Abo ta e atministradó funshonal proaktivo ku sa bon kon pa tradusí deseo di usuario den eksigensia di sistema? Abo ta e intermediario ku ta trese nivel operashonal, táktiko i stratégiko mas serka di otro? Pa bo lo ta un plaser pa yuda pensa tokante desaroyo i optimalisashon di nos suministro di informashon? Bo tin eksperensia ku SAP S/4HANA, proseso finansiero, proseso di kompra i bo ta buska un kaminda pa bo sigui desaroyá? E ora ei, gustosamente nos lo bai den kòmbersashon ku bo!

Deskripshon di funshon

Komo atministradó funshonal, bo ta responsabel pa maneho i apoyo di vários aplikashon/sistema di informashon serka SSO-CN. Bo por analisá prosesonan di forma independiente pa duna konseho, riba petishon òf sin petishon, ku e meta pa hasi uso optimal di, entre otro, SAP S/4HANA i SAP Ariba." Bo ta apoyá e usuarionan tantu ku e uso di e diferente sistemanan komo ku hasimentu visibel i eliminashon di interupshon. Bo ta inventarisá i analisá deseo di usuario, i ta tradusí esakinan den proposishon di organisashon konkreto. Ademas, bo ta envolví ku redakshon/deskripshon di spesifikashonnan funshonal pa kua bo ta (yuda) karga responsabilidat.

Tareanan di funshon

  • Bo ta responsabel pa trata ku interupshon, analisá notifikashon tokante problema, tuma medida na benefisio di un funshonamentu bon i sin interupshon;
  • Bo ta enkargá ku maneho funshonal pa e aplikashonnan/sistemanan di informashon ku ta usa;
  • Bo ta inventarisá e nesesidat di informashon di gerensia i personal, i ta tradusí nan den informashon di maneho i kontrol apropiá;
  • Bo ta proaktivo den sugerensia di proposishon pa mehorashon, òf den duna konseho pa problema komun na propietario di sistema/gerensia;
  • Bo ta duna konseho i apoyo na usuario, i bo ta responsabel pa konfigurashon i redakshon di proseso di trabou;
  • Bo ta kumpli ku un funshon importante di intermediario entre organisashon di usuario, suministradó di software, i e departamentu interno di ICT;
  • Den kolaborashon ku suministradó, bo ta koordiná update di sistema i adaptashon di funshonalidat;
  • Bo ta koordiná ehekushon di tèst funshonal i tèst di aseptashon di usuario, i redakshon di plan di tèst;
  • Bo ta evaluá e dokumentashon i e manualnan.

E organisashon

SSO CN (Organisashon di Shared Service Hulanda Karibense) ta enkargá ku maneho operashonal i apoyo di e ministerionan ku ta aktivo na e islanan BES, loke ta hasié e organisashon di shared service di e Reino den Karibe. Bou di esaki ta kai e sosten riba tereno di maneho di personal, kompra, finansa, outomatisashon, komunikashon, i alohamentu.

Kompetensianan

  • Analisá;
  • Pensa lógikamente;
  • Orientashon riba kliente;
  • Konsiente di bo alrededor;
  • Plania i organisá;
  • Orientashon riba resultado;
  • Traha huntu;
  • Inisiativa;
  • Desaroyo propio.

Eksigensianan di funshon

  • Un nivel di traha i pensa HBO i preferiblemente algun aña di eksperensia relevante;
  • Por proba di tin eksperensia riba tereno di atministrashon funshonal;
  • Eksperensia ku e proseso kompletu  di tratamentu di petishon pa informashon;
  • Preferiblemente sertifikado BiSL;
  • Konosementu di i eksperensia ku tèstnan funshonal;
  • Bon abilidat pa traspasá konosementu i abilidatnan pa usuario;
  • Eksperensia ku identifiká i rekonosé bottleneck funshonal den aplikashon/sistema di informashon;
  • Bon abilidat komunikativo (verbal i por eskrito) na hulandes i ingles, papiamentu ta un bentaha;
  • Eksperensia ku e siguiente sistemanan: AFAS, SAP, TOPDesk i/òf Planon.

Loke nos ta ofresé

  • Un nombramentu a base di e Rechtspositiebesluit ambtenaren BES (Desishon di posishon hurídiko di ámtenar di BES);
  • Un salario konforme merkado, den skal inisial 9 i skal de e funshon 10, salario mensual minimalmente $3.121,- i maksimalmente $ 4.644,- ku un siman di trabou di 36 ora pa siman. Klasifikashon a base di konosementu i eksperensia;
  • Sèn di fakansi (8,33% di eentrada anual);
  • Un di diestres luna (8,33% di e entrada anual);
  • Kompensashon di vitalidat
  • Un areglo di penshun akomodá na Pensioenfonds Caribisch Nederland (PCN);
  • 182 ora di fakansi den kaso di un siman di trabou di 36 ora pa siman;
  • Un nombramentu temporal pa un aña, ku bista riba un nombramentu fiho den kaso di bon funshonamentu i un evaluashon positivo;
  • Un areglo di mudansa pa kantidatonan ku ta reakshoná for di eksterior;

Prosedura

Un assessment, casus i/òf chekeo di referensia por forma parti di e prosedura.
Pa selekshon lo tene kuenta ku e siguiente órden:

  • Personal ofisial di RCN na e islanan BES (interno)
  • Habitante di e parti karibense di Hulanda (eksterno)
  • Sobrá kandidato (eksterno)

Eksigensianan di nombramentu

  • Un deklarashon tokante kondukta (VOG);
  • Un saminashon médiko na fabor di atmishon den e fondo di penshun (partisipashon ta obligatorio, inkluso kontribushon propio);
  • Nashonalidat hulandes.

Bon pa sa pa interesado pafó di Hulanda Karibense

  • E salario ta na dòler merikano, e moneda ofisial di Hulanda Karibense;
  • Hulanda Karibense konosé su propio reglanan di impuesto. Ta kobra impuesto di 30,4% riba un suèldu riba e montante liber di impuesto ku ta $21.373,- den 2025 den e promé grupo, te ku un suèldu di $51.250,-. Den e di dos grupo di impuesto un tarifa di impuesto di 35,4% ta na vigor.
  • Bo ta, òf bo ta bira, residente di Hulanda Karibense.

Mas informashon?

Pa mas informashon tokante e vakatura bo por tuma kontakto ku Junnys Wedervoort, meil: Junnys.Wedervoort@rijksdienstcn.com.

Solisitut digital

Bo por manda bo Curriculum Vitae ku bo motivashon na vacature@rijksdienstCN.com.