RVB Mènedjer di proyekto

HBO | Boneiru | 36 ora | Number di vakatura: P&O2024_012_014| Fecha di klousura: 28 di yanüari 2025

Deskripshon di funshon

For di renobashon di un sistema di klima kompleto, renobashon di un edifisio monumental te na konstrukshon di un lokalidat nobo di ofisina. E proyektonan na Rijksvastgoedbedrijf (RVB) na Hulanda Karibense ta úniko. Komo mènedjer di proyekto, bo ta sòru pa e proyektonan aki kana sin problema i di un forma éksitoso.  Bo área di trabou ta enserá prinsipalmente Boneiru, pero tambe bo ta realisá proyektonan na St. Eustatius i Saba, loke ta hasi bo ròl mas spesial ainda.

Bo ta realisá prinsipalmente proyektonan di mantenshon kompleho, kaminda bo ta responsabel pa dirigí renobashonnan grandi i renobá instalashonnan tékniko. Tambe, bo ta asumí proyektonan di invershon, por ehèmpel pa realisá un lugá di konstrukshon nobo. Pues bo ta enbolbí den e proyektonan di A te Z. Debí na e eskala chikí di e islanan i di nos tim, nos ta spera ku bo ta un persona ku un mentalidat kritiko den kua bo ta sostené bo koleganan di forma aktivo.

Den e ròl aki lo bo, entre otro:

• Traha plannan di proyekto teniendo kuenta ku deseonan di kliente, legislashon i regulashon i otro eksigensianan;
• Enbolbí kolega òf partidonan di merkado eksterno pa e ingenieria i evaluá si e spesifikashonnan i dibuhonan ta kumpli ku e normanan di kalidat i ta adaptá na e konteksto lokal;
• Determiná strategianan di destaho den kolaborashon ku e departamento di kompra, pone destahonan riba merkado i dirigí kombersashon ku e partidonan ku ta ehekutá;
• Supervisá e kalidat tékniko, prosesonan di trabou, seguridat, planifikashon i finansa di e proyektonan i ta presente regularmente na lokalidatnan di e proyekto;
• Enbolbí e mènedjer di propiedat na tempu den bo proyektonan i sòru pa un bon traspaso na momento di entrega pa asina manehá e proyekto korektamente.

Bo ta forma parti di e klùster di Hulanda Karibense i ta traha estrechamente ku koleganan-gerente di proyekto, gerente di propiedatnan i gerente di aktivonan. Tambe bo ta mantené kontakto regular ku bo koleganan na Hulanda. Esaki ta nifiká ku bo ta kambia kontinuamente entre kultura i estilo di traha. Tin biaha bo ta na lokalidat pa evaluá un proyekto, otro bia bo ta papia tokante e planifikashon ku koleganan na St. Eustatius òf na Den Haag. Esaki ta hasi bo trabou allround, ku reto i spesial.  No solamente pa motibu di e ambiente di trabou úniko, pero tambe pa motibu di e responsabilidat grandi ku bo tin komo mènedjer di proyekto.

E organisashon

E departamento di maneho di propiedat di ‘Rijksvastgoedbrdijf’ ta responsabel pa e maneho di edifisionan, instalashontékniko di edifisio i terenonan, tantu den fase di uso i tambe esnan ku no ta den uso. E sekshon “Carib”, ku ta forma parti di e departamento di  maneho di propiedat, ta konsistí di un tim di 35 miembro. Nos ta responsabel pa preparashon i ehekushon di tur proyekto i kontraktnan den region, ku ta varia di proyektonan di konservashon te na proyektonan di invershon. E kontenido di nos portofolio ta hopi variá: for di ofisina, residensianan ofisial i stashonnan di polis i brantwer te ku terenonan militar i prizòn.

E sekshon Karibense ta dividí den dos tim: diesdos kolega ta enfoká riba Hulanda Karibense (Boneiru, St. Eustatius i Saba), miéntras ku e otro miembronan di e tim ta responsabel pa Kòrsou, Aruba i St. Maarten. Nos ta traha di forma repartí riba e islanan, pa asina nos por forma un kara familiar pa usuarionan di e propiedatnan. Tin un ambiente di trabou habrí i agradabel den seno di nos tim, kaminda konfiansa i un ‘go-getter mentality’ ta sentral.

