SZW Gerente di Programa di Maneho i Kordinashon di Proyekto

HBO/WO | 36 ora | Boneiru | Number di vakatura P&O2025_04_002 | Fecha di klousura: 29 di aprel 2025

Deskripshon di trabou

Nos organisashon ta den un fase dinámiko i transitorio, den kua nos ta desaroyá i implementá entre otro hopi maneho i regulashon nobo. Pa implementá e kambionan aki ku éksito, nos ta buska un Gerente di Programa di Maneho i Koordinashon di Proyekto ku lo ta responsabel pa e koordinashon di tur proyekto den di e organisashon. Bo ta sòru pa e realisashon di e proyektonan di akuerdo ku e plan di programa i ta mónitòr nan koherensia i dependensia mutuo. Bo ta hunga un ròl klave den e diseño i koordinashon di e organisashon di e proyekto, inkluyendo e sètùp di e timnan di proyekto i e maneho di e timnan di proyekto i/òf lidernan.

Bo mes tambe ta manehá proyekto i ta partisipá ‘hands-on’ den nan ehekushon. Bo ta kontribuí na pone e prioridatnan korekto i ta duna gerensia konseho solisitá i no solisitá. Bo ta reportá direktamente na e hefe di departamento i ta miembro di e MT, loke ta nifiká ku abo, huntu ku bo koleganan di MT, ta manehá e organisashon. Un meskla di trabou basá riba proyekto den tantu maneho komo implementashon i un sintimentu pa maneho operashonal ta importante aki. 

Finalmente, bo ta sòru pa e proyektonan ta posibel i ku e kondishonnan i rekursonan korekto ta disponibel pa implementashon.

Proyekto di Implementashon di Akohida di Mucha

Den e programa aktual, e implementashon di e Lei di Akohida di Mucha ta un proyekto kontinuo.     Na 2025, e unidat lo prepará pa implementá e tarea legal nobo aki na fin di aña. Bo ta kuminsá den e ròl di gerente di proyekto pa garantisá un transishon suave for di e fase di proyekto pa e fase di implementashon. For di reklutá un tim te na ehekutá e tarea, i tur loke esei ta enserá. Pues, ta un pionero ta pas serka bo!

Kiko bo ta bai hasi?

• Koordinashon di tur proyekto: Bo ta responsabel pa e bista di tur proyekto andando den e organisashon i ta sòru pa realisá nan ku e prioridat i rekursonan korekto.
• Krea un organisashon di proyekto:  Bo ta konstruí i mantené un organisashon di proyekto den kua e timnan di proyekto ta yená ku kapasidat i ròl (temporal).
• Manehá proyekto: Lo bo manehá vários proyekto bo mes i tambe supervisá otro lidernan di proyekto di manera ku e vários proyektonan ta funshoná efisientemente i efektivamente.
• Vínkulo entre ministerio i organisashon:  Abo ta e persona di kontakto entre e ministerio i e organisashon pa implementashon di polítika nobo i kambio na lei i regulashon eksistente. Tur proseso di polítika ta kore dor di òf ku bo i bo ta responsabel pa mónitòr vishon i strategia.
• Maneho di priorisashon i faktibilidat:  Bo ta manehá prioridat di proyektonan i ta sigurá ku nan ta faktibel, tantu pa loke ta trata planifikashon komo rekurso disponibel.
• Koordinashon di prueba di implementashon:  Bo ta sòru pa un liña i vishon konsistente pa e pruebanan di implementashon di proyekto i sigurá ku nan ta korektamente koordiná i implementá.

Informashon di organisashon

Unidat SZW ta e organisashon ehekutivo di Ministerio di Asuntunan Sosial i Empleo na Hulanda Karibense. Nos ta traha pa un eksistensia digno pa tur siudadano na Hulanda Karibense.  Nos ta hasi esaki, entre otro, dor di duna benefisionan manera asistensia (spesial) sosial, seguro di inbalides i benefisio di mucha.  Pero tambe ku nos aktividatnan riba tereno di asuntunan laboral, pèrdida di salario, inspekshon di labor i pèrmitnan di trabou. Ku introdukshon di hopi maneho nobo i ku ta kambia, e organisashon ta den un periodo di transishon, den kua nos ta traha riba fortalesé implementashon i (mas aleu) mehorá e sistema sosial na Hulanda Karibense.

