SZW Kolaboradó di ònderstant

Abo tin konosementu di e komunidat na Hulanda Karibense? Abo tin e kapasidat pa forma i mantené relashon ku personanan riba diferente nivel? Abo por dirigí riba logro? Sigui lesa lihé e ora ei!

HBO | Boneiru | 36 ora | P&O2022_11_003 | Fecha di klousura: 1 di febrüari 2023

Deskripshon di funshon

Komo kolaboradó di ònderstant bo ta kontestá preguntanan relashoná ku ònderstant i bo ta duna informashon tokante e prosedura. E trabounan akí bo ta ehekutá na e lokèt di SZW. Bo ta tene  kombersashonnan ku petishonarionan pa haña tur dato relevante i pa haña un bon bista di e situashon spesífiko. Tambe bo ta hinka e datonan den un sistema outomatisá.

Tareanan di funshon

  • Bo ta duna kontenido na e tareanan di lokèt;
  • Bo ta hinka datonan di  aplikashon den e sistema;
  • Kaminda ta nesesario bo ta hasi bishita na kas pa kontrolá e datonan i situashon suministrá;
  • Bo ta evaluá aplikashonnan a base di balotashon, análisis i e situashon;
  • Bo ta hasi kálkulonan;
  • Bo ta archivá dokumentonan den e dosié di papel i digital;
  • Bo ta koordiná aplikashonnan ku entre otro Akseso i Plenchi di trabou;
  • Bo ta mantené kontakto ku petishonarionan i instansianan ku ta duna aporte i ku spesialistanan riba merkado laboral i ku institutonan edukashonal;
  • Bo ta siñalá puntonan problemátiko di den práktika diario i ta hasi proposishonnan pa mehorashon;
  • Bo ta yuda pensa for di punto di bista práktiko tokante aplikashon di lei i regulashon ku a kambia i ta hasi proposishonnan pa mehorashon;
  • Den e área di trabou regularmente bo ta duna kontenido na tareanan na Islariba i/òf ta pèrkurá pa traspaso di konosementu na e kolaboradónan;
  • Bo ta hasi tèstnan di aseptashon di parti di usuarionan.

E organisashon

Unidat di Asuntunan Sosial i Empleo (SZW) di RCN ta kai dirèkt bou di e ministerio na Den Haag ku tin mes nòmber. Unidat di SZW ta enfoká pa tin situashonnan laboral sigur, sano i honesto i ta kontrolá esei. Tambe e unidat ta paga seguronan sosial na nòmber di e ministerio pa kontribuí na siguridat di eksistensia pa grandi-, mayor- i personanan ku temporalmente debí na malesa òf embaraso no por traha. Banda di esei tin e pagonan di ònderstant pa kontribuí na siguridat di eksistensia di habitantenan ku ta den situashon di emergensia finansiero. Unidat di SZW ta traha riba un eksistensia digno pa tur hende na Hulanda Karibense.

Kompetensianan

  • Konsiente di e ambiente
  • Enfoke riba kliente
  • Integridat
  • Kontrol di progreso
  • Kolaborá
  • Desaroyo propio
  • Konosementu propio

Eksigensianan di funshon

  • Bo tin nivel hbo di traha i pensa;
  • Bo tin bon konosementu di lei i regulashon konserní, e proseduranan mará na eseinan i tambe di e diferente posibilidatnan i espasio pa interpretashon;
  • Bo ta ábil den anda ku situashonnan sensibel i emoshonal;
  • Bo ta dominá hulandes i papiamentu i preferiblemente ingles i spañó verbal i skirbí.

Kiko nos ta ofresé

  • Un nombramentu konforme ‘Rechtspositiebesluit ambtenaren BES’;
  • Un salario konforme merkado den skal inisial 8 i skal 9 di e funshon (salario pa luna bruto minimal $ 2.247,-- i maksimal $ 3.5036,--), pa un siman di trabou di 36 ora pa siman. Klasifikashon ta tuma lugá a base di konosementu i eksperensia;
  • Plaka di fakansi (8,33% di e salario);
  • Un di 13 luna (8,33% di e salario, ku un suma mínimo di $ 1.750,-- bruto);
  • Un areglo di penshun poné bou di Pensioenfonds Caribisch Nederland (PCN);
  • 168 ora di fakansi pa un siman di trabou di 36 ora pa siman;
  • Un nombramentu temporal pa un aña, ku bista riba un nombramentu fiho den kaso di bon funshonamentu i un resultado di evaluashon positivo;
  • Un areglo di mudansa pa kandidatonan ku ta reakshoná for di pafó di e isla.

Eksigensia pa nombramentu

  • Un deklarashon tokante kondukta (VOG);
  • Un saminashon médiko pa atmishon den e fondo di penshun;
  • Nashonalidat hulandes.

Prosedura

  • Ta habri e vakatura akí na mes momentu interno i eksterno. Den kaso di igual kapasidat kandidatonan interno tin preferensia;
  • Un assessment òf kaso por forma parti di e prosedura.

Bon pa sa pa interesado pafó di Hulanda Karibense

  • E salario ta den dòler merikano, e moneda ofishal na Hulanda Karibense;
  • Hulanda Karibense tin su propio areglo fiskal. Ta imponé un porsentahe di 30,4% na retenshon riba suèldu pa entradanan ku ta mas haltu ku e suma liber di impuesto ($ 17.352,-- den 2022);
  • Partisipashon den e fondo di penshun ta obligatorio, inkluso e kontribushon propio den esaki;
  • Bo ta òf ta bira residente di Hulanda Karibense.

Mas informashon?

Pa mas informashon tokante e funshon aki bo por tuma kontakto ku Jullisa Ngwete-Stroop, Lider di Tim Saba, Asuntunan Laboral, Pèrmit di Trabou Temporal i Ònderstant BES, number di telefòn +(599) 715-8849.

Solisitut digital

Bo por manda bo Curriculum Vitae ku motivashon via e-mail pa: vacature@rijksdienstCN.com