SSO CN Kolaboradó di Frontoffice

Bo ta ábil den komunikashon? Bo tin un aktitut servisial? Bo por rekonosé nesesidat di servisio? Sigui lesa e ora ei lihé!

MBO | Boneiru | 39,5 ora | P&O2020_07_008 | Fecha di klousura: 12 di ougùstùs 2020

Komo kolaboradó di frontoffice bo ta e promé persona di kontakto pa preguntanan riba tereno di dunamentu di servisio. Bo ta registrá deseonan di usuarionan, preguntanan pa informashon, notifikashonnan di fayo i kehonan. E funshon akí konosé un par di área di konosementu spesífiko, esta ICT, Asuntunan Fasilitario (FAZA), kompra i un perfil komun di maneho operashonal.

Den e funshon akí

  • Bo ta mantené kontakto riba nivel operashonal ku e sekshonnan Dunamentu di Servisio i RAP
  • Bo ta sòru pa tuma petishon- i notifikashonnan ku drenta via telefòn òf e-mail i bo ta registrá esakinan den e sistema
  • Bo ta kaba atendé petishon- i notifikashonnan mas tantu posibel mesora dor di duna informashon i kontestá preguntanan (1e liña di atenshon), pasa nan pa otronan òf tuma nan den tratamentu
  • Bo ta vigilá ku ta kaba atendé petishon- i notifikashonnan na tempu, bo ta koordiná esaki ku ‘e persona ku tin ku hasié’
  • Bo ta rekordá i si ta nesesario bo ta pone e usuario na altura ku a kaba atendé e asuntu
  • Bo ta responsabel pa registrashon di petishon- i notifikashonnan inkluso e tempu di durashon i bo ta generá resúmennan pa e manager di Frontoffice

Bo tim

Frontoffice (FO) ta okupá su mes partikularmente ku sostenementu diario i di maneho operashonal di usuarionan. FO ta e sekshon unda tur pregunta, petishon, notifikashon i keho di usuarionan ta drenta na promé instante. FO mes ta registrá i kontestá tur pregunta mas tantu posibel. Preguntanan mas kompliká ku ta rekerí konosementu spesialista i/òf preguntanan personal i/òf konfidensial, FO ta dirigí na otronan. FO ta vigilá ku ta kaba atendé e pregunta. 

Bo abilidatnan

  • Atenshon dirigí riba kliente
  • Ta traha minusioso 
  • Fleksibilidat 
  • Integridat
  • Kontrol di progreso
  • Traha huntu
  • Outodesaroyo 

Eksigensianan di e funshon

  • Bo tin un estudio mbo finalisá òf nivel mbo di traha i pensa
  • Bo tin afinidat ku prosesonan di dunamentu di servisio i sistemanan di ERP
  • Bo tin afinidat ku trahamentu orientá riba kliente i bo por aktua servisial 

Loke nos ta ofresé

  • Un salario konforme e merkado, den skal inisial 5 i skal di funshon 6 di minimal $1.507,- i maksimal $ 2.459,- pa luna pa na un siman di trabou di 39,5 ora. Klasifikashon ta a base di konosementu i eksperensia 
  • Un bónus di fin di aña di minimal $1.750,-
  • Pago di plaka di fakansi di 8,33% di e salario 
  • Un bon areglo di penshun poné serka PCN
  • Posibilidat di formashon interno
  • 184 ora di fakansi (a base di un siman di trabou di 39,5 ora)
  • Si bo tin un relashon laboral temporal lo kontinuá esaki ku un evaluashon na final di bo relashon laboral temporal
  • Si bo tin un nombramentu fiho lo kontinuá esaki ku palabrashonnan adishonal

Eksigensianan pa nombramentu

  • Nombramentu temporal komo prueba pa durashon di un aña, den kaso di bon funshonamentu i un evaluashon positivo por duna un relashon laboral fiho
  • Ta eksigensia ku mester por presentá un deklarashon tokante kondukta (VOG) i un saminashon médiko
  • Den kaso di igual kapasidat kandidatonan interno tin preferensia riba kandidatonan eksterno
  • Pa bin na remarke pa un funshon serka Rijksdienst Caribisch Nederland, nashonalidat hulandes ta rekerí

Pa informashon tokante e vakatura

Regenon Blanken, Manager Frontoffice, telefòn: +599 781 0065

Solisitut digital 

Bo por manda bo Curriculum Vitae ku motivashon pa:
vacature@rijksdienstCN.com