E ambiente dinámiko aki ta ofresé oportunidat amplio pa hasi un impakto i kontribuí na implementashon eksitoso di maneho ku tin influensia direktamente riba bienestar di siudadano.

Kompetensianan

• Konsiente di esnan/sistema rònt di bo
• Kolaborá
• Vishon stratégiko

• Sensibilidat den maneho

• Planifiká i organisá

• Komunikashon

• Liderazgo

Kiko nos ta spera di bo?

• Eksperensia den maneho di proyekto, ku eksperensia demostrabel den maneho di tim di proyekto i lider di proyekto.
• Abilidat organisatorio fuerte i abilidat pa koordiná vários proyekto simultáneamente.
• Eksperensia den traha ku òf implementá polítika i regulashon, preferiblemente den un konteksto gubernamental.
• Abilidat di liderazgo i abilidat pa motivá e timnan i pone nan traha huntu efektivamente.
• Bon abilidat di komunikashon i abilidat pa tene kontakto entre diferente stakeholder, inkluyendo e Ministerio i timnan interno.
• Bo tin un mentalidat práktiko i sa kon pa kambia stratégikamente i operashonalmente.
• Preferiblemente bo tin eksperensia trahando den e konteksto di Hulanda Karibense.

Kiko nos ta ofresé?

• Un nombramentu temporal a base di e Rechtspositiebesluit ambtenaren BES (Desishon di posishon hurídiko di ámtenar di BES);
• Un salario konforme merkado den skal di funshon 12, salario mensual mínimo $ 4.801,- i máksimo $ 6.009,-, ku un siman di trabou di 36 ora. Klasifikashon ta tuma lugá a base di konosementu I eksperensia;
• Sèn di fakansi (8,33% di e entrada anual);
• Bónùs di fin di aña (8,33% di e entrada anual);
• Un kompensashon di vitalidat;
• Un areglo di penshun akomodá na Pensioenfonds Caribisch Nederland (PCN);
• 182 ora di fakansi den kaso di un siman di trabou di 36 ora;
• Un nombramentu temporal pa un aña, ku bista riba un nombramentu fiho den kaso di bon funshonamentu i un evaluashon positivo;
• Un areglo di mudansa pa kandidato ku ta reakshoná for di eksterior.
• Un funshon ku reto den un organisashon den transishon
• E oportunidat pa hunga un rol klave den e implementashon eksitoso di manehonan nobo.
• Un ambiente di trabou dinámiko kaminda niun dia ta meskos.
• espasio pa desaroyo i kresementu personal.

Prosedura

Un assessment, casus i/ òf chekeo di referensia por forma parti di e prosedura.
miéntras ku den e selekshon lo tene kuenta ku e siguiente órden:

• Personal ofisial di RCN na e islanan BES (interno);
• Habitante di e parti karibense di Hulanda (eksterno);
• Sobrá kandidato (eksterno).

Eksigensia pa nombramentu

• Un Deklarashon di Bon Kondukta (VOG);
• Un saminashon médiko na fabor di atmishon den e fondo di penshun (partisipashon ta obligatorio, inkluso kontribushon propio|);
• E nashonalidat hulandes.

Bon pa sa pa interesado pafó di Hulanda Karibense

• E salario ta na dòler merikano, e moneda ofisial di Hulanda Karibense;
• Hulanda Karibense konosé su propio reglanan di impuesto. Ta kobra impuesto di 30,4% riba un suèldu riba e montante liber di impuesto ku ta $21.373,- den 2025, te un suèldu di $51.250,-. Den e di dos grupo di impuesto un tarifa di impuesto di 35,4% ta na vigor.
• Bo ta, òf bo ta bira, residente di Hulanda Karibense.

Mas informashon?

Pa mas informashon tokante e vakatura bo por tuma kontakto ku Brigitte van de Ven, lider di proyekto, meil brigitte.vandeven@rijksdienstcn.com.

Solisitut digital

Bo por manda bo Curriculum Vitae ku karta di motivashon na vacature@rijksdienstCN.com