SSO-CN Arkitekto IT Empresarial– ofisina CIO RCN

Bo ke duna un kontribushon na realisashon di un ambiente di IT duradero pa futuro pa Rijksdienst Caribisch Nederland? Reakshoná e ora ei riba e vakatura akí!

WO | Boneiru | 36 ora| Number di vakatura: P&O2024_01_010 | Fecha di klousura: 24 di aprel 2024

Deskripshon di funshon

Bo ta bai kontribuí, for di e ofisina CIO, na realisashon di un sistema di IT duradero pa futuro pa RCN. Pa evitá ku e empleadonan/organisashonnan embolbí ta traha banda di otro abo komo arkitekto IT Empresarial ta konsipiá un deskripshon pa e situashon deseá pa servisio di ICT pa e islanan den Hulanda Karibense, ku ta kuadra ku e situashon lokal. E diseño akí ta konsistí di palabrashonnan i mapanan ku ta indiká e ruta ku ta bai, i ta deskribí e situashon deseá for di diferente punta di bista ku ta stipulá den un roadmap (di mas aña) pa e departamentu di ICT na SSO CN for di arkitektura (di empresa). Ademas bo ta mónitòr e estado tékniko di e IT na SSO CN.

For di e ofisina di CIO bo ta sòru huntu ku e CIO i e CISO (Hefe di Seguridat di Informashon) ku e IT di SSO CN ta keda habrí pa eskalá / fleksibel i seif i ku tin espasio / ta krea espasio pa inovashon. Fuera di desaroyá arkitektura di empresa ta naturalmente importante ku e arkitektura ta adekuá pa funshoná den práktika, di manera ku por realisá kambionan i proyektonan di forma efektivo i efisiente. Ku konseho i kooperashon aktivo bo ta guia e diferente proyektonan di manera ku ta realisá aplikashonnan i dunamentu di servisio di manera efektivo.

Tareanan di funshon

  • Bo ta konsehá den asuntu di arkitektura na nivel stratégiko, táktiko i operashonal;
  • Bo ta konsehá den asuntu di inisiativa di kambio nobo, a base di e ambishonnan i metanan stratégiko;
  • Den kaso di inisiativa bo ta kooperá ku e timnan multidisiplinario na análisisnan di impakto. Ademas bo ta formulá arkitekturanan di meta i transishon, di kuadronan i prinsipionan;
  • Bo ta partisipá den formulashon di e arkitektura di e software pa empresa dor di formulá vishon di arkitektura pa temanan ku ta di importansia pa SSO CN i su área di kuido, esaki den kooperashon estrecho ku ekspertonan interno i eksterno;
  • Bo ta mantené kontakto ku arkitektonan kolega di partnernan (di kadena);
  • Bo ta vigilá den trayektonan di realisashon e konekshon entre e solushonnan i e arkitektura di e empresa;
  • Bo ta guia segun koherensia i funshonalidat entre servisionan inteligente eksistente i nobo.

Organisashon

E Rijkdienst Caribisch Nederland (RCN) ta e vínkulo entre servisionan ehekutivo di ministerionan ku ta presente riba e islanan Boneiru, Sint Eustatius i Saba. Kada ministerio mes ta responsabel pa loke ta trata kontenido di introdukshon i ehekushon di e maneho di e ministerio konserní. E ofisina di CIO ta hunga un papel fundamental entre e Departamentonan di Gobièrnu Sentral i e organisashon di shared service CN (SSO CN).

Departamentu

E ofisina di CIO mester yega huntu ku e departamentunan na proposishonnan ku tin nan akuerdo ku ta seif, faktibel i realisabel pa e departamento di ICT di SSO. E departamento akí seguidamente ta atendé ku e infrastruktura komun di ICT pa suministro di informashon pa e diferente departamentonan di Gobièrnu Sentral.

Abilidatnan

  • Abilidatnan komunikativo; tantu verbal komo por eskrito;
  • Orientashon riba kliente;
  • Traha huntu;
  • Kapasidat analítiko;
  • Ku enfoke pa resultado;
  • Por krea konekshon;
  • Abilidat pa apstraé
  • Forsa pa konvensé otro.

Eksigensianan di funshon

  • Bo ta disponé di un nivel di traha i pensa di WO;
  • Bo tin eksperensia di trabou komo arkitekto na nivel stratégiko i táktiko;
  • Bo por sali for di kuadronan di pensamentu eksistente i konsiderá problemátikanan ku un mente habrí;
  • Bo tin konosementu demostrabel di i eksperensia ku desaroyá, implementá métodonan i téknikanan di arkitektura manera Archimate i òf TOGAF;
  • Bo tin eksperensia den formulá i presentá konsehonan i por tene kuenta den esaki ku relashonnan mutuo i faktibilidat den un ambiente kompleho;
  • Bo tin un abilidat di skucha bon desaroyá, ta sigui hasi pregunta pa haña splikashon i ta duna kontribushon efektivo na un meta komun den kolaborashon ku otronan.

Kiko nos ta ofresé?

  • Un nombramentu a base di e Rechtspositiebesluit ambtenaren BES (Desishon di posishon hurídiko di ámtenar di BES);
  • Un salario konforme merkado den skal inisial 11 i skal di funshon 12, salario mensual minimalmente $ 4.050,- i maksimalmente $ 5.920,- ku un siman di trabou di 36 ora pa siman. Klasifikashon a base di konosementu i eksperensia;
  • Sèn di fakansi (8,33% di e salario);
  • Un di diestres luna (8,33% di e salario, un mínimo di $ 1.750,- bruto);
  • Un areglo di penshun akomodá na Pensioenfonds Caribisch Nederland (PCN);
  • 168 ora di fakansi den kaso di un siman di trabou di 36 ora pa siman;
  • Un nombramentu temporal pa un aña, ku bista riba un nombramentu fiho den kaso di bon funshonamentu i un evaluashon positivo;
  • Un areglo pa muda pa kandidato ku ta reakshoná di pafó di e isla.

Prosedura

  • Ta habri e funshon aki internamente i eksternamente na mes momentu. Den kaso di aptitut igual kandidato interno ta haña preferensia;
  • Un assessment òf casus por forma parti di e prosedura.

Eksigensia pa nombramentu

  • Un deklarashon tokante kondukta (VOG);
  • Un eksaminashon médiko na fabor di atmishon den e fondo di penshun;
  • Nashonalidat hulandes.

Bon pa sa pa interesado pafó di Hulanda Karibense

  • E salario ta na dòler merikano, e moneda ofisial di Hulanda Karibense;
  • Hulanda Karibense konosé su propio reglanan di impuesto. Ta kobra impuesto riba e entrada mas haltu ku e suma liber di impuesto ($ 20.242,- na 2024) di un porsentahe di 30,4 % na retenshon riba suèldu;
  • Ta obligá pa partisipá na e fondo di penshun, inkluso un kontribushon propio na esaki;
  • Bo ta, òf bo ta bira, residente di Hulanda Karibense.

Mas informashon?

Pa informashon tokante e vakatura bo por tuma kontakto ku Ruud van den Bosch. Number di telefòn  +599 795 5103.

Solisitut digital

Bo por manda bo Curriculum Vitae i karta di motivashon pa: vacature@rijksdienstCN.com