SSO-CN Lider di tim Asuntunan Fasilitario (FAZA)

Bo ta un lider di tim enérgiko ku talento pa organisashon? Reakshoná lihé!

Teamleider Facilitaire Zaken

HBO | Boneiru | 39,5 ora | P&O2020_004_003 | Fecha di klousura: 1 di yüli 2020

Komo lider di tim FAZA bo ta manehá e tim pa loke ta trata kontenido i output. Ta spera un kontribushon aktivo di bo na e mehorashon di e servisio. Bo ta konsehá e Gerente di Servisio tokante desaroyo relevante riba tereno di FAZA. Bo ta pèrkurá pa kombershon den eventual mehorashon di kalidat i/òf redukshon di gastu pa e servisio riba tereno di FAZA.

Tareanan di e funshon

  • Bo ta responsabel pa entrega di tur asuntu fasilitario. Pensa aki riba entre otro servisio tékniko, parke móbil, biahe di trabou, estadia temporal i pòst i archivo;
  • Bo ta señalá opstákulo den práktika i bo ta duna input na e departamento di Relashon, Konseho i Proyekto, kaminda e kapasidat di konseho ta organisá;
  • Bo ta duna un kontribushon na e standarisashon di e servisio basá riba e eksperensia di práktika serka e dunadónan di enkargo;
  • Bo ta konsehero riba bo propio tereno i bo ta konsehá maneho ora ta trata di tópikonan spesífiko tokante kua mester tuma desishon;
  • Bo ta kapas pa brainstorm ku e kolaboradónan i guia nan riba nan tereno;
  • Bo ta un hungadó di tim, un hende ku ta duna konfiansa;
  • Bo ta pensa huntu den asuntu ku ta surpasá e tim. Asina bo ta kontribuí na e realisashon di e metanan di e departamento di Servisio i bo tin deliberashon ku e departamento Frontoffice.

E organisashon

E Departamento di Servisio di SSO CN ta partí den sinku tim:

  • ICT
  • P&O
  • Kompra i Finansa
  • Asuntunan Fasilitario (FAZA)
  • Islariba (BOWI)

Bou di e Departamento di Servisio ta kai e produkto i servisionan ehekutivo. E servisionan di konseho ta kai bou di e Departamento di Relashon, Konseho i Proyekto (RAP). Departamento di Servisio ta responsabel pa un suministro efisiente i profeshonal di produkto i servisio na tur e sektornan di Rijksdienst Caribisch Nederland i asina konosé un diversidat grandi di uzadó. E departamento ta aspirá pa standarisashon den servisio mas tantu posibel.

Bo tim

Bo ta duna guia na e tim FAZA, tur kolaboradó di servisio; Esaki ta un tim ku un formashon di mas o ménos 15 FTE.

Bo kompetensianan

  • Sensitividat pa organisashon
  • Orientashon riba kliente
  • Konsiente di bo ambiente
  • Nètwèrk
  • Desaroyo di kolaboradó
  • Guia di kolaboradó
  • Plania i organisá
  • Reflekshoná

Eksigensianan di e funshon

  • Bo tin un estudio HBO finalisá òf nivel HBO di traha i pensa;
  • Bo tin eksperensia ku trabou di kordinashon riba e tereno fasilitario i aki bo a logra  resultadonan eksitoso demostrabel;
  • Bo tin eksperensia ku guia di empleado;
  • Bo tin afinidat ku pensa i traha ‘Lean’;
  • Preferiblemente bo tin afinidat ku trabou den un konteksto karibense.

Nos ta ofresé

  • Un salario konforme merkado, skal inisial 9 i skal di funshon 10 di minimalmente $2.579,- i maksimalmente $3.927,- pa luna a base di un siman di trabou di 39,5 ora.
    Klasifikashon di skal a base di konosementu i eksperensia
  • Un kompensashon di fin di aña di 8.33% (minimalmente $1.750)
  • Kompensashon di vakashon di 8.33% di e salario
  • Un bon areglo di penshun akomodá na PCN
  • Posibilidat di edukashon interno
  • 184 ora di vakashon (a base di un siman di trabou di 39,5 ora)
  • Un nombramentu temporal pa 1 aña, ku bista riba un prolongashon di 1 aña i den kaso di un bon evaluashon un nombramentu fiho a base di leinan di BES
  • Un areglo di mudansa si bo ta reakshoná for di den eksterior

Eksigensianan pa nombramentu

  • Mester por entregá un deklarashon tokante kondukta (VOG) i un saminashon médiko ta obligatorio
  • Un assessment por forma parti di e prosedura di selekshon
  • Den kaso di kapasidat igual, kandidato interno ta haña preferensia riba kandidato eksterno.

Pa informashon tokante e vakatura
Ton van den Berg
Telefòn : +599 781 3330

Solisitut digital
Bo por manda bo Curriculum Vitae ku motivashon pa:
vacature@rijksdienstCN.com