SZW Atministradó funshonal

HBO | Boneiru | 36 ora | Number di vakatura P&O2025_05_001 | Fecha di klousura: 17 di yüni 2025

Komo un Atministradó di sistema (funshonal) eksperensiá, bo ta un vínkulo importante entre negoshi i IT. Bo ta motivá i sa kiko bo tereno di ekspertisio ta rekerí i ta enserá.  Bo ta kla pa hasi un impakto den un ambiente ku ta kambiando rápidamente denter di e domèin sosial.   Lo bo bira parti di un tim di maneho den desaroyo i traha di forma estrecho ku bo koleganan den e departamento di Maneho di Informashon.

Kiko bo ta bai hasi?

• Bo ta konsehá e negoshi i ta tradusí nesesidatnan den solushonnan di IT stabil i ku ta prueba di futuro.
• Bo ta e punto di kontakto pa e kontinuidat i konfiabilidat di e sistemanan di informashon.
• Huntu ku e tim, bo ta sigurá e desaroyo kualitativo mas aleu di e tereno den e unidat.
• Bo ta manehá i optimalisá vários aplikashon i ta kontribuí na e desaroyo di un paisahe di aplikashon nobo.
• Bo ta koordiná tèstnan funshonal, mónitòr e operashon di sistemanan i resolvé interupshonnan di forma struktural.
• Bo ta traha riba diseño i mehorashon di proseso segun e modelo di BiSL.
• Bo ta e punto di kontakto pa usuarionan, provedornan i timnan di proyekto.
• Bo ta responsabel pa dokumentashon, proseduranan di usuario i kumplimentu.

Kiko bo ta trese?

• Eksperensia ekstenso demostrabel den maneho funshonal den ambientenan kompleho.
• Bo por traha na un manera strukturá i orientá na proyekto
• Bo tin abilidatnan fuerte di komunikashon i forsa organisatorio.
• Bo ta proaktivo i orientá na resultado
• Bo ta ábil ku MS Office (Word, Excel)
• Bo tin e madures pa operá independientemente i den kolaborashon.
• Bo tin konosementu di ITIL, BiSL i trabounan basá riba proyekto.

Organisashon

E unidat SZW ta e organisashon ehekutivo di e Ministerio ku ta kargá e mesun nòmber na Hulanda Karibense. Nos ta traha pa un eksistensia digno pa tur siudadano na Hulanda Karibense.  Nos ta hasi esaki, entre otro, dor di duna benefisionan manera asistensia (spesial) sosial, seguro di inbalides i benefisio di mucha.  Pero tambe ku nos aktividatnan riba tereno di Asuntunan Laboral, Pèrdida di Salario, Inspekshon di Labor i pèrmitnan di trabou. Ku introdukshon di hopi maneho nobo i ku ta kambia, e organisashon ta den un periodo di transishon desafiante, den kua nos ta trahando riba fortalesé e implementashon i (mas aleu) mehorá e sistema sosial na Hulanda Karibense.

Kompetensianan

• Analítiko
• Persuasivo 
• Sensibilidat organisatorio
• Fleksibilidat
• Abilidat pa ‘networking’
• Planifiká i organisá
• Kreatividat
• Proaktivo i orientá riba resultado
• Maneho propio
• Servisio dirigí riba kliente
• Desaroyo Individual
• Kolaborá

Eksigensianan pa e funshon:

• Bo tin por lo ménos un edukashon profeshonal mas haltu i vários aña di eksperensia komo un Atministradó di sistema (funshonal);
• Bo tin eksperensia den tradusí prosesonan, deseonan i rekisitonan den solushonnan di aplikashon i sistema;
• Bo tin konosementu i eksperensia ku desaroyá i manehá sistemanan di informashon (modelo BISL);
• Bo tin konosementu di maneho di proyekto i proseso (p.e. PRINCE2/Lean);
• Bo ta un bon komunikado;
• Bo ta dominá e idiomanan Hulandes i Ingles, Papiamentu ta un bentaha

Kiko nos ta ofresé?

• Un nombramentu a base di e Rechtspositiebesluit ambtenaren BES (Desishon di posishon hurídiko di ámtenar di BES);
• Un salario konforme merkado den skal inisial 8òf skal di funshon 10, salario mensual mínimo $ 3.578,- i máksimo $ 4.865,-,- ku un siman di trabou di 36 ora. Klasifikashon a base di konosementu i eksperensia;
• Sèn di fakansi (8,33% di e entrada anual);
• Un di diestres luna (8,33% di e entrada anual);
• Un kompensashon di vitalidat;
• Un areglo di penshun akomodá na Pensioenfonds Caribisch Nederland (PCN);
• 182 ora di fakansi ku un siman di trabou di 36 ora;
• Un nombramentu temporal pa un aña, ku bista riba un nombramentu fiho den kaso di bon funshonamentu i un evaluashon positivo;
• Un areglo di mudansa pa kandidato ku ta reakshoná for di den eksterior.

Prosedura

Un assessment, casus i/ òf chekeo di referensia por forma parti di e prosedura.
Den e selekshon lo tene kuenta ku e siguiente órden:

• Personal ofisial di RCN na e islanan BES (interno);
• Habitante di e parti karibense di Hulanda (eksterno);
• Otro kandidatonan (eksterno).

Eksigensianan di nombramentu

• Un deklarashon tokante kondukta (VOG);
• Un saminashon médiko na fabor di atmishon den e fondo di penshun (Partisipashon den e fondo di penshun ta obligatorio, inkluyendo e suma di kontribushon personal pa esaki);
• Nashonalidat hulandes.

Bon pa sa pa interesado pafó di Hulanda Karibense

• E salario ta na dòler merikano, e moneda ofisial di Hulanda Karibense;
• Hulanda Karibense konosé su propio reglanan di impuesto. Ta kobra impuesto di 30,4% riba un suèldu riba e montante liber di impuesto ku ta $21.373,- den 2025, te un suèldu di $51.250,-. Den e di dos grupo di impuesto un tarifa di impuesto di 35,4% ta na vigor.
• Bo ta, òf lo bira, residente di Hulanda Karibense.

Mas informashon?

Pa mas informashon tokante e vakatura bo por tuma kontakto ku Paul Schroembges, Mènedjer ICT SZW-CN (number di telefòn +599 790 4503). 

Solisitut digital

Bo por manda bo Curriculum Vitae ku motivashon via e-mail na vacature@rijksdienstCN.com