SSO-CN Konsehero di Rekurso Humano (HR)

Abo ta e Konsehero di Rekurso Humano ku e kapasidat pa funshoná manera un faktor di konekshon den un organisashon ku ta kambiando? E ora ei sigui lesa lihé!

HBO | Boneiru | Temporal | 36 ora | P&O2022_08_014 | Fecha di klousura: 5 di òktober 2022

Deskripshon di funshon

Komo konsehero di HR (Rekurso Humano) eksperensiá bo ta pone bo konosementu amplio i eksperensia na disposishon pa huntu ku bo koleganan (di HR), konstruí e organisashon den desaroyo. Bo ta konsehá e ehekutivonan di e servisionan/departamentonan asigná tokante asuntu di personal i di e organisashon i ta guia e gerensia i ehekutivonan den e kontinuashon di desaroyo, implementashon i ehekushon di e maneho i instrumentonan di Rekurso Humano (HR) den e sentido mas amplio di palabra. Pensa aki entre otro riba temanan manera e fluho ku ta drenta, sigui i sali, apsentismo i (mal)funshonamentu. Bo ta konsehá riba nivel táktiko i stratégiko, pero tambe ehekutá tareanan operativo. Bo ta tene kòmbersashon di kontenido den kual a traves di bo ekspertisio bo no tin miedu di duna un konseho ‘firme’ òf kontra-ekspertisio. Banda di esaki bo ta señalá punto di desaroyo i problemátiko i bo ta duna e ehekutivonan konseho tokante operashonalisá e maneho di Rekurso Humano i bo ta duna sosten na e proseso di atkirí konosementu di e maneho integral. E konstrukshon i e yuda pensa tokante e futuro ta hasi e trabou interesante pa bo.

Organisashon

Rijksdienst Caribisch Nederland (RCN) ta e konekshon entre tur servisio ehekutivo di ministerionan ku ta presente na e islanan di Boneiru, Sint Eustatius i Saba. Kada ministerio mes ta responsabel pa kontenido di introdukshon i ehekushon di maneho di e ministerio en kestion. Pa e ehekushon i apoyo korekto, nan ta hasi un apelashon riba e Shared Service Organisatie (SSO CN) di Rijksdienst Caribisch Nederland. SSO CN ta duna apoyo riba e tereno operashonal, personal & organisashon, kompra & finansa, asuntu fasilitario, ICT, i komunikashon.

Kompetensia

  • Enfoká riba kliente
  • Analisá
  • Traha huntu
  • Konsiente di e ambiente
  • Plania i organisá
  • Kontrol di progreso
  • Desaroyo propio

Eksigensia di funshon

  • Por lo mínimo bo tin un edukashon kompletá di hbo (por ehèmpel hbo P&O, komplementá ku edukashon adishonal); 
  • Bo tin mínimo 5 aña di eksperensia den diferente área den un funshon paresido na esun di  Konsehero di Rekurso Humano;
  • Bo ta eksperensiá den e trahamentu den un ambiente ku ta kambiando, preferiblemente den un instituto munisipal òf gubernamental;
  • Bo tin bon bista di e área di wega den kual abo komo konsehero di un Shared Service Organisatie (Organisashon di Servisio Kompartí) ta forma parti i ta antisipá riba esaki a base di bo ekspertisio;
  • Bo ta kapabel pa interaktuá riba diferente nivel den un organisashon polítiko atministrativo kompleho;
  • Bo ta disponé di kualidat di vinkulá i ta progresá ekselentemente den e trabou den tim;
  • Bo ta tuma inisiativa i ta bin ku proposishon di mehorashon pa konhuntamente yega na un solushon;
  • Bo tin eksperensia den kategorisá interes kontradiktorio i sa bon kon pa trata ku esaki;
  • Bo ta supervisá e diversidat den e organisashon di labor i e relashonnan polítiko;
  • Bo tin konosementu aktual di lei i regulashon (vigente) aplikabel pa Rekurso Humano den gobièrnu riba tereno di derecho laboral, kondishon di apsentismo i di trabou; 
  • Bo ta tin eksperensia den traha den un konteksto karibense;
  • Bo tin abilidat di komunikashon ekspresivo ekselente tantu oral komo por eskrito den hulandes, ingles i preferiblemente den papiamentu.

Kiko nos ta ofresé?

  • Un nombramentu konforme e Rechtspositiebesluit ambtenaren BES (Desishon di posishon hurídiko di ámtenar di BES);
  • Un salario konforme merkado den skal inisial 10 i skal di funshon 11, salario mensual minimalmente $ 2.967,- i maksimalmente $4.460,- ku un siman di trabou di 36 ora pa siman. Ta skal a base di konosementu i eksperensia;
  • Sèn di vakashon (8,33% di e salario);
  • Un di 13 luna (8,33% di e salario, un mínimo di $ 1.750,- bruto);
  • Un previshon di penshun akomodá na Pensioenfonds Caribisch Nederland (PCN);
  • 168 ora di vakashon den kaso di un siman di trabou di 36 ora pa siman;
  • Un nombramentu temporario di un aña;
  • Un areglo pa muda pa kandidato ku ta reakshoná di pafó di e isla.

Prosedura

  • Ta habri e funshon aki internamente i eksternamente na mes momentu. Den kaso di aptitut igual kandidato interno ta haña preferensia;
  • Un assessment òf casus por forma parti di e prosedura.

Eksigensia pa nombramentu

  • Un deklarashon tokante kondukta (VOG);
  • Un eksaminashon médiko na fabor di atmishon den e fondo di penshun;
  • Nashonalidat hulandes.

Bon pa sa pa interesado pafó di Hulanda Karibense

  • E salario ta na dòler merikano, e moneda ofisial di Hulanda Karibense;
  • Hulanda Karibense konosé su propio reglanan di impuesto. Ta kobra impuesto riba e entrada mas haltu ku e suma liber di impuesto ($ 12.198,- na 2022) di un porsentahe di 30,4 % na retenshon riba suèldu;
  • Ta obligá pa partisipá na e fondo di penshun, inkluso un kontribushon propio na esaki;
  • Bo ta, òf bo ta bira, residente di Hulanda Karibense.

Mas informashon?

Pa informashon tokante e vakatura bo por tuma kontakto ku

Maurice Korver, Lider di tim P&O, number di telefòn: +599 781 0050

Solisitut digital

Bo por manda bo Curriculum Vitae i karta di motivashon pa: vacature@rijksdienstCN.com