SSO CN Konsehero di komunikashon

E organisashon

Rijksdienst Caribisch Nederland (RCN) ta e wowo di kadena entre e ministerionan i nan servisionan ehekutivo na Boneiru, Sint Eustatius i Saba. Kada ministerio mes ta responsabel pa desaroyo i ehekushon di su propio maneho, pero RCN ta sòru ku tur kos ta kana fásil na nivel lokal.

SSO CN (Shared Service Orga) tin un ròl krusial ku esei. Komo motor sostenedor tras di kortina, SSO CN ta suministrá servisio profeshonal riba tereno di HRM, kompra, fasilidatnan, ICT, finansa, komunikashon – pa tur e servisionan di gobièrnu ku ta aktivo na Hulanda Karibense. Ku ún meta: Huntu sigui konstruí futuro di Hulanda Karibense.

E departamento

E departamento di Komunikashon ta ofresé konseho sólido i sosten profeshonal na servisio- i departamentonan. Ku nos ret fuerte – lokal, regional, í na Den Haag – nos ta sòru ku tur hende sa eksaktamente kiko ta pasando den e sosiedat di Hulanda Karibense.

Nos meta? Komunikashon ku ta afektá, uni, i ku tin resultado. Nos ta hasi esfuerso pa un aserkamentu ku realmente ta yega serka e gruponan di enfoke, ta fortalesé e diálogo, i ta splika maneho di un manera kla. Ademas nos ta duna konseho, sea ku ta pidi p’e òf nò, i nos ta traha produktonan di komunikashon efikas ku ta kuadra ku e mundu di bibensia di e hendenan di ken e ta trata.

Nos tin fe den e forsa di profeshonalnan di komunikashon embolbí – hendenan ku ta sinti un konekshon ku e islanan i ku e komunidat. Pasobra ta asina so e mensahe por yega i realmente hasi e diferensia.

Tareanan di funshon

• Bo ta hasi ku komunikashon ta bira algu kla, fuerte, i rekonosibel. Bo ta sòru pa e mensahe yega bon – na nivel interno í eksterno.
• Bo ta e punto di kontakto pa bo sekshonnan di e organisashon. Komo account manager i sparringpartner, bo ta traha huntu estrechamente ku koleganan, i ta guia proyektonan divergente.
• Bo ta konsehá managernan i hefenan di servisio tokante komunikashon, tantu na nivel táktiko komo operashonal, i bo ta fortalesé nan pa loke ta e parti komunikativo.
• Bo ta yuda pensa í ta partisipá. For di bo papel komunikativo, bo ta partisipá aktivamente den proyektonan, konsultanan, i gruponan di trabou.
• Bo ta komprondé relashonnan polítiko i atministrativo, i bo sa eksaktamente ki ora un tópiko ta sensitivo – i kon pa anda ku esei di forma stratégiko.
• Bo ta desaroyá i organisá kampañanan i enkuentronan ku ta informá, inspirá, i konektá – tantu paden komo pafó di e organisashon.
• E tekstonan ku bo ta skibi ta kla i atraktivo, i bo ta pèrkurá pa ekspreshonnan komunikativo – di komunikado di prensa pa poster – ku ta mustra profeshonal i ta sali na e momentu korekto.
• Bo ta tene kontakto ku prensa i realisá kampañanan públiko reálmente impaktante.

Eksigensianan di funshon

• Bo tin afinidat ku e islanan i ta sinti bo na kas den e sosiedat, kultura, i idiomanan lokal.
• Bo ta disponé di un estudio hbo den komunikashon òf marketing, i bo tin minimalmente 3 aña di eksperensia allround riba tereno di komunikashon.
• Bo ta un bon partner di kòmbersashon ku ta riska duna konseho, sea ku pidi p’e òf no – diskreto í desididu.
• Bo ta traha strukturá i bo tin kustumber di traha a base di proyekto.
• Bo ta skibi ku klaridat i di un forma ku ta toka un gran variedat di grupo di enfoke i medio, i bo sa kon pa trese informashon kompliká di un forma komprendibel.
• Bo ta fuerte riba tereno komunikativo, tantu verbalmente komo por eskrito – na hulandes i ingles. Dominio di papiamentu ta un gran bentaha.
• Bo tin bista pa polítika i relashonnan atministrativo, i bo sa kon pa haña bo kaminda efektivamente den esei.
• Bo ta independiente, íntegro, sosialmente ábil, i kreativo – i bo ta gusta trese un dósis di humor saludabel.
• Bo ta konstruí relashonnan ku fasilidat i ta mantené un ret relevante.

Kompetensianan

• Fleksibilidat;
• Por ku strès;
• Orientashon riba kliente;
• Traha huntu;
• Konsiente di bo alrededor;
• Plania i organisá.

Loke nos ta ofresé

• Un nombramentu a base di e Rechtspositiebesluit ambtenaren BES (Desishon di posishon hurídiko di ámtenar di BES);
• Un salario konforme merkado den skal inisial 10 i skal di funshon 11 di mínimo $ 3.775,- i máksimo $ 5.612,- ku un siman di trabou di 36 ora. Klasifikashon a base di konosementu i eksperensia;
• Sèn di fakansi (8,33% di e entrada mensual brutu);
• Un di diestres luna (8,33% di e entrada anual);
• Un kompensashon di vitalidat;
• Un areglo di penshun akomodá na Pensioenfonds Caribisch Nederland (PCN);
• 182 ora di fakansi ku un siman di trabou di 36 ora;
• Un nombramentu temporal pa un aña, ku bista riba un nombramentu fiho den kaso di bon funshonamentu i un evaluashon positivo;
• Un areglo di mudansa pa kandidato ku ta reakshoná for di den eksterior.

Prosedura

Un assessment, casus i/ òf chekeo di referensia por forma parti di e prosedura. Ta konsiderá e siguiente òrdu di prioridat den e proseso di selekshon:

• Personal ofisial di RCN na e islanan BES (interno);
• Habitante di e parti karibense di Hulanda (eksterno);
• Otro kandidatonan (eksterno).

Eksigensianan di nombramentu

• Un deklarashon tokante kondukta (VOG);
• Eksamen médiko relashoná ku registrashon obligatorio na e fondo di penshun (ku kontribushon propio)
• Nashonalidat hulandes.

Bon pa sa pa interesado pafó di Hulanda Karibense

• E salario ta na dòler merikano, e moneda ofisial di Hulanda Karibense;
• Hulanda Karibense konosé su propio reglanan di impuesto. Ta kobra impuesto di 29,4% riba un suèldu riba e montante liber di impuesto ku ta $21.956,- den 2026, te un suèldu di $53.198,-. Den e di dos grupo di impuesto un tarifa di impuesto di 38,4% ta na vigor.
• Bo ta, òf bo ta bira, residente di Hulanda Karibense.

Mas informashon?

Bo ke sa si bo ta adekuá pa e funshon aki ku bo estudio i eksperensia? Bo tin pregunta tokante e  kontenido? Tuma kontakto ku Carol-Ann Soliano, Mènedjer di Komunikashon via +599 795 4980 (whatsapp/yamada) òf Caroll-Ann.Soliano@rijksdienstCN.com.

Solisitut digital

Bo por manda bo Curriculum Vitae ku motivashon via di meil na vacature@rijksdienstCN.com.