SSO-CN Konsehero di Maneho Operashonal Séniòr

Abo ta e Konsehero di Maneho Operashonal eksperensiá ku tin atenshon pa kliente i abo ta konektá denter di SSO CN?

HBO | Boneiru | 39,5 ora | P&O2020_03_002 | Fecha di klousura: 10 di yüni 2020

E Konsehero di Maneho Operashonal Séniòr ta duna konseho riba e tereno amplio di maneho operashonal pa usuarionan i ta guia proyektonan riba e tereno aki pa implementá mehorashon. Al respekto e ta harmonisá nesesidat di e usuarionan ku oferta i ehekushon di SSO CN. Komo konsehero eksperensiá pa e sekshon di Relashon Konseho i Proyekto (RAP) e ta konsentrá su mes riba e tereno di maneho operashonal i ta konsehá e organisashon proaktivo riba tur faseta di usuario, servisio i produkto.

Komo Konsehero di Maneho Operashonal Séniòr

  • Bo ta propietario di e katálogo di produkto i servisio (PDC);
  • Bo ta sekretario di e mesa di usuario i komo tal e persona klave den SSO CN pa usuarionan;
  • Bo ta hasi palabrashon denter di e SLA-nan i bo ta sòru pa aporte;
  • Bo ta fungi komo manager di relashon pa e servisionan di SSO CN;
  • Bo ta formulá e maneho di ehekushon riba e tereno akí i bo ta desaroyá mehorashonden dunamentu di servisio di SSO CN pa dunadónan di enkargo den RCN;
  • Bo ta suministrá konsehonan riba tereno di proseso, ‘lean management’, maneho di kalidat i bo ta atendé keho di usuarionan;
  • Bo ta fungi komo lider di proyekto pa proyektonan di maneho operashonal amplio i kompleho. E proyektonan aki tin relashon ku diferente tópiko serka e dunadónan di enkargo di RCN;
  • Bo ta responsabel komo lider di proyekto pa resultado di proyektonan, inkluso nan progreso pa loke ta trata presupuesto i komunikashon i bo ta sòru pa aporte;
  • Bo ta responsabel pa evaluashon- i reportahenan.

Organisashon

SSO CN ta un organisashon di ‘shared service’ i ta atendé ku maneho operashonal i sosten riba tereno di Personal i Organisashon (P&O), Kompra, Asuntunan fasilitario, ICT, Finansa i Komunikashon pa tur departamento aktivo na Hulanda Karibense. Den SSO e kapasidat di konseho riba tur tereno di maneho operashonal pa e partinan di Gobièrnu Sentral di Hulanda Karibense ta poné bou di e sekshon di RAP. Di e forma akí a separá klaramente konseho i ehekushon. Ta trata di un organisashon den transishon.

Abilidatnan

  • Sensitividat pa organisashon
  • Orientashon riba kliente
  • Traha huntu
  • Abilidat pa duna konseho
  • Kapasidat pa analisá problema
  • Empatia

Eksigensianan di funshon

  • Bo tin un estudio HBO finalisá, preferiblemente riba tereno di maneho operashonal òf maneho empresarial
  • Bo tin minimal dos aña di eksperensia laboral relevante den un funshon riba tereno di maneho di relashon i maneho operashonal
  • Bo tin eksperensia ku análisis di desaroyonan i ku skirbimentu di notanan di konseho
  • Bo tin eksperensia ku kooperashon inter-departamental i/òf multidisiplinario
  • Bo tin basta eksperensia ku dunamentu di guia na un trayekto di konseho i/òf un tim chikitu i ku guia i organisá enkuentronan
  • Bo sa kon bo tin ku anda ku kliente, bo ta duna atenshon i ta konektá nesesidatnan di e kliente ku e oferta di produktonan manera deskribí den e PDC
  • Bo ta disponé di bon abilidat komunikativo, tantu verbal komo por eskrito
  • Bo ta analítiko, kreativo, konsiente di e ambiente i sensitivo pa organisashon
  • Bo ta persuasivo i bo ta un bon formadó di ret di kontakto i ta un persona ku ta konektá
  • Bo ta riska tuma responsabilidat, bo ta yuda pensa i ta aktua proaktivo i desisivo
  • Den kaso di igual kapasidat kandidatonan ku tin nan raisnan na Boneiru òf ku ta prosedente di e área karibense ta gosa di preferensia

Kondishonnan laboral

  • Un salario konforme merkado, den skal inisial 11 i skal 12 di e funshon di minimal $ 3.429,- i maksimal $ $5.056,--bruto pa luna pa un siman di trabou di 39,5 ora. Klasifikashon ta a base di konosementu i eksperensia
  • Un di 13 luna di 8,33% di e salario, mínimalmente $ 1.750,--
  • Pago di sèn di fakansi di 8,33% di e salario
  • Un bon areglo di penshun akomodá na PCN
  • Posibilidatnan interno di formashon
  • 184 ora di fakansi
  • Un nombramentu temporal pa 1 aña ku bista riba un nombramentu fiho a base di leinan di BES, bon funshonamentu i un evaluashon positivo

Pa informashon tokante e vakatura:

Arthur Korevaar, Manager di Relashon, Konseho i Proyektonan (RAP)

Telefòn: +599 7813037

Solisitut digital

Bo por manda bo Curriculum Vitae ku motivashon pa:
vacature@rijksdienstCN.com