SSO CN Konsehero di Kompra Senior

E organisashon

Rijkdienst Caribisch Nederland (RCN) ta e wowo di kadena entre e servisionan ehekutivo di ministerionan ku ta presente na e islanan di Boneiru, Sint Eustatius, i Saba. Kada ministerio mes ta responsabel pa implementashon i ehekushon di maneho di e ministerio en kestion. Shared Service Organisatie Caribisch Nederland (SSO CN) ta parti di RCN, ta kai bou di e Ministerio di Asuntunan Interno i Relashon den Reino, i ta enkargá ku e maneho operashonal i sosten riba tereno di Human Resources Management (HRM, Rekurso Humano), fasilidatnan, ICT, finansa, komunikashon, i kompra pa tur e servisionan di Gobièrnu Sentral aktivo ku ta establesé na e islanan di Hulanda Karibense.

E departamentu

E departamentu di kompra di SSO CN (establesé na Boneiru) ta responsabel pa kompra di artíkulo i servisio ku ta nesesario pa un bon funshonamentu di e diferente servisionan di gobièrnu den RCN. E departamentu di kompra ta traha a base di e reglan- i instrukshonnan di e sistema di kompra di Gobièrnu Sentral. E metanan di mas importante di e departamentu di kompra ta pa stimulá e ekonomia lokal, duna enkargo di forma profeshonal i konfiabel, kumpra di forma efisiente, i kumpra ku impakto.

Deskripshon di funshon

Komo konsehero di kompra senior, bo ta responsabel pa e maneho di kompra, i bo ta kombertí e maneho aki den kuadro di maneho i instrumènt práktiko pa ehekushon. Bo ta gusta traha huntu, konektá, coach, i inkluí e koleganan den e kambionan ku ta profeshonalisá e organisashon i e departamento mas aleu. Den e funshon aki bo ta kordiná i vigilá progreso di e kompra stratégiko i táktiko, den kua bo ta kumpli ku un papel di kordinashon.

Tareanan di funshon

• Komo konsehero di kompra senior, bo ta traha riba trayekto di kontratashon mas kompliká. Bo ta realisá trayekto independientemente, i bo ta responsabel pa realisashon di e kontrakt;
• Den kolaborashon ku e klientenan interno í komo partner di maneho di kategoria, bo ta prepará trayekto di kompra i ta redaktá plan di kontratashon;
• Bo ta skibi konseho i dokumento di kompra kla i komprendibel, i bo ta resolvé disputa;
• Pa kolega i dunadó di enkargo, bo ta un sparringpartner agradabel i kompetente. Esaki ta pasobra, ku bo konosementu spesialisá di kompra, bo ta un eksperto den bo profeshon, í pasobra bo por pasa e konosementu aki pa otronan bon i di un manera kla;
• Bo ta redaktá plan pa mas aña respekto kontratashon pa akuerdo (di kuadro);
• Bo ta konsehá e klientenan den RCN tokante posibilidat- i e aspektonan riba tereno di kompra i  norma- i instrukshonnan aplikabel riba esei;
• Bo ta guia, dirigí, i kordiná trayektonan di kompra i kontratashon mas kompliká;
• Huntu ku e mènedjer di kontrakt, bo ta dirigí e proseso for di realisashon di e akuerdonan (di kuadro) di kompra te na e kontraktnan di suministro i mantenshon;
• Bo ta mantené kontakto ku maneho di kategoria na Hulanda Oropeo, i ta realisá investigashon di merkado;
• Bo ta pèrkurá pa filenan di kompra korekto i kompletu.

Eksigensianan di funshon

• Bo tin un nivel di traha i pensa di HBO òf WO, i preferiblemente un trasfondo den un direkshon di ekonomia (empresarial), hurídiko, òf atministrashon públiko. Bo tin un mínimo di 3 pa 5 aña di eksperensia ku trabou relevante;
• Eksperensia ku trabou na un servisio di kontratashon ta un bentaha, kombiná ku eksperensia den sektor privá;
• Un estudio NEVI 1 i 2 òf Rijksacademie (Akademia di Reino) kompra & kontratashon kompletá òf un estudio komparabel ta un bentaha;
• Bo tin konosementu aktual di legislashon i regulashon oropeo riba tereno di kompra;
• Konosementu di e sistema di maneho di kategoria den Gobièrnu Sentral ta un bentaha;
• Un nètwèrk amplio den departamentu di kompra den Gobièrnu Sentral i maneho operashonal di Gobièrnu Sentral ta un bentaha;
• Bo ta dominá hulandes i ingles verbalmente i por eskrito, papiamentu ta un bentaha;
• Preferiblemente, bo tin eksperensia i afinidat ku traha den e konteksto karibense.

Kompetensianan

• Orientashon riba kliente
• Analisá
• Kapas pa konvensé
• Nètwèrk / traha huntu
• Konsiente di bo alrededor / sensitividat di organisashon
• Plania i organisá
• Presishon
• Abilidat krítiko

Loke nos ta ofresé

• Un nombramentu a base di e Rechtspositiebesluit ambtenaren BES (Desishon di posishon hurídiko di ámtenar di BES);
• Un salario konforme merkado den skal inisial 11/ skal di funshon 12 di mínimo $ 4.338,- i máksimo $ 6.340,- ku un siman di trabou di 36 ora. Klasifikashon a base di konosementu i eksperensia;
• Sèn di fakansi (8,33% di e entrada mensual brutu);
• Un di diestres luna (8,33% di e entrada anual);
• Un kompensashon di vitalidat;
• Un areglo di penshun akomodá na Pensioenfonds Caribisch Nederland (PCN);
• 182 ora di fakansi ku un siman di trabou di 36 ora;
• Un nombramentu temporal pa un aña, ku bista riba un nombramentu fiho den kaso di bon funshonamentu i un evaluashon positivo;
• Un areglo di mudansa pa kandidato ku ta reakshoná for di den eksterior.

Prosedura

Un assessment, casus i/ òf chekeo di referensia por forma parti di e prosedura. Ta konsiderá e siguiente òrdu di prioridat den e proseso di selekshon:

• Personal ofisial di RCN na e islanan BES (interno);
• Habitante di e parti karibense di Hulanda (eksterno);
• Otro kandidatonan (eksterno).

Eksigensianan di nombramentu

• Un deklarashon tokante kondukta (VOG);
• Eksamen médiko relashoná ku registrashon obligatorio na e fondo di penshun (ku kontribushon propio)
• Nashonalidat hulandes.

Bon pa sa pa interesado pafó di Hulanda Karibense

• E salario ta na dòler merikano, e moneda ofisial di Hulanda Karibense;
• Hulanda Karibense konosé su propio reglanan di impuesto. Ta kobra impuesto di 29,4% riba un suèldu riba e montante liber di impuesto ku ta $21.956,- den 2026, te un suèldu di $53.198,-. Den e di dos grupo di impuesto un tarifa di impuesto di 38,4% ta na vigor.
• Bo ta, òf bo ta bira, residente di Hulanda Karibense.

Mas informashon?

Pa mas informashon tokante e vakatura bo por tuma kontakto ku Berry Poort, Mènedjer di Kompra, number di telefòn +599 795 4968 i/òf meil berry.poort@rijksdienstCN.com.

Solisitut digital

Bo por manda bo Curriculum Vitae ku motivashon via di meil na vacature@rijksdienstCN.com.