SZW Hefe di Unidat suplente

Bo ta un manager enfoká riba hende, ku ta uni i ta sosial? Anto solisitá awor pa e funshon desafiante aki!

WO | Boneiru | 36 ora | Number di vakatura: P&O2022_09_012 | Fecha di klousura: promé di febrüari 2023

Deskripshon di funshon

Komo hefe di unidat suplente, huntu ku e hefe di unidat bo ta desaroyá un vishon pa futuro di e unidat ku akshonnan konkreto pa e organisashon i e empleadonan. Bo ta konsiente ku union ta esensial pa realisá e metanan. Bo ta disponé di bon abilidatnan organisatorio i afinidat ku proseso i sistema. Bo kapasidat pa balorá no ta faya, sea ora ta trata di un pregunta kompliká òf di balorashon di riesgo polítiko i atministrativo.

Tareanan di funshon

  • Komo hefe di unidat suplente, huntu ku e manager di unidat bo ta duna orientashon riba tereno di polítika i maneho na e unidat;
  • E Hefe di unidat por konta ku bo pa interkambiá idea tokante asuntu operashonal, táktiko i stratégiko;
  • Bo ta aportá i duna guia pa (re)diseño i organisashon di proseso di trabou, prosedura i kosnan por estilo den e unidat;
  • Bo ta aportá na kontenido di redakshon di informenan di maneho i informe di kada kuater luna;
  • Bo ta konsultá ku gobernante di e isla i partido i partner di kadena envolví ku SZW;
  • Bo ta duna e hefe di unidat konseho tokante mehorashon den lei i regulashon ku ta kontribuí na desaroyo òf ahuste di maneho (di ehekushon);
  • Bo ta yuda implementá maneho i lei i regulashon ku SZW-CN mester ehekutá ;
  • Bo ta vigilá kalidat di union i uniformidat den ehekushon den e unidat;
  • Bo ta konsehá tokante asuntu kompliká, hopi delikado riba tereno di SZW;
  • Bo ta balorá riesgonan pa e peliger di kousa daño polítiko/sosial i posibel funshon komo presedente;
  • Bo ta reportá na e Hefe di unidat i ta remplas’é ora e ta ousente (kualifikashon total).

E Organisashon

E unidat di RCN Asuntunan Sosial i Empleo (SZW) ta kai direktamente bou di e ministerio ku mesun nòmber na Den Haag. E unidat SZW ta hasi esfuerso pa situashonnan laboral seif, salú i hustu i ta supervisá esaki. Ademas e unidat, na nòmber di e ministerio, ta paga seguronan sosial pa kontribuí na siguridat di eksistensia pa grandinan, mayornan i hende ku temporalmente, por ehèmpel pa motibu di enfermedat òf embaraso, no por traha. Tambe tin e pago di ònderstant pa kontribuí na siguridat di eksistensia pa habitantenan den un situashon finansiero di emergensia. E unidat SZW ta traha na un eksistensia humano pa tur hende na Hulanda Karibense.

Ministerio di Asuntunan Sosial i Empleo

Ministerio di Asuntunan Sosial i Empleo ta traha pa trabou honesto, saludabel i seif na Hulanda. Fuera di esei, tur hende ta haña chèns pa partisipá i desaroyá nan mes, asina ku bo mes por duna un aporte na bo propio futuro. Ora di kontratempu, nos ta sòru pa un reda, i un entrada ora bo bai ku penshun. Esaki solamente ta posibel den un pais unda hende ke ta na otro su disposishon.

Nos ke traha maneho ku ta funshoná pa tur hende. Nos ta skucha loke ta biba den sosiedat, traha huntu estrechamente ku partnernan, i antisipá riba desaroyonan nobo na kas i den eksterior. Nos ta konsiderá preguntanan ku no ta esnan di mas fásil: tokante maneho sosial, futuro di e estado ku ta sòru pa bienestar, i provishon pa behes pagabel. Pero tambe tokante e problemátika di enbehesimentu i seguridat na boka di trabou.

Nos ta stimulá kumplimentu ku regla. Tin abusu? E ora ei nos ta aktua. Komo dunadó di trabou, e ministerio ta duna un bon ehèmpel.

