SSO Senior controller

HBO | Boneiru | 36 ora | Number di vakatura: P&O2025_11_013 | Fecha di klousura: 2 di desèmber 2025

Deskripshon di funshon

Komo senior controller bo ta duna un aporte na un maneho operashonal efikas i dirigí den henter e organisashon. Bo ta duna konseho riba tereno di kòntròl finansiero, sea ku pidi pa esaki, sí òf nò. Tambe bo ta koordiná e siklo di P&C (Planifikashon si Kontrol), sostené riba tereno di maneho di riesgo, i bo ta sòru pa realisashon i ehekushon di e presupuesto pa SSO CN.

Komo senior controller bo ta enkargá ku kompilashon di informashon i ku redakshon i splikashon di informenan di maneho (inkluso e plan anual i e relato anual) pa direktiva i departamentonan.

Bo ta aportá na ehekushon i progreso di e siklo interno di P&C dor di hasi uso di instrumento- i informenan. Bo ta evaluá i señalá bottlenecknan i posibilidatnan pa mehoransa den e siklo, e instrumentonan i e informenan. Bo ta desaroyá instrumentonan, prepará toma di desishon, i implementá kambio. 
Bo tin bista pa trènt i riesgo, bo ta redaktá prognosis i ta koordiná trabounan di ouditoria. Den e organisashon bo ta konstruí relashonnan fuerte i ta enkargá ku kombertimentu di komprondementu finansiero den aktuashon dirigí riba futuro. 

Ademas bo ta sostené departamentonan ku fortalesimentu di nan forsa di maneho. Bo ta konsehá tokante metanan pa alkansá i e manera ku por monitòr esakinan. Kaminda nesesario bo ta duna konseho tokante intervenshonnan i medidanan di guia. Bo ta reportá direktamente na e hefe di e departamento.

E organisashon

Rijksdienst Caribisch Nederland (RCN) ta e konekshon entre e servisionan ehekutivo di e ministerionan ku ta presente riba e islanan Boneiru, Sint Eustatius i Saba. Kada ministerio mes ta responsabel pa kontenido di introdukshon i ehekushon di maneho di e ministerio en kestion. SSO CN ta un organisashon di shared service, i ta enkargá ku maneho operashonal i sosten riba tereno di Personeel & Organisatie (P&O, Personal i Organisashon), Inkoop (Kompra), Facilitaire Zaken (Asuntunan Fasilitario), ICT, Financiën en Communicatie (Finansa i Komunikashon) pa tur e departamentonan aktivo na Hulanda Karibense.

Kompetensianan

Analisá
Kapas pa konvensé
Sensitividat di organisashon
Fleksibilidat
Nètwèrk
Plania i organisá
Kreatividat

Eksigensianan di funshon

• Bo tin un formashon WO relevante pa e funshon;
• Bo tin konosementu di planifikashon i kòntròl;
• Bo tin minimalmente sinku aña di eksperensia komo konsehero na nivel di MT (Tim di Maneho);
• Bo tin konosementu di e maneho finansiero den Gobièrnu Sentral hulandes; 
• Bo tin konosementu di prosesonan sostenedor riba tereno di Personeel, ICT, Organisatie, Inkoop, Financiën, Algemene zaken, Communicatie en Huisvesting (PIOFACH; Personal, ICT, Organisashon, Kompra, Finansa, Asuntunan General, Komunikashon i Alohamentu);
• Bo ta un forsa ku ta uni i bo ta forma opinion di forma proaktivo. 

Kiko nos ta ofresé?

• Un nombramentu di akuerdo ku e Posishon Hurídiko di funshonarionan públiko BES; 
• Un salario konforme e merkado, den skal inisial 12 i skal di e funshon 13 (salario mensual bruto di mínimo $4.801,- i máksimo $6.785,-), mará na un siman di trabou di 36 ora. Klasifikashon ta basá riba konosementu i eksperensia;
• Sèn di fakansi (8,33% di e entrada anual);
• Un di diestres luna (8,33% di e entrada anual);
• Un kompensashon di vitalidat;
• Un areglo di penshun akomodá na Pensioenfonds Caribisch Nederland (PCN);
• 182 ora di fakansi den kaso di un siman di trabou di 36 ora;
• Un nombramentu temporal pa un aña ku bista riba un nombramentu fiho a base di un bon funshonamentu i un evaluashon positivo; 
• Un areglo di mudansa si bo ta reakshoná for di den eksterior.

Prosedura

Un assessment, casus i/òf chekeo di referensia por forma parti di e prosedura.
Pa selekshon lo tene kuenta ku e siguiente órden:

• Personal ofisial di RCN na e islanan BES (interno)
• Habitante di e parti karibense di Hulanda (eksterno)
• Sobrá kandidato (eksterno)

Eksigensianan pa e nombramentu

• Un deklarashon tokante kondukta (VOG);
• Un saminashon médiko pa atmishon den e fondo di penshun; 
• Nashonalidat hulandes. 

Bon pa sa esaki pa esnan interesá ku ta biba pafó di Hulanda Karibense

• E salario ta na dòler merikano, e moneda ofisial di Hulanda Karibense; 
• Hulanda Karibense konosé su propio reglanan di impuesto. Ta kobra impuesto di 30,4% riba un suèldu riba e montante liber di impuesto ku ta $21.373,- den 2025 den e promé grupo, te ku un suèldu di $51.250,-. Den e di dos grupo di impuesto un tarifa di impuesto di 35,4% ta na vigor.
• Bo ta habitante òf lo bira habitante di Hulanda Karibense.  

Mas informashon?

Pa informashon tokante e vakatura, tuma kontakto ku Ingrid Sealy, Hefe di Servisio di SSO CN, Number di telefòn: +599 795 4919

Aplikashon digital

Bo por manda bo Curriculum Vitae ku motivashon pa: vacature@rijksdienstCN.com.