SSO CN - Empleadon Front Office ICT

MBO4| Boneiru| 36 ora| Number di vakatura: P&O2024_09_027 | Fecha di klousura: 15 oktober 2024

Deskripshon di funshon

Komo empleado di frontoffice (ICT), abo ta e promé punto di kontakto pa pregunta riba tereno di servisio di ICT, i bo ta registrá pregunta di usuario, pregunta pa informashon, notifikashon di interupshon, i keho.

Tareanan di funshon

• Denter di e tempu normativo bo ta risibí, registrá, i atendé e notifikashonnan (di interupshon) ku ta drenta via e Front Office (telefòn, e-mail, Sistema di notifikashon);
• Bo ta duna un aporte na maneho di aplikashon i sistema;
• Bo ta sòru pa (apoyo ku) instalashon i organisashon di aplikashon i sistema;
• Bo ta traha/mantené instrukshon di trabou pa problema tékniko frekuente;
• Bo ta e intermediario entre usuario i back office/suministradó;
• Bo ta señalá iregularidat relashoná ku uso di sistema i interupshon di hardware, i ta resolvé òf ta laga resolvé nan;
• Bo ta mónitòr e proseso di atendé notifikashon i ta hasi e atministrashon di esaki.

E organisashon

E Rijksdienst Caribisch Nederland (RCN) ta e vínkulo entre servisionan ehekutivo di ministerionan ku ta presente riba e islanan Boneiru, Sint Eustatius i Saba. Kada ministerio mes ta responsabel pa loke ta trata kontenido di introdukshon i ehekushon di e maneho di e ministerio konserní. SSO CN ta un organisashon di shared service, i ta enkargá ku maneho operashonal i sosten riba tereno di Human Resources Management (HRM, Maneho di Rekurso Humano), Kompra, Asuntu Fasilitario, ICT, Finansa, i Komunikashon pa tur departamentu aktivo na Hulanda Karibense.

E departamentu

Na e Front Office (FO), tur petishon pa asistensia i notifikashon di e servisionan i departementunan ta drenta. Empleado di Front Office ta kuminsá traha mesora riba pregunta i notifikashon frekuente. Pa petishon pa asistensia mas kompleho, e Front Office ta envolví e departamentu korekto, i ta monitòr nan progreso i satisfakshon di e kliente ora atendé ku nan. E funshon aki ta konosé algun área di konosementu spesífiko, esta ICT, Facilitaire Zaken (FAZA, Asuntu Fasilitario), Kompra/Finansa, i asuntu di personal.

Kompetensianan

• Skucha;
• Orientashon riba kliente;
• Analisá;
• Fleksibilidat;
• Traha huntu;
• Abilidatnan verbal i por eskrito.

Eksigensianan di funshon

• Bo a kompletá un estudio mbo4 (preferiblemente den ICT), òf bo por proba ku bo tin un nivel di traha i pensa mbo;
• Bo tin konosementu di e sistemanan di proseso di servisio i sistemanan ERP (Enterprise Resource Planning) ku bo ta bai usa;
• Saber di kon pa instalá, konfigurá, troubleshoot i duna apoyo ku Windows 7/10 Client ta un bentaha;
• Konosementu di aplikashonnan di ICT, inkluso Windows (PC i server) i AD (Active Directory) ta un bentaha;
• Sertifikado ITIL Foundation (IT Infrastructure Library) ta un bentaha;
• Sertifikado CompTIA A+ (e sertifikado di Computing Technology Industry Association), òf un sertifikado di ICT similar ta un bentaha;
• Konosementu di i eksperensia ku traha den TOPDesk ta un bentaha;

Kiko nos ta ofresé?

• Un nombramentu a base di e Rechtspositiebesluit ambtenaren BES (Desishon di posishon hurídiko di ámtenar di BES);
• Un salario konforme merkado den skal inisial 6 i skal di funshon 7, salario mensual minimalmente $ 2.100,- i maksimalmente $ 3.240,-, ku un siman di trabou di 36 ora pa siman. Klasifikashon a base di konosementu i eksperensia;
• Sèn di fakansi (8,33% di e salario);
• Un di diestres luna (8,33% di e salario, un mínimo di $ 1.750,- bruto);
• Un areglo di penshun akomodá na Pensioenfonds Caribisch Nederland (PCN);
• 168 ora di fakansi den kaso di un siman di trabou di 36 ora pa siman.
• Un nombramentu temporal pa un aña ku bista riba un nombramentu fiho a base di un bon funshonamentu i un evaluashon positivo;
• Un areglo di mudansa si bo ta reakshoná for di den eksterior.

Prosedura

• Ta habri e vakatura akí na mes momentu interno i eksterno. Den kaso di kapasidat igual kandidatonan interno tin preferensia;
• Un assessment, casus i/òf chekeo di referensia por ta parti di e prosedura. 

Eksigensianan di nombramentu

• Un deklarashon tokante kondukta (VOG);

• Un saminashon médiko na fabor di atmishon den e fondo di penshun;
• Nashonalidat hulandes.

Bon pa sa pa interesado pafó di nseHulanda Karibe

• E salario ta na dòler merikano, e moneda ofisial di Hulanda Karibense;
• Hulanda Karibense konosé su propio reglanan di impuesto. Ta kobra impuesto riba e entrada mas haltu ku e suma liber di impuesto ($ 20.424,- na 2024) di un porsentahe di 30,4 % na retenshon riba suèldu;
• Ta obligá pa partisipá na e fondo di penshun, inkluso un kontribushon propio na esaki;
• Bo ta, òf bo ta bira, residente di Hulanda Karibense.

Mas informashon?

Pa mas informashon tokante e vakatura bo por tuma kontakto ku Farley Silvano, Lider di Tim Frontoffice, number di telefòn: (599) 795 0580.

Solisitut digital

Bo por manda bo Curriculum Vitae ku bo motivashon via e-mail pa: vacature@rijksdienstcn.com