Kompetensianan

  • Sensitividat pa e organisashon;
  • Sensitividat pa gobernashon;
  • Konsiente di bo alrededor;
  • Mantenshon di un ret di hende;
  • Duna guia na e organisashon;
  • Duna guia na e grupo;
  • Desaroyo di kolaboradó;
  • Reflekshoná.

Komo hefe di unidat suplente, algun abilidat ta importante:

  • Bo sa kon pa motivá, inspirá, i entusiasmá hende;
  • Bo gusta reto i bo ta kapas pa establesé metanan ku ta un reto;
  • Bo ke logra algu pa bo mes, e organisashon, i e tim;
  • Bo no ta kore pa responsabilidat; pa bo, mas responsabilidat ta nifiká un dinámika èkstra den bo funshon;
  • Bo ta uni i bo tin bista pa inovashon;
  • Bo ta kapas pa krea kompromiso i envolví otronan, i bo no tin miedu di tuma desishon i kibra impase;
  • Bo konosé bo mes i bo sa di kua kalidatnan di liderazgo bo ta disponé, i unda bo por hasi uso di esakinan. Tambe, bo konosé bo propio debilidatnan.

Eksigensianan di e funshon

  • Bo ta disponé di un nivel akadémiko di traha i pensa;
  • Bo tin afinidat ku kontakto polítiko i sosial denter di kua SZW ta operá;
  •  Bo ta enfoká riba hende i ta duna forsa na otronan;
  • Bo ta trahando - òf a traha- den un funshon di liderazgo;
  • Bo ta kapas pa mantené kontaktonan den un ret operashonal, den un ret atministrativo, i ku otro partidonan envolví;
  • Bo ta dominá hulandes i preferibel ingles, spañó, i papiamentu verbal i por eskrito.

Kiko nos ta ofresé?

  • Un nombramentu konforme e Rechtspositiebesluit ambtenaren BES (Desishon di posishon hurídiko di ámtenar BES);
  • Un salario konforme merkado den skal inisial 12 i skal di funshon 13 (salario mensual bruto minimalmente $ 3.960,- i maksimalmente $ 5.056-), ku un siman di trabou di 36 ora pa siman. Ta skal a base di konosementu i eksperensia;
  • Sèn di vakashon (8,33% di e salario);
  • Un di 13 luna (8,33% di e salario, un mínimo di $ 1.750,- bruto); 
  • Un previshon di penshun akomodá na Pensioenfonds Caribisch Nederland (PCN);
  • 168 ora di vakashon den kaso di un siman di trabou di 36 ora pa siman;
  • Un nombramentu temporario di un aña, ku bista riba un nombramentu fiho den kaso di bon funshonamentu i un resultado di evaluashon positivo;
  • Un areglo pa muda pa kandidato ku ta reakshoná di pafó di e isla.

Prosedura

  • Ta habri e funshon aki internamente i eksternamente na mes momentu. Den kaso di aptitut igual kandidato interno ta haña preferensia;
  • Un assessment òf casus por forma parti di e prosedura.

Eksigensia pa nombramentu

  • Un deklarashon tokante kondukta (VOG);
  • Un eksaminashon médiko na fabor di atmishon den e fondo di penshun;
  • Nashonalidat hulandes.

Bon pa sa pa interesado pafó di Hulanda Karibense

  • E salario ta na dòler merikano, e moneda ofisial di Hulanda Karibense;
  • Hulanda Karibense konosé su propio reglanan di impuesto. Ta kobra impuesto riba e entrada mas haltu ku e suma liber di impuesto ($ 17.352,- na 2023) di un porsentahe di 30,4 % na retenshon riba suèldu;
  • Ta obligá pa partisipá na e fondo di penshun, inkluso un kontribushon propio na esaki;
  • Bo ta, òf bo ta bira, residente di Hulanda Karibense.

Mas informashon?

Pa informashon tokante e vakatura bo por tuma kontakto ku:
Remco Spek, hefe di departamentu WSB, direktiva Areglonan pa Empleado, tel.: +316 15 03 51 97, meil di sekretariado: postbussecretariaatwr@minszw.nl

Solisitut digital

Bo por manda bo Curriculum Vitae i karta di motivashon pa: vacature@rijksdienstCN.com