SSO CN Mènedjer Front Office

 E organisashon

Rijkdienst Caribisch Nederland (RCN) ta e konekshon entre e servisionan ehekutivo di ministerionan presente riba e islanan di Boneiru, Sint Eustatius i Saba.  Kada ministerio riba su mes ta responsabel, den sentido di kontenido, pa introdusí i implementá e maneho di e respektivo ministerio. SSO-CN ta un organisashon di servisio kompartí i ta proveé maneho operashonal i sosten den e áreanan di Maneho di Rekursonan Humano (HRM), Kompra, Fasilidatnan, ICT, Finansa i Komunikashon pa tur departamento aktivo na Hulanda Karibense.

E departamento

E Front Office ta e promé punto di kontakto pa tur petishonnan di sosten i rapòrtnan di servisio tokante ICT i asuntunan di fasilidat.  E petishonnan aki por drenta na e sitio mes, via telefòn òf via e sistema di reportahe.
E proseso pa entregá i debolbé lèptòp, telefòn selular, tarheta di akseso, tarea di resepshon, i e instalashon di stashon di trabou na e sitio tambe ta parti di e tareanan. Pregunta- i rapòrtnan komun ta ser atendé i resolvé mesora dor di personal. Pa petishonnan mas kompleho, e Front Office ta konektá e departamento apropiá i ta monitoriá progreso i satisfakshon di kliente durante e proseso di maneho. 

Deskripshon di e funshon

Komo mènedjer di Front Office, bo ta dirigí e frontoffice i ta sòru pa nos empleadonan traha efisiente i ku nos klientenan ta eksperensiá un servisio ekselente. Bo ta duna un kontribushon aktivo na mehorashon di servisio i ta desaroyá e frontoffice den un mesa di servisio amplio i versátil ku ta integrá vários tarea i disiplina.

Bo ta monitoriá e prestashon di e departamento a base di KPI i huntu ku e otro miembronan di MT, bo ta traha riba logronan ophetivo i organisatorio.  Bo ta analisá notifikashonnan i tuma inisiativa pa trese mehorashon.  Bo ta traha riba oumento di kalidat di servisio dor di krea struktura, prioridat i métodonan di trabou.  Bo ta traha di forma estrecho ku vários departamento pa krea sosten i inkorporá kambio duradero den e organisashon.

Bo ta responsabel pa e resultadonan i desaroyo di e departamento i ta fungi komo doño di e proseso.  Hasiendo esei bo ta manehá un tim di 17 profeshonal, di kua algun ta traha na Saba i Sint Eustatius.  

Responsabilidatnan di e funshon

• Bo ta partisipá den e Tim di Maneho;
• Bo ta perkurá pa duna konseho i implementashon integral;
• Bo ta ehekutá tareanan di henter SSO, por ehèmpel den e áreanan di entrega di servisio i liderazgo;
• Bo ta promové e kultura organisatorio i ta duna e bon ehèmpel;
• Bo ta responsabel pa e resultadonan i desaroyo di e departamento;
• Bo ta sòru pa elaborashon i realisashon di un plan anual;
• Bo ta monitoriá i manehá e kalidat di e departamento su entrega di servisio i ta raportá na e Hefe di Departamento;
• Bo ta responsabel pa e presupuestonan di e departamento;
• Bo ta kondusí kòmbersashon den kuadro di e siklo di HR;
• Bo ta entrená, sostené, motivá i enkurashá empleadonan i ta tene reunionnan di trabou strukturá;
• Bo ta desaroyá vishon, ideanan nobo, i/òf konseptonan i ta alinea esakinan ku e stakeholdernan.

Eksigensianan pa e funshon

• Bo tin un nivel di trabou i pensamentu di enseñansa profeshonal superior (HBO) demostrabel; ku afinidat pa ICT i entrega di servisio;
• Bo tin vários aña di eksperensia den e sektor (semi)públiko den e tereno di dunamentu di servisio;
• Bo tin eksperensia di maneho den guia di profeshonalnan;
• Bo por konstruí retnan relevante, tantu paden komo pafó di atministrashon públiko;
• Bo tin un komprondementu di prosesonan polítiko i relashonnan atministrativo;
• Bo tin un afinidat ku Hulanda Karibense i ta poseé konosementu i eksperensia den un organisashon di entrega di servisio òf servisio kompartí;
• Bo ta poseé bon abilidatnan di komunikashon oral i por eskrito na Papiamentu, Hulandes i Ingles.

Kompetensianan

• Sensitividat organisatorio;
• Konosementu di bo ambiente;
• Abilidat pa solushoná problema;
• Abilidatnan pa komuniká;
• Abilidatnan organisatorio;
• Dirigí;
• Maneho di kambio;
• Reflekshoná.

Loke nos ta ofresé

• Un nombramentu a base di e Rechtspositiebesluit ambtenaren BES (Desishon di posishon hurídiko di ámtenar di BES);
• Un salario konforme merkado den skal inisial 11/ skal di funshon 12 di mínimo $ 4.338,- i máksimo $ 6.340,- ku un siman di trabou di 36 ora. Klasifikashon a base di konosementu i eksperensia;
• Sèn di fakansi (8,33% di e entrada anual);
• Un di diestres luna (8,33% di e entrada anual);
• Un kompensashon di vitalidat;
• Un areglo di penshun akomodá na Pensioenfonds Caribisch Nederland (PCN);
• 182 ora di fakansi ku un siman di trabou di 36 ora;
• Un nombramentu temporal pa un aña, ku bista riba un nombramentu fiho den kaso di bon funshonamentu i un evaluashon positivo;
• Un areglo di mudansa pa kandidato ku ta reakshoná for di den eksterior.

Prosedura

Un assessment, casus i/ òf chekeo di referensia por forma parti di e prosedura. Den e selekshon lo tene kuenta ku e siguiente órden:

• Personal ofisial di RCN na e islanan BES (interno);
• Habitante di e parti karibense di Hulanda (eksterno);
• Otro kandidatonan (eksterno).

Eksigensianan di nombramentu

• Un deklarashon tokante kondukta (VOG);
• Partisipashon na e fondo di penshun ta obligatorio, inkluso un kontribushon propio;
• Un saminashon médiko ta obligatorio. Sin un resultado positivo di e saminashon aki nombramentu no por tuma lugá;
• Nashonalidat hulandes.

Bon pa sa pa interesado pafó di Hulanda Karibense

• E salario ta na dòler merikano, e moneda ofisial di Hulanda Karibense;
• Hulanda Karibense konosé su propio reglanan di impuesto. Ta kobra impuesto di 29,4% riba un suèldu riba e montante liber di impuesto ku ta $21.956,- den 2026, te un suèldu di $53.198,-. Den e di dos grupo di impuesto un tarifa di impuesto di 38,4% ta na vigor.
• Bo ta, òf bo ta bira, residente di Hulanda Karibense.

Mas informashon?

Pa mas informashon tokante e vakatura bo por tuma kontakto ku Ingrid Sealy, Hefe di SSO CN, (functie) number di telefòn +599 795 4919. 

Solisitut digital

Bo por manda bo Curriculum Vitae ku bo motivashon na  vacature@rijksdienstCN.com.