SZW Dòkter di seguro

E organisashon

Unidat SZW ta e organisashon di ehekushon di e ministerio di mesun nòmber na Hulanda Karibense. Nos ta traha pa logra un eksistensia digno pa tur siudadano na Hulanda Karibense. Esaki nos ta hasi entre otro suministrando benefisionan importante manera Onderstant (partikular), AOV i Kompensashon pa yu. Pero tambe ku nos tareanan riba tereno di Asuntunan Laboral, pèrdida di suèldu, Inspekshon di Labor i pèrmit di trabou. Ku introdukshon di hopi maneho nobo i maneho kambiando, e organisashon ta den un periodo di transishon, den kua nos ta traha riba fortifikashon di ehekushon i (mas) mehorashon di e sistema sosial na Hulanda Karibense.

E unidat médiko di SZW ta un tim multidisiplinario ku ta responsabel pa evaluashon médiko i laboral, tantu pa loke ta trata produktonan Legal komo no legal. Na e unidat médiko di SZW nos ta yuda personanan riba tereno di labor i salubridat pa regresá trabou i si esei no ta posibel mas, nos ta wak kiko si ta posibel ainda.

Deskripshon di e funshon

Komo dòkter di seguro bo ta ehersé tareanan di ehekushon na Hulanda Karibense. E funshon ta enfoká riba evaluashon di (in)kapasidat laboral di trahadónan ku tin derecho riba Lei Seguro di enfermedat i Lei Seguro di aksidente. Bo ta eksperto riba tereno di medisina di seguro ku propio klientela. E meta ta pa promové regreso duradero na trabou i pa produsí un rapòrt médiko di seguro bon argumentá ku ta forma e base pa desishon ku mester tuma riba petishonnan pa kompensashon. Bo ta duna e personanan klaridat i perspektiva. Esaki bo ta hasi huntu ku bo koleganan di e unidat médiko di SZW Boneiru, St. Eustatius en Saba.

Bo base ta Boneiru, pero ta spera tambe di e dòkter di seguro di e unidat médiko di SZW ku e ta dispuesto pa bishitá Saba i St. Eustatius kuater bia pa aña.

Pa ehersé e funshon di dòkter di seguro bo mester ta dispuesto pa traha por lo ménos kuater dia. Ademas komo dòkter di seguro bo ta traha pa medio di delegashon di tarea ku por lo ménos un kolaboradó di ousensia i un enfermero.

Tareanan di e funshon

E funshon di dòkter di seguro ta enserá tareanan di ehekushon. E tareanan prinsipal ta kai den e siguiente tópikonan:

• Evaluashon i reportahe di médiko di seguro
• Dunamentu di konseho i kolaborashon
• Kontakto ku i dunamentu di informashon na
• Kalidat i profeshonalismo

Eksigensianan di e funshon

• Bo tin un estudio di médiko finalisá i ta registrá komo médiko di labor i salubridat, registrashon di BIG i eksonerashon pa BES.
• Bo tin eksperensia ku evaluashon sosio médiko òf di seguro médiko.
• Bo tin eksperensia ku dunamentu di konseho i kolaborashon den timnan multidisiplinario.
• Bo tin konosementu aktualisá di reglanan médiko i hurídiko pa loke ta trata kapasidat laboral.
• Bo ta disponé di kapasidat pa evaluá independientemente i komuniká kuidadoso.
• Bo por tradusí informashon médiko kompleho den desishonnan komprensibel.
• Bo ta sensitivo pa konteksto i diversidat kultural den Hulanda Karibense.
• Bo ta dominá hulandes; konosementu di papiamentu, ingles i/òf spañó ta un bentaha.

Kompetensia

Pa dòkter en general i dòkter di seguro partikularmente, CanMEDS ta e punto di salida. Nos komo SZW ta apresiá e siguiente kompetensianan:

• Formashon di opinion;
• Integridat;
• Koperashon;
• Abilidatnan komunikativo (verbal i por eskrito);
• Plania i organisá;
• Sensitividat kultural.

Loke nos ta ofresé

• Un nombramentu a base di e Rechtspositiebesluit ambtenaren BES (Desishon di posishon hurídiko di ámtenar di BES);
• Un salario konforme merkado den skal inisial 11 i skal di funshon 12 di mínimo $ 4.338,- i máksimo $ 6.340,- ku un siman di trabou di 36 ora. Klasifikashon a base di konosementu i eksperensia;
• Sèn di fakansi (8,33% di e entrada anual);
• Un di diestres luna (8,33% di e entrada anual);
• Un kompensashon di vitalidat;
• Un areglo di penshun akomodá na Pensioenfonds Caribisch Nederland (PCN);
• 182 ora di fakansi ku un siman di trabou di 36 ora;
• Un areglo pa muda pa kandidato ku ta reakshoná for di den eksterior.

Prosedura

Un assessment, casus i/ òf chekeo di referensia por forma parti di e prosedura.
Ta habri e vakatura internamente i eksternamente na mes momentu. Den e selekshon lo tene kuenta ku e siguiente órden:

• Personal ofisial di RCN na e islanan BES (interno);
• Habitante di e parti karibense di Hulanda (eksterno);
• Otro kandidatonan (eksterno).

Eksigensianan di nombramentu

• Un deklarashon tokante kondukta (VOG);
• Partisipashon na e fondo di penshun ta obligatorio, inkluso kontribushon propio;
• Pa e funshon aki un saminashon médiko ta  obligatorio. Sin un resultado positivo  di e saminashon aki nombramentu no por tuma lugá;
• Nashonalidat hulandes.

Bon pa sa pa interesado pafó di Hulanda Karibense

• E salario ta na dòler merikano, e moneda ofisial di Hulanda Karibense;
• Hulanda Karibense konosé su propio reglanan di impuesto. Ta kobra impuesto di 29,4% riba un suèldu riba e montante liber di impuesto ku ta $21.956,- den 2026, te un suèldu di $53.198,-. Den e di dos grupo di impuesto un tarifa di impuesto di 38,4% ta na vigor.
• Bo ta, òf bo ta bira, residente di Hulanda Karibense.

Mas informashon?

Pa mas informashon tokante e vakatura bo por tuma kontakto ku Xavier Op de Coul, Mènedjer Servisio Médiko SZW, telefòn +599 795 4743 òf meil na Xavier.opdecoul@rijksdienstcn.com.  

Solisitut digital

Bo por manda bo Curriculum Vitae ku motivashon via di meil na vacature@rijksdienstCN.com.