SSO Konsehero HR Senior

HBO/WO | Boneiru | 36 ora | Number di vakatura: P&O2025_11_006 | Fecha di klousura: 25 november 2025

Deskripshon di Funshon

Komo konsehero HR senior bo ta un kompañero stratégiko i táktiko ku sa kiko ta pasando den e ámbitonan (di kambio) di aspektonan di HR relashoná ku e servisio asigná. Dor di konektá eksperensia di HR i negoshi ku otro, komo senior, bo ta yuda bo departamento funshoná di forma optimal.  Bo ta interlokutor riba diferente nivel. Un momento bo ta den konsulta ku e MT kaminda bo ta duna konseho riba tópikonan manera empleo sostenibel.  Despues di esaki, bo por sigui sin ningún molèster pa un kòmbersashon ku un gerente ku tin un asuntu kompleho tokante e diseño òf okupashon di e departamento. Bo sa kon transformá e informashon pa e instrumentonan di HR ku bo mester pa por yega na un bon konseho i solushon.  Bo ta traha for di kuadro (no semper bisto) i ta partisipá den diskushonnan proaktivo pa identifiká oportunidatnan, riesgonan, problemanan, deseonan i/òf nesesidatnan.

Bo bon abilidatnan di komunikashon i konosementu kompleto ta hopi útil. Ku preguntanan krítiko i un bista di kuriosidat, bo ta duna konseho kla i ta yuda pensa positivo bo ta duna bo funshon un forma optimalisá.

Komo un konsehero HR senior, bo ta sòru pa e preparashon di tumamentu di desishon pa e desaroyo i implementashon di prosesonan  Bo ta traha huntu ku dunadónan di trabou riba tópikonan di maneho. Bo ta enbolbí den desaroyo i kambio.

E organisashon

Rijksdienst Caribisch Nederland (RCN) ta e vínkulo entre tur e servisionan implementá dor di ministerionan presente na e islanan di Boneiru, Sint Eustatius i Saba. Kada ministerio riba su mes ta relativamente responsabel pa introdusí i implementá e maneho di e ministerio korespondiente. Pa e implementashon i apoyo korekto, nan ta rekurí na e Shared Service Organisatie (SSO CN) di Rijksdienst Caribisch Nederland. SSO CN ta ofresé apoyo den área di operashonnan komersial, personal i organisashon, kompra & finansa, asuntunan di fasilidat, ICT i komunikashon.

Den e tim di HR nos ta traha riba prosesonan mas inteligente i digitalisashon mas aleu. P’esei pa nos ta importante ku bo ta habrí pa kambio, ta flèksibel, ta gusta pensa huntu i bo ta saka energia for di un ambiente kaminda ku renobashon i desaroyo ta pará sentral.

Kompetensianan

• Sensitividat organisatorio;
• Analítiko;
• Forsa persuasivo;
• Fleksibilidat;
• Abilidat pa nètwèrk
• Planifiká i organisá;
• Kreatividat;
• Bo por coach.

Eksigensianan pa e funshon 

• Bo mester tin mínimo un estudio hbo-/wo (por ehempel hbo P&O, kompletá ku spesialisashonnan òf un estudio akadémiko, preferiblemente den área di siensia di personal, sikologia laboral òf di organisashon, òf un otro área relevante (siensia di organisashon/kambio);
• Bo tin eksperensia amplio di trabou di HR den un funshon di asesoramentu similar.
• Bo tin eksperensia amplio trahando den un ambiente di kambio, preferiblemente den un instansia munisipal òf di gobièrnu;
• Bo por supervisá e área ku bo ta forma parti di dje komo konsehero di e Shared Service Organisatie i bo ta antisipá riba esaki for di bo konteksto di eksperto senior.
• Bo ta kapasitá pa interaktua na diferente nivel den un organisashon polítiko-atministrativo kompleho;
• Bo tin kualidatnan di konekshon i ta prosperá den un struktura di tim i sa kon hunga un ròl di lider den esaki.
• Bo ta tuma inisiativa/koordinashon i ta presentá proposishonnan di mehorashon pa logra un solushon konhunto.
• Bo tin eksperensia trahando ku interesnan kontradiktorio i sa bon kon pa  manehá esaki i bo por duna konseho (obligatorio) ku éksito.
• Bo tin bista riba diversidat den e organisashon laboral i tambe riba e relashonnan polítiko.
• Bo tin konosementu aktual di e leinan i regulashonnan ku ta apliká pa HR den gobièrnu tokante e derechonan laboral, kondishonnan di inkumplimentu i di labor.
• Bo tin eksperensia trahando den un konteksto Karibense;
• Bo tin abilidatnan di komunikashon ekselente, tantu verbal i por eskrito, na Hulandes, Ingles, i preferiblemente Papiamentu.

Kiko nos ta ofresé?

• Un nombramiento di akuerdo ku e Posishon Hurídiko di funshonarionan públiko BES;
• Un salario konforme e merkado, den skal inisial 11 i skal di e funshon 12 (salario mensual bruto di minimal $4.050,-- i maksimal $5.920,-- pa luna mará na un siman di trabou di 36 ora. Klasifikashon ta basá riba konosementu i eksperensia;
• Sèn di vakashon (8,33% di e salario anual);
• Un di diestres luna (8,33% di e salario anual);
• Un kompensashon di vitalidat;
• Un areglo di penshun akomodá bou di Pensioenfonds Caribisch Nederland (PCN);
• 182 ora di vakashon pa un siman laboral di 36 ora;
• Un nombramentu temporal pa un aña ku bista riba un nombramentu fiho a base di un bon funshonamentu i un evaluashon positivo;
• Un areglo di mudansa si bo ta reakshoná for di den eksterior.

Prosedura

Un assessment, casus i/ òf chekeo di referensia por forma parti di e prosedura. Den e selekshon lo tene kuenta ku e siguiente órden:

• Personal ofisial di RCN na e islanan BES (interno);
• Habitante di e parti karibense di Hulanda (eksterno);
• Otro kandidatonan (eksterno).

Eksigensianan pa nombramentu

• Un deklarashon tokante kondukta (VOG);
• Un saminashon médiko na fabor di atmishon den e fondo di penshun, (inkluso e suma di kontribushon personal pa esaki;
• Nashonalidat hulandes.

Bon pa sa pa interesado pafó di Hulanda Karibense

• E salario ta na dòler merikano, e moneda ofisial di Hulanda Karibense;
• Hulanda Karibense konosé su propio reglanan di impuesto. Ta kobra impuesto di 30,4% riba un suèldu riba e montante liber di impuesto ku ta $21.373,- den 2025, te un suèldu di $51.250,-. Den e di dos grupo di impuesto un tarifa di impuesto di 35,4% ta na vigor.
• Bo ta, òf bo ta bira, residente di Hulanda Karibense. 

Mas informashon?

Pa informashon tokante e vakatura akí, tuma kontakto ku Lucia Pikeri, Menedjer di HR SSO-CN. Number di telefon +599 795 0598

Apliká digitalmente

Bo por manda bo Curriculum Vitae ku motivashon pa: vacature@rijksdienstCN.com