SZW Empleado preparatorio

Bo ta fuerte den área di kompilá i kontrolá dato, i ademas bo tin bista pa detaye? Ku bo apoyo atministrativo, bo ke aportá na nos sosiedat sosial? Anto sigui lesa mesora!

MBO 3 | Boneiru | 36 ora | Number di vakatura: P&O2022_11_004 | Fecha di klousura: 7 di desèmber 2022

Deskripshon di e funshon

Bo papel komo empleado preparatorio ta variá, responsabel i na bienestar sosial, pasobra tur dia bo ta kontribuí na un sosiedat sosial. E trabou ta konsistí mas tantu di maneho i elaborashon atministrativo di datonan personal.

Tareanan di e funshon

  • Bo ta hasi tarea na lokèt en konekshon ku diferente seguro;
  • Bo ta tuma i registrá dato;
  • Bo ta evaluá si dato i dokumento ku drenta ta kompleto;
  • Bo ta sòru pa file i archivá dokumento;
  • Bo ta senalá i investigá iregularidat;
  • Bo ta vigilá e título di pèrmit di estadia;
  • Bo ta responsabel pa mantenshon i kontrol (vigilansia) di e derechonan di pago;
  • Bo ta mantené kontakto ku partnernan den e kadena.

E organisashon

E unidat di RCN Asuntunan Sosial i Empleo (SZW) ta kai direktamente bou di e ministerio ku mesun nòmber na Den Haag. E unidat SZW ta hasi esfuerso pa situashonnan laboral seif, salú i hustu i ta supervisá esaki. Ademas e unidat, na nòmber di e ministerio, ta paga seguronan sosial pa kontribuí na siguridat di eksistensia pa grandinan, mayornan i hende ku temporalmente, por ehèmpel pa motibu di enfermedat òf embaraso, no por traha. Tambe tin e pago di ònderstant pa kontribuí na siguridat di eksistensia pa habitantenan den un situashon finansiero di emergensia. E unidat SZW ta traha na un eksistensia humano pa tur hende na Hulanda Karibense.

Kompetensianan

  • Enfoká riba kliente
  • Fleksibilidat
  • Por ku stress
  • Enfoká riba resultado
  • Traha huntu
  • Desaroyo propio
  • Abilidat di ekspreshon verbal
  • Abilidat di ekspreshon por eskrito

Eksigensianan pa e funshon

  • Bo ta disponé di un diploma mbo3;
  • Bo por traha ku eksaktitut i ku struktura;
  • Bo por lesa i komprondé teksto legal;
  • Bo tin eksperensia ku introdusí informashon den un sistema di registrashon;
  • Bo ta íntegro, bo por hèndel informashon konfidensial, inkluso dato ku ta kai bou di sekresia di profeshon médiko.
  • Bo tin un bon dominio di hulandes verbal i por eskrito i bo ta papia bon papiamentu, ingles i spañó.

Kiko nos ta ofresé?

  • Un nombramentu konforme e Rechtspositiebesluit ambtenaren BES (Desishon di posishon hurídiko di ámtenar BES);
  • Un salario konforme merkado den skal inisial 6 (salario mensual bruto minimalmente $ 1.719,-) i skal di funshon 7 (salario mensual bruto maksimalmente $ 2.774,-), ku un siman di trabou di 36 ora pa siman. Ta skal a base di konosementu i eksperensia;
  • Sèn di vakashon (8,33% di e salario);
  • Un di 13 luna (8,33% di e salario, un mínimo di $ 1.750,- bruto); 
  • Un previshon di penshun akomodá na Pensioenfonds Caribisch Nederland (PCN);
  • 168 ora di vakashon den kaso di un siman di trabou di 36 ora pa siman;
  • Un nombramentu temporario di un aña, ku bista riba un nombramentu fiho den kaso di bon funshonamentu i un resultado di evaluashon positivo;
  • Un areglo pa muda pa kandidato ku ta reakshoná di pafó di e isla.

Prosedura

  • Ta habri e funshon aki internamente i eksternamente na mes momentu. Den kaso di aptitut igual kandidato interno ta haña preferensia;
  • Un assessment òf casus por forma parti di e prosedura.

Eksigensia pa nombramentu

  • Un deklarashon tokante kondukta (VOG);
  • Un eksaminashon médiko na fabor di atmishon den e fondo di penshun;
  • Nashonalidat hulandes.

Bon pa sa pa interesado pafó di Hulanda Karibense

  • E salario ta na dòler merikano, e moneda ofisial di Hulanda Karibense;
  • Hulanda Karibense konosé su propio reglanan di impuesto. Ta kobra impuesto riba e entrada mas haltu ku e suma liber di impuesto ($ 12.198,- na 2022) di un porsentahe di 30,4 % na retenshon riba suèldu;
  • Ta obligá pa partisipá na e fondo di penshun, inkluso un kontribushon propio na esaki;
  • Bo ta, òf bo ta bira, residente di Hulanda Karibense.

Mas informashon?

Pa mas informashon tokante e funshon aki bo por tuma kontakto ku Rigbert Nicolaas, Lider di Tim Loonderving en Kinderbijslag (Pèrdida di Sueldo i Kompensashon pa yu), number di telefòn +(599) 795-4816.

Solisitut digital

Bo por manda bo Curriculum Vitae ku bo motivashon ku email pa:  vacature@rijksdienstCN.com