SSO CN Kolaboradó di FAZA/DIV

E organisashon

Rijksdienst Caribisch Nederland (RCN) ta e konekshon entre e servisionan ehekutivo di ministerionan riba e islanan Boneiru, Sint Eustatius i Saba. Kada ministerio riba su mes ta responsabel pa e kontenido di introdukshon i implementashon di maneho di e respektivo ministerio. SSO CN ta un organisashon di servisio kompartí ku ta enkargá ku e maneho operashonal i brinda sosten den e áreanan di Maneho di Rekurso Humano (HRM), Kompra, Asuntunan Fasilitario, ICT, Finansa i Komunikashon pa tur departamentonan ku ta aktivo na Hulanda Karibense.

E departamentu

E departamentu di Asuntunan Fasilitario (FAZA) di SSO ta responsabel pa kordiná i fasilitá e diferente servisionan ku ta brinda sosten i fasilidat den edifisionan di gobièrnu. E meta di e departamentu aki ta pa krea un ambiente di trabou efisiente i efektivo, di manera ku e kolaboradónan por enfoká riba nan tareanan prinsipal.

Deskripshon di funshon

Komo Kolaboradó di FAZA/DIV (Maneho di Informashon Dokumentario), bo ta responsabel pa pòst i archivo digital i analógiko di dokumentonan.

Bo ta aktua di akuerdo ku lei i e regulashonnan vigente pa loke ta trata wardamentu di dokumentonan den e ambiente digital i analógiko. Aki bo tin ku trata ku un diversidat di usuario i struktura konforme regla i instrukshonnan.

Tareanan di funshon

• Bo ta duna usuarionan pèrmit pa konsultá un fail digital;
• Bo ta pone e fail analógiko disponibel pa e usuarionan;
• Bo ta responsabel pa pòst, servisio di entrega i rekohé di e servisionan ku ta forma parti di Rijksdienst Caribisch Nederland;
• Bo ta manehá e archivo analógiko i digital;
• Bo ta digitalisá dokumentunan na benefisio di nos usuarionan;
• Bo ta sòru ku ta kumpli ku e prosedimentu di destruí dokumento i ta ehekutá esaki segun e instrukshonnan vigente.

Eksigensianan di funshon

• Bo tin un estudio mbo SOD 1 finalisá òf un nivel di pensa mbo (òf bo ta dispuesto pa sigui e estudio SOD 1);
• Bo ta bon den MS-office;
• Bo ta dominá hulandes. Dominio di papiamentu i ingles ta un bentaha.

Kompetensianan

• Sentido di responsabilidat;
• Presishon;
• Traha huntu;
• Enfoká riba kliente;
• Fleksibilidat.

Loke nos ta ofresé

• Un nombramentu a base di e Rechtspositiebesluit ambtenaren BES (Desishon di posishon hurídiko di ámtenar di BES);
• Un salario konforme merkado den skal inisial 5 i skal di funshon 6 di mínimo $ 2.038,- i máksimo $ 3.149,- ku un siman di trabou di 36 ora. Klasifikashon a base di konosementu i eksperensia;
• Sèn di fakansi (8,33% di e entrada anual);
• Un di diestres luna (8,33% di e entrada anual);
• Un kompensashon di vitalidat;
• Un areglo di penshun akomodá na Pensioenfonds Caribisch Nederland (PCN);
• 182 ora di fakansi ku un siman di trabou di 36 ora;
• Un nombramentu temporal pa un aña, ku bista riba un nombramentu fiho den kaso di bon funshonamentu i un evaluashon positivo;
• Un areglo di mudansa pa kandidato ku ta reakshoná for di den eksterior.

Prosedura

Un assessment, casus i/ òf chekeo di referensia por forma parti di e prosedura.
Ta habri e vakatura internamente i eksternamente na mes momentu. Den e selekshon lo tene kuenta ku e siguiente órden:

• Personal ofisial di RCN na e islanan BES (interno);
• Habitante di e parti karibense di Hulanda (eksterno);
• Otro kandidatonan (eksterno).

Eksigensianan di nombramentu

• Un deklarashon tokante kondukta (VOG);
• Partisipashon na e fondo di penshun ta obligatorio, inkluso un kontribushon propio;
• Un saminashon médiko ta obligatorio. Sin un resultado positivo di e saminashon aki nombramentu no por tuma lugá;
• Nashonalidat hulandes.

Bon pa sa pa interesado pafó di Hulanda Karibense

• E salario ta na dòler merikano, e moneda ofisial di Hulanda Karibense;
• Hulanda Karibense konosé su propio reglanan di impuesto. Ta kobra impuesto di 29,4% riba un suèldu riba e montante liber di impuesto ku ta $21.956,- den 2026, te un suèldu di $53.198,-. Den e di dos grupo di impuesto un tarifa di impuesto di 38,4% ta na vigor.
• Bo ta, òf bo ta bira, residente di Hulanda Karibense.

Mas informashon?

Pa mas informashon tokante e vakatura bo por tuma kontakto ku sr. Nelson Chrestian, Kolaboradó Senior FAZA DIV, telefòn +599 795 5003.

Solisitut digital

Bo por manda bo Curriculum Vitae ku motivashon via di meil na vacature@rijksdienstCN.com.