SSO CN Mènedjer di Kontrakt Senior

E organisashon

Rijkdienst Caribisch Nederland (RCN) ta e konekshon entre e servisionan di ehekushon di ministerionan presente riba e islanan Boneiru, Sint Eustatius i Saba. Kada ministerio mes ta responsabel pa kontenido, relashoná ku introdukshon i ehekushon di maneho di e ministerio konserní. Shared Service Organisatie Caribisch Nederland (SSO CN), parti di RCN, ta kai bou di Ministerio di Asuntunan Interno i Relashon den Reino i ta enkargá ku maneho operashonal i sosten riba tereno di Maneho di Rekurso Humano (HRM), asuntunan fasilitario, ICT, finansa, komunikashon i kompra pa tur servisio di Gobièrnu Sentral aktivo, establesé riba e islanan di Hulanda Karibense.

E Departamentu

e departementu di kompra di SSO CN (establesé na Boneiru) ta responsabel pa atkisishon di merkansia i servisio ku tin mester pa bon funshonamentu di e diferente servisionan gubernamental den RCN. Servisio di kompra ta traha segun regla i instrukshon di e Sistema di Kompra di Gobièrnu Sentral. E metanan mas importante di e sekshon di kompra ta, stimulá ekonomia lokal, duna enkargo profeshonal i konfiabel, kumpra efisiente i kumpra ku impakto.

Deskripshon di e funshon

Komo mènedjer di kontrakt senior bo tin un ròlkrusial den maneho di kontrakt. Bo ta tradusí e maneho akí den instrumentonan práktiko i kuadronan di maneho pa ehekushon. Bo ta un laso ku ta uni diferente stakeholder i sa kon pa enbolbí koleganan den e kambionan ku ta sigui profeshonalisá nos sekshon mas. Den e funshon akí bo ta ehersé un ròl di koordinashon i bo ta vigilá progreso di e proseso di maneho di kontrakt.

Tareanan di e funshon

• Kalidat i puntualidat: Bo ta vigilá kalidat i puntualidat di e proseso di realisashon di kontrakt ku suministradónan. Den esaki bo ta garantisá ku ta registrá palabrashonkla tokante logronan.

• Servisio: Bo ta kordiná, vigilá i evaluá kalidat di servisio den kontraktnan (stratégiko) koriente i ta fungi komo punto di kontakto den kaso di eskalashon.

• Sparringpartner i traspaso di konosementu: Pa kolega- i dunadónan di enkargo bo ta un sparringpartner agradabel i kompetente. Ku bo konosementu spesialisá bo ta un eksperto den bo profeshon i por traspasá esaki na un manera transparente.

• Konseho di kontrakt i destaho: Bo ta konsehá den trayektonan di destaho i ta garantisá ku kontraktnan nobo ta bon integrá den e organisashon.

• Kooperashon interdepartamental: Bo ta traha huntu ku tur departamentu i bo tin un kontribushon aktivo den e ‘Tenderboard’. Ademas bo ta mantené kontakto den henter gobièrnu sentral.

• Evaluashon di kontrakt i akshon pa mehorashon: Bo ta responsabel pa evaluashon di kontraktku suministradónan i ta determiná eventual akshonpa mehorashon i ta kumpli ku esakinan pa un servisio i kolaborashon optimal.

• Papel proaktivo: Bo tin un papel proaktivo ora di stipulá obligashonnan den kontraktnan i ta vigilá si ta hasi uzo optimal di e kontraktnan.

Eksigensianan di e funshon

• Bo tin nivel hbo òf wo di traha i pensa i preferiblemente un base den direkshon di ekonomia (di empresa), hurídiko òf maneho públiko.
• Bo tin por lo ménos 3 te 5 aña di eksperensia laboral relevante.
• Eksperensia laboral na un servisio di destaho ta un bentaha den kombinashon ku eksperensia den sektor privá.
• Estudio NEVI 1 i 2 òf Rijksacademie Inkopen & Aanbesteden òf komparabel finalisá ta un bentaha.
• Bo ta disponé di konosementu aktual di lei i regulashon oropeo riba tereno di kompa i maneho di kontrakt.
• Konosementu di e sistema di maneho di kategoria den Gobièrnu Sentral ta un bentaha.
• Ret di kontakto amplio den Kompra di Gobièrnu Sentral i Maneho Operashonal di Gobièrnu Sentral ta un bentaha.
• Preferiblemente bo tin eksperensia i afinidat ku trahamentu den konteksto karibense.
• Bo ta dominá idioma hulandes i ingles papiá i skirbí, papiamentu ta un bentaha.

Abilidatnan

• Orientá riba kliente
• Analisá
• Forsa di Konvikshon
• Nètwèrk i kolaborá
• Konsiente di loke ta sosodé rònt di e organisashon/ta tene kuenta ku sensibilidatnan den e organisashon
• Plania i organisá
• Puntualidat
• Krítiko

Loke nos ta ofresé

• Un nombramentu a base di e Rechtspositiebesluit ambtenaren BES (Desishon di posishon hurídiko di ámtenar di BES);
• Un salario konforme merkado den skal inisial 11 i skal di funshon 12 di mínimo $4.338,- i máksimo $6.340,- ku un siman di trabou di 36 ora. Klasifikashon a base di konosementu i eksperensia;
• Sèn di fakansi (8,33% di e entrada mensual bruto);
• Un di diestres luna (8,33% di e entrada anual);
• Un kompensashon di vitalidat;
• Un areglo di penshun akomodá na Pensioenfonds Caribisch Nederland (PCN);
• 182 ora di fakansi ku un siman di trabou di 36 ora;
• Un nombramentu temporal pa un aña, ku bista riba un nombramentu fiho den kaso di bon funshonamentu i un evaluashon positivo;
• Un areglo di mudansa pa kandidato ku ta reakshoná for di den eksterior.

Prosedura

Un assessment, casus i/ òf chekeo di referensia por forma parti di e prosedura.
Den e selekshon lo tene kuenta ku e siguiente órden:

• Personal ofisial di RCN na e islanan BES (interno);
• Habitante di e parti karibense di Hulanda (eksterno);
• Otro kandidatonan (eksterno).

Eksigensianan di nombramentu

• Un deklarashon tokante kondukta (VOG);
• Un saminashon médiko relashoná ku registrashon obligatorio na e fondo di penshun (ku kontribushon propio)
• Nashonalidat hulandes.

Bon pa sa pa interesado pafó di Hulanda Karibense

• E salario ta na dòler merikano, e moneda ofisial di Hulanda Karibense;
• Hulanda Karibense konosé su propio reglanan di impuesto. Ta kobra impuesto di 29,4% riba un suèldu riba e montante liber di impuesto ku ta $21.956,- den 2026, te un suèldu di $53.198,-. Den e di dos grupo di impuesto un tarifa di impuesto di 38,4% ta na vigor.
• Bo ta, òf bo ta bira, residente di Hulanda Karibense.

Mas informashon?

Pa mas informashon tokante e vakatura bo por tuma kontakto ku Berry Poort, Mènedjer di Kompra via telefòn +599 795 4968 i òf meil berry.poort@rijksdienstCN.com.

Solisitut digital

Bo por manda bo Curriculum Vitae ku motivashon via di meil na vacature@rijksdienstCN.com