SSO CN Konsehero di kompra

E organisashon

Rijksdienst Caribisch Nederland (RCN) ta e wowo di kadena entre e servisionan ehekutivo di e ministerionan presente na e islanan Boneiru, Sint Eustatius i Saba. Kada ministerio mes ta responsabel pa kontenido di importashon i ehekushon di e maneho di e ministerio en kestion. SSO CN ta un  organisashon di shared service i ta responsabel pa maneho operashonal i sosten riba tereno di Maneho di Rekurso Humano (HRM), Kompra, Asuntunan Fasilitario, ICT, Finansa, i Komunikashon pa tur e departamentonan ku ta aktivo na Hulanda Karibense.

E departamentu

E departamentu di kompra di SSO ta responsabel pa atkisishon di e artíkulonan i servisionan ku ta nesesario pa bon funshonamentu di e diferente servisionan gubernamental den RCN. E departamentu di kompra ta traha a base di e regla i instrukshonnan di e Sistema di Kompra di Reino. E metanan di mas importante di e departamentu di kompra ta pa garantisá transparensia, kompetensia, efisiensia, i  sostenibilidat den e proseso di kompra.

Deskripshon di funshon

Komo konsehero di kompra, bo ta un sparring partner ekivalente pa doñonan di presupuesto, usuario, i suministradónan. Bo ta guia trayektonan di kompra di kuminsamentu te fin, señalá oportunidatnan i problemanan i ta kombertí kuadronan di maneho den un aserkamentu faktibel. Bo ta traha independientemente, pero bo ta un miembro di ekipo ku ta uni hende tambe, ku ta inbolukrá koleganan i ta yuda profeshonalisá e departamentu mas aleu.

Tareanan di funshon

• Bo ta kordiná i partisipá den timnan multidisiplinario di kompra na benefisio di kontratashonnan (oropeo) i e demas trayektonan di kompra;
• Bo ta konsehá doñonan di presupuesto i petishonario di nesesidat a base di un posishon sentral tokante e proseso di kompra i e organisashon;
• Bo ta vigilá e kuadro i proseduranan di maneho di kompra riba nan aktualidat i efektividat;
• Bo ta monitòr i konsehá ku kumplimentu ku prosedura di kompra, instrukshon i palabrashon tokante e proseso di kompra, inkluso kontratashonnan (oropeo);
• Bo ta suministrá aporte pa maneho di kontrakt i ta yuda pensa aktivamente tokante optimalisashon di kontrakt;
• Bo ta ehekutá investigashon di merkado i, si ta nesesario, organisá konsultanan di merkado;
• Bo ta sòru pa failnan di kompra korekto i kompletu i un traspaso fásil na dunadónan di enkargo i mènedjernan di kontrakt;
• Bo ta sostené kombertí partinan di kuadronan di maneho den instrumentonan práktiko pa ehekushon di aktividatnan di kompra;
• Bo ta mantené relashonnan, tantu ku suministradó i usuarionan komo tambe ku otro sentronan di ehekushon di kompra i mènedjernan di kategoria (hulandes oropeo);
• Bo ta yuda traha riba profeshonalisashon mas aleu di e departamentu di kompra i ta raportá tokante resultado i desaroyonan.

Eksigensianan di funshon

• Bo a kompletá un estudio hbo òf wo, por ehèmpel den Atministrashon di Empresa (Tékniko) òf Ekonomia di Empresa (BE òf CE);
• Un estudio NEVI 1 i 2 òf Akademia di Reino Kompra & Kontratashon (Rijksacademie Inkopen & Aanbesteden )kompletá ta un bentaha;
• Bo tin 1 pa 3 aña di eksperensia laboral relevante.. Eksperensia laboral na un servisio di kontratashon i den konteksto karibense i ekonomia insular lokal ta un bentaha;
• Konosementu di e istema di Maneho di Kategoria den Reino ta un bentaha;
• Ta un bentaha si bo tin un nètwèrk amplio den Kompra di Reino i maneho operashonal di Reino;
• Preferiblemente, bo tin eksperensia ku SAP, Planon, Microsoft Office Word/Excel/PowerPoint.

Kompetensianan

• Energétiko i proaktivo
• Komunikativo
• Kapasidat analítiko
• Kreativo
• Kapas pa konvensé
• Plania i organisá
• Orientá riba kliente
• Yen di inisiativa

Loke nos ta ofresé

• Un nombramentu a base di e Rechtspositiebesluit ambtenaren BES (Desishon di posishon hurídiko di ámtenar di BES);
• Un salario konforme merkado den skal inisial 9 i skal di funshon 10 di mínimo $3.293,- i máksimo $4.900,- ku un siman di trabou di 36 ora. Klasifikashon a base di konosementu i eksperensia;
• Sèn di fakansi (8,33% di e entrada anual);
• Un di diestres luna (8,33% di e entrada anual);
• Un kompensashon di vitalidat;
• Un areglo di penshun akomodá na Pensioenfonds Caribisch Nederland (PCN);
• 182 ora di fakansi ku un siman di trabou di 36 ora;
• Un nombramentu temporal pa un aña, ku bista riba un nombramentu fiho den kaso di bon funshonamentu i un evaluashon positivo;
• Un areglo di mudansa pa kandidato ku ta reakshoná for di den eksterior.

Prosedura

Un assessment, casus i/ òf chekeo di referensia por forma parti di e prosedura.
Ta habri e vakatura internamente i eksternamente na mes momentu. Den e selekshon lo tene kuenta ku e siguiente órden:

• Personal ofisial di RCN na e islanan BES (interno);
• Habitante di e parti karibense di Hulanda (eksterno);
• Otro kandidatonan (eksterno).

Eksigensianan di nombramentu

• Un deklarashon tokante kondukta (VOG);
• Un saminashon médiko relashoná ku registrashon obligatorio na e fondo di penshun (ku kontribushon propio)
• Nashonalidat hulandes.

Bon pa sa pa interesado pafó di Hulanda Karibense

• E salario ta na dòler merikano, e moneda ofisial di Hulanda Karibense;
• Hulanda Karibense konosé su propio reglanan di impuesto. Ta kobra impuesto di 29,4% riba un suèldu riba e montante liber di impuesto ku ta $21.956,- den 2026, te un suèldu di $53.198,-. Den e di dos grupo di impuesto un tarifa di impuesto di 38,4% ta na vigor.
• Bo ta, òf bo ta bira, residente di Hulanda Karibense.

Mas informashon?

Pa mas informashon tokante e vakatura bo por tuma kontakto ku Berry Poort, Mènedjer di Kompra via telefòn +599 795 4968.

Solisitut digital

Bo por manda bo Curriculum Vitae ku motivashon via di meil na vacature@rijksdienstCN.com.