativo
• Traha huntu

Eksigensianan di funshon

• Nivel MBO+ di traha i pensa, ku por proba via edukashon i eksperensia. Por ehèmpel un diploma MBO-4 den un direkshon relevante, kompletá ku sertifikashon i/òf eksperensia;
• Sinku aña di eksperensia den un funshon similar, preferiblemente na un organisashon atministrativo;
• Bo ta kapas pa interaktuá na diferente nivel den un organisashon polítiko atministrativo kompleho;
• Dominio di MS Office na nivel avansá;
• Bon dominio di hulandes i ingles (verbal i por eskrito) ta un eksigensia, papiamentu i spañó ta un bentaha grandi.

Ademas bo ta: 

• Bo por keda trankil i mantené bista general, i ta bon den priorisá;
• fuerte na nivel di komunikashon i hopi ábil na nivel organisatorio;
• abilidat pa atendé ku informashon konfidensial i/òf personal.

Kiko nos ta ofresé?

• Un nombramentu konforme e Rechtspositiebesluit ambtenaren BES (Desishon posishon hurídiko ámtenarnan BES);
• Un salario konforme merkado, den skal di funshon 8 (minimalmente $ 2.782,- i maksimalmente $ 3.863,- bruto pa luna) a base di un siman di trabou di 36 ora. Klasifikashon ta tuma lugá a base di konosementu i eksperensia;
• Sèn di fakansi (8,33% di e entrada anual);
• Un di 13 luna (8,33% di e entrada anual);
• Kompensashon mensual di vitalidat na 2025 i 2026;
• Un areglo di penshun akomodá na e Fondo di Penshun Hulanda Karibense (PCN);
• 182 oranan di fakansi riba un base anual ku un relashon di servisio fultaim;
• Un nombramentu temporal di un aña, ku bista riba un nombramentu fiho den kaso di bon funshonamentu i un resultado di evaluashon positivo;
• Un areglo di mudansa pa kandidatonan ku ta reakshoná for di eksterior.

* E kantidat di ora eksakto lo determiná den konsulta ku e kolega nobo.

Prosedura

Un assessment, casus i/ òf chekeo di referensia por forma parti di e prosedura.

Den e selekshon lo tene kuenta ku e siguiente órden:

• Personal ofisial di RCN na e islanan BES (interno);
• Habitante di e parti karibense di Hulanda (eksterno);
• Otro kandidatonan (eksterno).

Eksigensianan di nombramentu

• Un deklarashon tokante kondukta (VOG);
• Un saminashon médiko na fabor di atmishon den e fondo di penshun (Partisipashon den e fondo di penshun ta obligatorio, inkluso e suma di kontribushon personal pa esaki);
• Nashonalidat hulandes.

Bon pa sa pa interesado pafó di Hulanda Karibense

• E salario ta na dòler merikano, e moneda ofisial di Hulanda Karibense;
• Hulanda Karibense konosé su propio reglanan di impuesto. Ta kobra impuesto di 30,4% riba un suèldu riba e montante liber di impuesto ku ta $21.373,- den 2025, te un suèldu di $51.250,-. Den e di dos grupo di impuesto un tarifa di impuesto di 35,4% ta na vigor.
• Bo ta, òf lo bira, residente di Hulanda Karibense.

Mas informashon?

Pa mas informashon tokante e funshon aki bo por tuma kontakto ku Daphne Vollemans, Lider di Proyekto, number di telefòn +599 795 5346 òf manda un meil na daphne.vollemans@rijksdienstcn.com

Solisitut digital

Bo por manda bo Curriculum Vitae ku motivashon via e-mail na vacature@rijksdienstCN.com