RVB Mènedjer di Propiedat

HBO | Boneiru | 36 ora | Number di vakatura: P&O2025_04_007 | Fecha di klousura: 29 di aprel 2025
 

Deskripshon di posishon

Un trabou amplio? Komo atministradó di propiedat di Rijksvastgoedbedrijf, bo por bisa ku bo tin esaki. For di ofisinanan, kazèrne di brantwer, monumentonan te ku un prizòn, e portafolio ta hopi diverso. Si algu den e edifisionan aki no ta funshoná, e impakto ta signifikativo. Tur kos ta funshoná manera mester ta? Esei ta nifiká ku bo ta hasiendo un bon trabou. Sigur huntu ku bo koleganan, klientenan i e usuarionan, bo ta pèrkurá pa tur kos keda den bon estado. Di esaki bo ta haña satisfakshon.

Komo atministradó di propiedat, bo ta e punto di kontakto pa tur kos ku ta relashoná ku e sektor di propiedat inmóbil pa ku bo propiedatnan. Maske bo título ta di atministradó, bo ta sinti bo mes kómodo riba tur área. Bo ta sòru pa realisá proyektonan mas chikí , manera mehorashonnan i remplasonan funshonal, ku e fèrf ta na òrdu, ku ta realisá inspekshonnan i ku e èrko ta funshoná. Esaki ta algu hopi importante na Boneiru! E sistema di transporte di awa no ta funshoná korektamente? Bo ta identifiká esaki i bo ta laga hasi reparashon di esaki.

A base di inspekshonnan, bo ta traha un plan di mantenshon di vários aña huntu ku e gerente di aktividat i e konsehero di mantenshon. Esaki ta duna bo un struktura kla pa traha kuné, pero bo ta sufisientemente fleksibel pa desviá di esaki ora e situashon ta eksigí esei.  Bo ta enkargá trabounan chikí mesora, i pa proyektonan mas grandi manera e remplaso integral di un sistema di kontrol di klima, bo ta sostené e gerente di proyekto ku bo konosementu di e propiedat i e usuario.  Bo lo traha tambe di aserka ku e koordinadó di fayo i e konsehero tékniko.   

Bo ta traha parsialmente for di ofisina, pero bo por sinta hopi tambe na bo propiedatnan. Den poko tempu lo bo konosé e edifisionan aki di paden i pafó. Di un forma lihé bo ta mira kiko mester hasi i ta komprendé e influensia di e klima di Karibe riba e kondishon di e edifisio i e proseso operashonal di e usuario.

Otro desafio: no ta tur kos ta disponibel riba e isla. Esaki ta rekerí solushonnan kreativo, fleksibel i bon planifikashon. Un ret di provedornan fuerte tambe ta di gran importansia.  Komo dunadó di enkargo, abo i bo kolega gerente di propiedat ta responsabel pa kumpra servisio i obranan, i bo ta sera akuerdonan di mantenshon di vários aña. Bo tin eksperensia ku maneho di kompra/kontrakt?  E ora ei esei lo yuda den e posishon aki.

E organisashon

E departamento di Maneho di Propiedat ta responsabel pa maneho di e edifisionan, instalashonnan tékniko, terenonan di Rijksvastgoedbedrijf, tantu den fase di uso i tambe esnan ku no ta den uso. E sekshon di Karibe, ku ta forma parti di e Departamento, ta konsistí di un tim di 35 miembro. Nos ta responsabel pa preparashon i ehekushon di tur proyekto i kontrakt den region, ku ta varia di proyektonan di konservashon te na proyektonan di invershon. E kontenido di nos portafolio ta hopi diverso: di ofisinanan, residensianan ofisial i stashonnan di polis i brantwer te ku terenonan militar i prizònnan.

E sekshon Karibense ta dividí den dos klùster: Klùster di Hulanda Karibense (Boneiru, Sint Eustatius i Saba) i e Klùster di Kòrsou, Aruba i Sint Maarten. Bo tim ta konsistí di Gerentenan di Propiedat, Gerentenan di Proyekto, un Koordinadó di Fayo i Asistentenan di Proyekto, ábil i independiente.  Nos ta traha di forma repartí riba e islanan, pa asina nos por forma un kara familiar pa e usuarionan di propiedatnan. Tin un ambiente di trabou habrí i agradabel den seno di nos tim, kaminda konfiansa i un ‘go-getter mentality’ ta sentral.

