SZW Hefe Unidat

Abo ta un manager orientá riba hende, di konekshon i sosial? Solisitá anto riba e funshon retadó aki!

WO | Boneiru | 36 ora | number di vakatura: P&O2022_08_017 | Fecha di klousura: 12 di òktober 2022

Deskripshon di funshon

Establesé e legislashon laboral i e sistema di siguridat sosial firmemente i implementá esaki ku orientashon riba hende na Hulanda Karibense, esei ta loke abo ta hasi komo hefe di unidat SZW- Rijksdienst Caribisch Nederland (RCN-unidat SZW). Un reto interesante pasó bo ta traha na tres isla: Boneiru bo lugá di trabou, Sint Eustatius i Saba, kada un ku nan mes kultura i desafio. Bo ta forma e vínkulo entre Hulanda Karibense i e ministerio di SZW. 

Kon bo ta anda ku proseso kompleho den situashon kaminda e grupo di enfoke ta hopi chikí? Kon bo ta organisá e servisio di tal manera ku e ta yuda e habitantenan, ku nan ta sinti nan skuchá i kaminda ta nesesario nan ta haña sosten ku yenamentu korekto di e formularionan, pa por ehèmpel aplikashon pa un ònderstant? Huntu ku bo tim di alrededor di kuarenta trahadó i kuater lider di tim bo ta sòru pa un unidat ku ta funshoná bon i pa un servisio optimal na e habitantenan di Hulanda Karibense.

Huntu ku bo tim bo ta traha na optimalisashon di e maneho di e unidat. Huntu ku bo trahadónan bo ta elaborá un plan anual perspikas. Banda di e tareanan di ehekushon primario di tur manera ta brinda atenshon aki den na e kontinuashon di desaroyo di e kontrol finansiero i e modernisashon di e ICT.

Bo ta komprometé bo mes pa establesé un maneho di personal dirigí riba desaroyo. Bo ta mira e potensialnan di bo trahadónan i ta sòru pa nan haña espasio pa usa nan kapasidatnan optimalmente. Na un manera motivante, inspirante i vinkulá bo ta duna direkshon na e tim.

Bo ta hiba e servisio na un plan mas haltu. Bo ta sòru pa un bon supervishon di e satisfakshon pa loke ta trata e servisio, bo ta implementá mehorashon i kontinuamente bo ta traha pa hasi e prosesonan burokrátiko mas simpel i ménos pisá.

Bo ta hinka hopi energia poniendo konekshon. Boneiru, Sint Eustatius i Saba ta traha, manera Entidatnan Públiko, huntu ku e Gobièrnu Sentral pa mehoramentu di konteksto sosial ekonómiko. Ku un aktitut habrí i huntu ku e Entidatnan Públiko, bo ta pone den e repartishon di responsabilidat aki (ku tin bia ta kompleho) e stapnan korekto den direkshon di prekondishonnan fundamental optimal pa e siguridat di eksistensia riba e islanan.

Banda di esaki bo ta traha den kordinashon ku diferente sosio riba e islanan, entre otro ku e shared service organisatie (organisashon di servisio kompartí) di RCN, e Ofisina di Impuesto Hulanda Karibense, i e Entidatnan Públiko Boneiru, Sint Eustatius i Saba. Na mes momentu bo ta krea oportunidat pa huntu ku Hulanda i e islanan bisiña deliberá i rekohé proyektonan konhuntamente.

E Organisashon

E unidat di RCN-SZW ta kai direktamente bou di e ministerio na Den Haag. Komo un puesto halá dilanti di e ministerio bo no ta pèrdè e sintonisashon ku e parti Oropeo di Hulanda for di bista i bo ta sòru pa laso asina estrecho ku nos ta lubidá e separashon di ocho mil kilometer ku ta separá abo for di Den Haag. Bo ta reportá desaroyo relevante na e departamento núkleo i ta konsultá regularmente ku e koleganan ku ta traha for di Den Haag. Huntu ku e hefe di e departamento di maneho na Den Haag i boso suplentenan bo ta forma un MT (tim di maneho) kolegial pa e maneho di SZW pa Hulanda Karibense i e implementashon di esaki.

Ministerio di Asuntunan Sosial i Empleo

E ministerio di Asuntunan Sosial i Empleo ta traha pa tin trabounan honesto, salú i ku seguridat na Hulanda. Banda di esaki tur hende ta haña e chèns di partisipá i pa desaroyá nan mes, di manera ku bo mes por aportá na bo propio futuro. Si kosnan bai malu nos ta sòru pa un ret di seguridat, i un ingreso pa ora bo baha ku penshon. Esaki por solamente den un pais kaminda hendenan t’ei pa otro.

