SSO-CN Hefe di departamento ICT

SSO-CN (Shared Service Organisatie Hulanda Karibense) ta buska un hefe di departamento di ICT kapabel, dinámiko, ku ta fasilitá i coach. Abo ta esun ku ta bai sigui duna forma na e profeshonalisashon di e departamento di ICT? Abo ke sigui konstruí riba e fundeshi ku ta pone kaba di e organisashon di IV/ICT? E ora ei solisitá awor!

HBO | Boneiru | 36 ora | Number di vakatura P&O2022_08_007 | Fecha di klousura: 5 di òktober 2022

Deskripshon di funshon

Komo hefe di departamento ICT bo ta duna kontenido na e prosesonan di kambio enkuanto e suministro di informashon (IV) i ICT. Bo ta sigui desaroyá e organisashon profeshonal di IV/ICT pa asina -den futuro tambe- por rekonosé i implementá e desaroyonan rápido riba tereno di IV i ICT kada bes na tempu. Tambe bo ta formulá e vishon di digitalisashon nobo pa e SSO-CN konhuntamente ku e arkitekto empresarial, servisio i sosionan manera provedornan eksterno.

Bo ta enfoká riba e koherensia, kalidat di ICT i gastunan di e totalidat, e ambiente di ICT i tambe suministro di informashon nesesario i e organisashon di esaki. Banda di esaki bo ta un sosio di kòmbersashon importante pa e otro mènedjernan di departamento den SSO-CN i servisio/departamento pa kliente i bo ta forma parti di e gerensia.

Bo ta responsabel pa e kontinuidat di ICT i e kontinuidat di desaroyo di e ambiente di IV/ICT i ta garantisá e interes di SSO-CN su servisio pa kliente.  Bo ta para tambe pa yuda realisá e strategia di digitalisashon. Ta desaroyá e strategia aki den kolaborashon estrecho ku e servisionan pa kliente di manera ku por logra un servisio ekselente. Pa esaki bo ta sigui i antisipá riba desaroyo eksterno den e área di ekspertisio tantu teknológiko komo serka e Gobièrnu Sentral. E desaroyonan aki ta guia na eskohonan den e maneho i aplikashon inovativo i ta hasi servisio moderno posibel. Bo ta para pa e interes kolektivo i e interes di servisio tokante problemanan di IV/ICT i ta sòru pa konsenso.

Bo tin konsulta regular ku e gerensia di SSO-CN i e servisionan pa kliente tokante aspekto relevante di suministro di informashon. Den bo funshon bo ta tuma parti tambe na e deliberashon stratégiko di e diferente servisionan. 

Tarea di funshon

  • Bo ta responsabel pa implementashon kosto efektivo di e rekursonan di IV/ICT SSO-CN  amplio i na nòmber di e servisionan pa kliente; 
  • Bo ta realisá un aporte efektivo di IV/ICT pa loke ta trata solushon inovativo pa e tareanan di e SSO-CN;      
  • Bo ta responsabel pa e maneho di portafolio di e SSO-CN, portafolio di IV amplio i e organisashon di e desishonnan tokante esaki;  
  • Bo ta karga e responsabilidat finansiero final di e departamento;
  • Bo ta responsabel pa manehá i optimalisá e infrastruktura di ICT, kaminda salbaguardiá informashon/siguridat ta un aspekto importante;
  • Bo ta un ‘sparringpartner’ (un sosio ku por sinta interkambiá di idea i pensamentu kuné) kapabel i inspirante pa e gerensia di SSO-CN tokante problemanan di IV/ICT; 
  • Bo ta tuma e responsabilidat pa e kontinuidat i kalidat di e servisionan di IV/ICT, e optimalisashon di e satisfakshon di kliente i ta sòru pa un servisio efektivo i redukshon di gastunan.

Organisashon

Rijksdienst Caribisch Nederland (RCN) ta e konekshon entre tur servisio ehekutivo di ministerionan ku ta presente na e islanan di Boneiru, Sint Eustatius i Saba. Kada ministerio mes ta responsabel pa kontenido di introdukshon i ehekushon di maneho di e ministerio en kestion. Pa e ehekushon i apoyo korekto, nan ta hasi un apelashon riba e Shared Service Organisatie (SSO CN) di Rijksdienst Caribisch Nederland. SSO CN ta duna apoyo riba e tereno operashonal, personal & organisashon, kompra & finansa, asuntu fasilitario, ICT, i komunikashon.