Kompetensianan

• Abilidat pa networking;
• Orientá riba kliente;
• Planifiká i organisá;
• Dirigí riba resultado;
• Proaktivo;
• Konsiente di esnan rònt di bo.

Eksigensianan pa e funshon

• Bo tin, mínimo, un nivel di HBO, por demostrá esaki ku un diploma di HBO den konstrukshon (bouwkunde), téknika di instalashon (installatietechniek), atministrashon tékniko komersial òf similar, òf akumulá dor di eksperensia.
• Bo tin vários aña di eksperensia den un puesto similar;
• Eksperensia di trabou relevante den área di Karibe ta un bentaha;
• Bo tin un afinidat ku òf eksperensia den maneho di kontrato i aspektonan legal di relashonnan kontraktual; 
• Bo tin resistensia pa strès, fleksibel i ta tuma trabou tantu den komo pafó di bo mes área di trabou, asta si algu pasa pafó di orario di ofisina;
• Konosementu di Hulandes, Papiamentu (i/òf) Spañó ta un bentaha.
• Bo ta traha na nos ofisina na Boneiru i tambe bo ta dispuesto pa traha riba e otro islanan den e área di Karibe. Bo ta dispuesto pa biaha entre e islanan ora esaki ta nesesario.

Kiko nos ta ofresé?

• Un nombramentu temporal a base di e Rechtspositiebesluit ambtenaren BES (Desishon di posishon hurídiko di ámtenar di BES);
• Un salario konforme merkado den skal inisial 10 i skal di e funshon 11, salario mensual mínimo $ 3.578,- i máksimo $ 5.319,-, ku un siman di trabou di 36 ora. Klasifikashon ta tuma lugá a base di konosementu I eksperensia;
•  Sèn di fakansi (8,33% di e entrada anual)
• Bónùs di fin di aña (8,33% di e entrada anual);
• Un kompensashon di vitalidat;
• Un areglo di penshun akomodá na Pensioenfonds Caribisch Nederland (PCN);
• 182 ora di fakansi den kaso di un siman di trabou di 36 ora;
• Un nombramentu temporal pa un aña, ku bista riba un nombramentu fiho den kaso di bon funshonamentu i un evaluashon positivo;
• Un areglo di mudansa pa kandidato ku ta reakshoná for di eksterior.

Prosedura

Un assessment, casus i/ òf chekeo di referensia por forma parti di e prosedura.
miéntras ku den e selekshon lo tene kuenta ku e siguiente órden:

• Personal ofisial di RCN na e islanan BES (interno);
• Habitante di e parti karibense di Hulanda (eksterno);
• Sobrá kandidato (eksterno).

Eksigensianan pa e funshon

• Un Deklarashon di Bon Kondukta (VOG);
• Un saminashon médiko na fabor di atmishon den e fondo di penshun (partisipashon ta obligatorio, inkluso kontribushon propio|);
• E nashonalidat hulandes.

Bon pa sa esaki pa esnan interesá ku ta biba pafó di Hulanda Karibense

• E salario ta na dòler merikano, e moneda ofisial di Hulanda Karibense;
• Hulanda Karibense konosé su propio reglanan di impuesto. Ta kobra impuesto di 30,4% riba un suèldu riba e montante liber di impuesto ku ta $21.373,- den 2025, te un suèldu di $51.250,-. Den e di dos grupo di impuesto un tarifa di impuesto di 35,4% ta na vigor.
• Bo ta, òf bo ta bira, residente di Hulanda Karibense.

Bo ke mas informashon?

Pa informashon tokante e vakatura akí, tuma kontakto ku René Spanjers, hefe di region, via + 5999 510 2785 òf Rene.Spanjers@rijksoverheid.nl

Solisitut digital

Bo por manda bo Curriculum Vitae ku motivashon via meil na vacature@rijksdienstCN.com