RVB Hefe di Klùster Hulanda Karibense

E organisashon

Sekshon Carib ta un di e seis (6) regionnan den e sekshon Realisashon Regional di Rijksvastgoedbedrijf, direktorado Maneho di Propiedat Inmóbil. E sekshon ta konsistí na e momentunan akí di trintisinku (35) kolega repartí riba e seis (6) islanan, i nos lo sigui krese i desaroyá e próksimo añanan. Nos ta pèrkurá pa maneho i mantenshon, preparashon i ehekushon di proyekto- i kontratonan den region. Nos kartera ta hopi variá; di ofisina- i residensianan ofishal te wardanan di polis i kazèrnanan di brantwer, terenonan militar i prizònnan.

Sekshon Carib ta konsistí di dos (2) grupo: grupo Hulanda Karibense (Boneiru, Sint Eustatius i Saba) i grupo CAS (Kòrsou, Aruba i Sint Maarten), kaminda grupo CAS ta dirigí su mes prinsipalmente riba e kartera di defensa i grupo CN riba e kartera di gobièrnu sentral. Bo tim ta konsistí di mènedjernan di propiedatnan inmóbil, mènedjernan di proyekto i asistentenan di proyekto kualifiká i independiente. Bo grupo ta forma parti di Rijksdienst Caribisch Nederland (RCN). Bo ta traha huntu ku otro hefenan di servisio di RCN pa logra sinergia i servisio optimal pa siudadano- i ámtenarnan na Hulanda Karibense.

Nos ta traha repartí riba e islanan i ta forma un kara konosí pa usuarionan di propiedatnan inmóbil. Boneiru ta bo base operashonal. Bo tin hopi kontakto ku e otro timnan, por ehèmpel pa interkambio di konosementu òf pa tuma trabou over di otro ora ta drùk. Den nos tim ta reina un ambiente di trabou habrí i agradabel, kaminda konfiansa i un aktitut proaktivo ta sentral.

Bo ke sa mas tokante Rijksvastgoedbedrijf na Hulanda Karibense? Lesa e ora ei e artíkulo De Carib: 'Best of both worlds' | Rijksvastgoedbedrijf, den kua René Spanjers, hefe di region Carib, ta konta tokante Rijksvastgoedbedrijf den e área karibense.

Deskripshon di e funshon

Komo hefe di grupo komprometí i enérgiko bo ta duna guia na e tim Hulanda Karibense i bo ta atendé nos interesnan riba nivel regional. E meta komun ta kla: garantisá propiedat inmóbil di kalidat i sigur, di manera ku klientenan por ehekutá nan prosesonan primario sin preokupashon. Abo ta garantisá ku bo tim ta aktuá pa kada proyekto, ku enfoke riba kliente i integridat — for di renobashon di ofisina te konstrukshon di un instituto penitensiario.

Bo ta traha riba relashonnan duradero, basá riba konfiansa mutuo, tantu ku bo kolaboradó- komo ku bo klientenan. Bo ta optimalisá prosesonan i servisio ora esei ta nesesario i ta krea un ambiente di trabou habrí i sigur – denter di diferente konteksto kultural – den kua siña i kolaborá ta sentral. Hasiendo uzo efisientemente di persona- i rekursonan bo ta logra e metanan anual ku a palabrá. Al respekto bo ta dirigí pa logra realisashon di proyektonan pa bo grupo i bo ta responsabel pa mantenshon di e kartera aktual. Ku klientenan bo ta diskutí plannan di mas aña, e trabounan andando i satisfakshon di kliente.

Huntu ku bo koleganan miembro di e Tim di Maneho di sekshon Carib bo ta tradusí metanan stratégiko i táktiko di Rijksvastgoedbedrijf den éksitonan operashonal den e konteksto karibense. Al respekto un aktitut fleksibel ta krusial, tantu pa bo komo pa bo tim. Bo ta biaha regularmente entre e islanan hulandes karibense, ora esaki ta nesesario. Tambe bo ta mantené kontaktonan estrecho ku koleganan na Hulanda i riba e islanan CAS, di manera ku bo por suich rápido. Retonan importante pa e añanan benidero ta, sigui desaroyá e tim mas. Partikularmente logra ku por midi i plania e trabounan tin prioridat. Banda di implementashon di e Sistema di Maneho di Opheto (OMS), e tim lo sigui krese i lo añadí tareanan nobo. Ademas tin un kantidat di proyektonan di konstrukshon grandi planiá. Retonan ku ta eksigí hopi di bo: bo ta dirigí riba resultado, pero bo ta presta por lo ménos mes tantu atenshon na kresementu i satisfakshon di trabou di bo tim.

A base di bo ekspertisia

• Bo ta duna guia na un tim multidisiplinario di alrededor di diessinku (15) kolaboradó. Ademas bo ta garantisá rendimentu optimal i kresementu den e tim;
• Bo ta motivá, sostené i dirigí bo kolaboradónan di forma inspirante;
• Bo ta entregá resultado-, produkto- i servisionan palabrá denter di e kuadronan stipulá. Esaki ta inkluí tantu enkargonan di konseho, komo maneho, mantenshon i konstrukshon di nos propiedatnan inmóbil.
• Bo ta garantisá reunionnan di trabou strukturá i un komunikashon adekuado interno i eksterno;
• Bo ta partisipá na konsultanan nashonal, inkluyendo e Konsulta di Produkshon di Proyektonan di direktorado Vastgoedbeheer. Bo ta tuma rienda pa mehorá proseso i ehekushon den e region.
• Bo ta apliká instrumentonan di rekurso humano na tempu i korekto (por ehèmpel kombersashonnan di funshonamentu i di evaluashon);
• Bo ta evaluá plannan di maneho i bo ta garantisá faktibilidat operashonal.