Kompetensianan

• Liderazgo; por motivá i dirigí timnan pa logra metanan komun.
• Sensitivo pa e ambiente lokal; konsiente di e konteksto polítiko, sosial i kultural den tumamentu di desishon i komunikashon.
• Planifikashon i organisashon; manehá tempu i rekursonan efektivamente pa logra metanan di e proyekto.
• Traha di forma independiente; abilidat pa traha independientemente i tuma responsabilidat personal.
• Fleksibilidat; por kambia lihé entre diferente tarea i adaptá na sirkunstansianan ku ta kambia.
• Orientashon pa resultado; enfoká riba logra metanan di e proyekto.

Eksigensianan di funshon

Bo ta biba òf bo a yega di biba riba e islanan?  E ora ei bo konosé sintimentu di e isla i e posibilidatnan i karakterístikanan spesial di biba i traha riba un isla. Bo ta bini di eksterior?  E ora ei ta importante pa bo por sinti bo na kas riba un isla i sa kon pa adaptá.  E kos di mas importante?  Bo perseveransia enorme pa hasi e ròl aki un éksito!  Tambe bo tin:

• Nivel mínimo di HBO, optené via di entrenamentu tékniko kompletá, òf por lo ménos 5 aña di eksperensia di trabou relevante;
• Eksperensia demonstrabel den maneho di proyektonan di konstrukshon i tékniko;
• Bo tin un afinidat ku proyektonan di mantenshon kompleho;
• Afinidat tékniko amplio, inkluyendo konstrukshon, ingenieria mekániko i eléktriko, i tambe konosementu di e aspektonan legal di kontraktnan;
• Bon dominio di e idioma Hulandes, i preferiblemente konosementu di Papiamentu.

Kiko nos ta ofresé

• Un nombramentu di akuerdo ku e Posishon Hurídiko di funshonarionan públiko BES;
• Un salario di akuerdo ku merkado  den un skal inisial 11 i e skal di funshon 12 (salario mensual bruto di minimo $4.111,- i máksimo $6.009,-) ku un siman di trabou di 36 ora. (klasifikashon ta basa riba konosementu i eksperensia);
• Kompensashon di vakashon (8,33% di e salario anual);
• Un di diestres luna (8,33% di e salario anual, ku un mínimo di $1.750,- bruto);
• Un  areglo di penshun akomodá bou di Pensioenfonds Caribisch Nederland (PCN);
• 182 ora di fakansi pa aña basá riba un siman di trabou di 36 ora;
• Un nombramentu temporal pa un aña ku bista riba un nombramentu fiho a base di un bon funshonamentu i un evaluashon positivo;
• Un areglo di mudansa si bo ta reakshoná for di den eksterior.

Prosedura

Un evaluashon, entrevista i/òf chekeo di referensia por ta parti di e prosedura.
Ta habri e vakatura akí na mes momentu interno i eksterno kaminda ku ta tene kuenta ku e siguiente órden na momentu di selekshon:

• Personal ofisial di RCN riba e islanan BES (interno)
• Habitantenan di e parti Karibense di Hulanda (eksterno)
• Otro kandidatonan (eksterno)

Eksigensianan pa nombramentu

• Un deklarashon tokante kondukta (VOG);

• Un saminashon médiko na fabor di atmishon den e fondo di penshun;
• Nashonalidat hulandes.

Bon pa sa esaki pa esnan interesá ku ta biba pafó di Hulanda Karibense

• E salario ta na dòler merikano, e moneda ofisial di Hulanda Karibense;
• Hulanda Karibense tin su mes regulashonnan fiskal. Ta apliká un tasa di impuesto di 30,4% pa entrada riba e suma liber di impuesto ($21.373,– na 2025); 
• Partisipashon dene  fondo di penshun ta obligatorio, inkluyendo e suma di kontribushon personal pa esaki;
• Bo òf lo bira residente di Hulanda Karibense. 

Mas informashon?

Pa mas informashon tokante e vakatura bo por tuma kontakto ku Erik Rusman, Hefe di klùster CN, via + 599 7950546 òf Erik.Rusman@rijksoverheid.nl.

Solisitut digital

Bo por manda bo Curriculum Vitae ku motivashon pa: vacature@rijksdienstCN.com