E departamento ICT ta sòru pa ún infrastruktura di ICT komun pa suministro di informashon di e diferente departamentonan aki. E departamento ta konsistí di e gruponan di ekspertisio: maneho di sistema, maneho di aplikashon operashonal tékniko, atministradó maneho di ret i maneho di e lugá di trabou. E departamento tin e kontaktonan nesesario tantu denter di e organisashon komo ku partidonan eksterno.

Kompetensia

  • Sensibilidat pa manehá;
  • Konsiente di e ambiente;
  • Dirigí organisashon;
  • Dirigí grupo;
  • Desaroyá trahadónan;
  • Reflekshoná;
  • Sensibilidat pa organisá;
  • Nètwèrk

Eksigensianan di funshon

  • Bo ta funshoná riba nivel di traha i pensa akadémiko i bo ta komprondé hopi bon e dinámika ku trahamentu den un organisashon kompleho (públiko) ta trese kuné. Bo sa kon mantené bo firme den e ambiente aki;
  • Bo por demostrá ku bo tabata eksitoso den ICT i asignashon di digitalisashon kompleho i  programa di IV i tambe den trayekto pa desaroyo di organisashon;
  • Bo tin un sentido desaroyá pa duna guia i un vishon kla enkuanto liderazgo, desempeño di bo propio ròl i e ampliamentu di e kapasidat di siña di e trahadónan;
  • Bo ta pensa konseptual i bo ta un komunikadó fuerte: bo por splika konsepto i término (di IV i ICT) na personanan ku no ta bin di e área di ekspertisio aki;
  • Dor di bo personalidat, eksperensia di bida, mentalidat di hungadó di tim, bista fresku i amplio, personalidat ku ta konektá fásil i bo ekipahe di konosementu i ekspertisio bo ta sòru pa renovashon;
  • Bo a demonstrá di ta un mènedjer di kambio ku ta kapas pa trese un departamento den moveshon i por realisá mehoramentunan importante; 
  • Bo sa di haña un balansa korekto entre delegá i duna responsabilidat i ta permanesé den liñanan prinsipal den kòntròl;
  • Bo ta un persona ku ta konektá efektivamente dor di trese oferta i demanda di suministro di informashon huntu i asina eksperensiá otro su su balor añadí.

Kiko nos ta ofresé?

  • Un nombramentu konforme e Rechtspositiebesluit ambtenaren BES (Desishon di posishon hurídiko di ámtenar di BES);
  • Un salario konforme merkado den skal inisial 12 i skal di funshon 13 (salario mensual bruto minimalmente $ 3.960,- i maksimalmente $5.728,-) ku un siman di trabou di 36 ora pa siman. Ta skal a base di konosementu i eksperensia;
  • Sèn di vakashon (8,33% di e salario);
  • Un di 13 luna (8,33% di e salario, un mínimo di $ 1.750,- bruto);
  • Un previshon di penshun akomodá na Pensioenfonds Caribisch Nederland (PCN);
  • 168 ora di vakashon den kaso di un siman di trabou di 36 ora pa siman;
  • A balorá e funshon na un manera indikativo, e nombramentu ta temporal pa sinku aña ku e perspektiva pa bira permanente ora formalisashon den e organisashon i formashon tuma lugá i den kaso di bon funshonamentu i un resultado di evaluashon positivo;
  • Un areglo pa muda pa kandidato ku ta reakshoná di pafó di e isla.

Prosedura

  • Ta habri e funshon aki internamente i eksternamente na mes momentu. Den kaso di aptitut igual kandidato interno ta haña preferensia;
  • Un assessment òf casus por forma parti di e prosedura.

Eksigensia pa nombramentu

  • Un deklarashon tokante kondukta (VOG);
  • Un eksaminashon médiko na fabor di atmishon den e fondo di penshun;
  • Nashonalidat hulandes.

Bon pa sa pa interesado pafó di Hulanda Karibense

  • E salario ta na dòler merikano, e moneda ofisial di Hulanda Karibense;
  • Hulanda Karibense konosé su propio reglanan di impuesto. Ta kobra impuesto riba e entrada mas haltu ku e suma liber di impuesto ($ 12.198,- na 2022) di un porsentahe di 30,4 % na retenshon riba suèldu;
  • Ta obligá pa partisipá na e fondo di penshun, inkluso un kontribushon propio na esaki;
  • Bo ta, òf bo ta bira, residente di Hulanda Karibense.

Mas informashon?

Pa informashon tokante e vakatura bo por tuma kontakto ku
Ron van Beusekom, Hefe ICT, number di telefòn: + 31 6 3175 3101.

Solisitut digital

Bo por manda bo Curriculum Vitae i karta di motivashon pa: vacature@rijksdienstCN.com