Ademas 

• Bo ta wak padilanti, ta desaroyá senarionan i ta tradusí ambishonnan stratégiko den plannan di proyekto i di rekursonan ehekutabel;
• Bo ta konsehá i duna input pa reportahenan di gerensia i plannan (di mas aña); 
• Bo ta duna kontribushon pa mehorá prosesonan kontinuamente i pa sigui profeshonalisá Rijksvastgoedbedrijf mas den e parti karibense di Reino.

Eksigensianan di e funshon

Komo hefe di grupo bo tin abilidatnan komunikativo i bo ta suich fásil entre diferente partner di kombersashon. Bo sa kon pa konektá ku atenshon pa diferente interes. Ademas bo ta kapas pa inspirá i motivá bo kolaboradónan, bo ta fleksibel, i bo tin un mentalidat kreativo i pragmátiko.

Ku bo perseveransia bo sa kon pa logra éksito den e puesto akí.

Ademas bo ta bin ku:

• Bo ta disponé di un nivel universitario di traha i pensa, preferiblemente un estudio tékniko òf di atministrashon empresarial i/òf por lo ménos sinku (5) aña di eksperensia laboral relevante komo mènedjer, mènedjer di proyekto òf programa, òf dunadó di enkargo di proyektonan di konstrukshon òf mantenshon, preferiblemente den e área karibense òf den eksterior;
• Bo tin eksperensia komo gerente i afinidat ku proyektonan di konstrukshon i tékniko;
• Bo ta kombiná konosementu tékniko amplio (arkitektura, ingenieria sivil i elektrotéknika) ku atenshon skèrpi pa e aspekto hurídiko di kontratonan.
• Bo tin bon dominio di idioma hulandes i ingles, i preferiblemente konosementu di papiamentu i/òf spañó;
• Bo ta digitalmente ábil, partikularmente pa loke ta trata garantia atministrativo den bo funshon;

Demas eksigensianan: Pa e funshon akí ta esensial ku bo ta disponibel pa kuminsá na Boneiru entrante 1 di sèptèmber 2026.

Loke nos ta ofresé

• Un nombramentu a base di e Rechtspositiebesluit ambtenaren BES (Desishon di posishon hurídiko di ámtenar di BES);
• Un salario konforme merkado den skal inisial 12/ skal di funshon 13 di mínimo $ 5.066,- i máksimo $ 7.159,- ku un siman di trabou di 36 ora. Klasifikashon a base di konosementu i eksperensia;
• Sèn di fakansi (8,33% di e entrada anual);
• Un di diestres luna (8,33% di e entrada anual);
• Un kompensashon di vitalidat;
• Un areglo di penshun akomodá na Pensioenfonds Caribisch Nederland (PCN);
• 182 ora di fakansi ku un siman di trabou di 36 ora;
• Un nombramentu temporal pa un aña, ku bista riba un nombramentu fiho den kaso di bon funshonamentu i un evaluashon positivo;
• Un areglo pa muda pa kandidato ku ta reakshoná for di den eksterior.

Prosedura

Un assessment, casus i/ òf chekeo di referensia por forma parti di e prosedura.
Ta habri e vakatura internamente i eksternamente na mes momentu. Den e selekshon lo tene kuenta ku e siguiente órden:

• Personal ofisial di RCN na e islanan BES (interno);
• Habitante di e parti karibense di Hulanda (eksterno);
• Otro kandidatonan (eksterno).

Eksigensianan di nombramentu

• Un deklarashon tokante kondukta (VOG);
• Un saminashon médiko relashoná ku registrashon obligatorio na e fondo di penshun (ku kontribushon propio)
• Nashonalidat hulandes.

Bon pa sa pa interesado pafó di Hulanda Karibense

• E salario ta na dòler merikano, e moneda ofisial di Hulanda Karibense;
• Hulanda Karibense konosé su propio reglanan di impuesto. Ta kobra impuesto di 29,4% riba un suèldu riba e montante liber di impuesto ku ta $21.956,- den 2026, te un suèldu di $53.198,-. Den e di dos grupo di impuesto un tarifa di impuesto di 38,4% ta na vigor.
• Bo ta, òf bo ta bira, residente di Hulanda Karibense.

Mas informashon?

Pa mas informashon tokante e vakatura akí bo por tuma kontakto ku Han Broens (Hefe di grupo CAS, +5999 510 4619), Frank van Wieren (+31 620226245, Hefe di Region Carib entrante 01-07-2026) òf René Spanjers (Hefe di Region Carib, +5999 5102785). Tene kuenta ku e diferensia di orario di -6 ora pa loke ta trata Hulanda Oropeo.

Solisitut digital

Bo por manda bo Curriculum Vitae ku motivashon na vacature@rijksdienstCN.com.