Nos ke traha un maneho ku ta funshoná pa tur hende. Nos ta skucha loke ta pasando den e komunidat, traha den estrecho kolaborashon ku sosionan i ta antisipá riba desaroyonan nobo tantu esnan lokal komo esnan den eksterior. Nos ta okupá nos mes ku preguntanan ku no ta esnan di mas fásil. Tokante e maneho sosial, e futuro di e estado ku ta kuida i pagabilidat di e suma di penshon. Pero tambe tokante e problemátika di enbehesimentu i seguridat den lugá di trabou.

Nos ta stimulá e kumplimentu ku regla. Tin kosnan ku ta kanando robes? E ora ei nos ta tuma akshon. Komo dunadó di trabou e ministerio ta duna e bon ehèmpel.

Eksigensianan di funshon

  • Bo tin un nivel di traha i pensa akadémiko;
  • Bo tin eksperensia amplio pa duna guia riba nivel stratégiko i táktiko i bo tin afinidat ku tareanan hurídiko, finansiero i atministrativo di un organisashon ehekutivo;
  • Bo ta un persona ku ta nètwèrk i un hungadó di tim ku ta konektá i ku tin bista pa loke ta sosodé, tantu na Hulanda Karibense komo den e departamento na Den Haag;
  • Bo ta kapabel pa representá bo unidat na un manera pragmátiko, firme i na mes momento simpátiko dilanti di siudadanonan, empresa, gobièrnu i otro partidonan interesá relevante;
  • Bo tin bista pa bo trahadónan i ta duna nan espasio i e konfiansa pa nan por desaroyá nan mes den nan funshon;
  • Bo tin e kapasidat pa relativá i e resistensia pa aseptá kasonan i bo ta kapabel pa atendé kasonan na un manera diferente òf organisá e trabou di un otro manera den kaso ku esaki ta nesesario pa un servisio efektivo;
  • Bo ta dominá e idiomanan hulandes i ingles, i preferiblemente bo ta papia papiamentu tambe. Si esaki no ta e kaso, bo ta dispuesto pa dominá e idioma aki;
  • E ministerio di Asuntunan Sosial i Empleo ta gusta diversidat. Diferente perspektiva, desendensia, i komprondementu ta amplia nos forsa di pensa i perspektivanan di akshon. Dor di esaki nos por konektá optimalmente ku e nesesidatnan di e komunidat. No ta importá unda bo a nanse, den kiko bo ta kere i ken bo ta stima. Nos ta primeramente kurioso pa sa bo impulso pa ku efekto sosial;
  • Di nos (tòp) managernan nos ta ferwagt ku nan ta kambia di funshon regularmente. Aki nos ta asumí un durashon di funshon di un promedio di kuater pa sinku aña.

Kompetensianan

  • Sensibilidat pa organisá
  • Sensibilidat pa manehá
  • Konsiente di e ambiente
  • Nètwèrk
  • Dirigí organisashon
  • Dirigí grupo
  • Desaroyá trahadónan
  • Reflekshoná

Kiko nos ta ofresé?

  • Un nombramentu konforme e Rechtspositiebesluit ambtenaren BES (Desishon di posishon hurídiko di ámtenar di BES);
  • Un salario konforme merkado den skal di funshon 15 (salario mensual bruto minimalmente $ 6.052,- i maksimalmente $ 7383,-) ku un siman di trabou di 36 ora pa siman. Ta skal a base di konosementu i eksperensia;
  • Sèn di vakashon (8,33% di e salario);
  • Un di 13 luna (8,33% di e salario, un mínimo di $ 1.750,- bruto);
  • Un previshon di penshun akomodá na Pensioenfonds Caribisch Nederland (PCN);
  • 168 ora di vakashon den kaso di un siman di trabou di 36 ora pa siman;
  • Un nombramentu temporario di un aña, ku bista riba un nombramentu fiho den kaso di bon funshonamentu i un resultado di evaluashon positivo;
  • Un areglo pa muda pa kandidato ku ta reakshoná di pafó di e isla.

Prosedura

  • Ta habri e funshon aki internamente i eksternamente na mes momentu. Den kaso di aptitut igual kandidato interno ta haña preferensia;
  • Un assessment òf casus por forma parti di e prosedura;
  • E kòmbersashonnan ta tuma lugá na Boneiru den siman 43.

Eksigensia pa nombramentu

  • Un deklarashon tokante kondukta (VOG);
  • Un eksaminashon médiko na fabor di atmishon den e fondo di penshun;
  • Nashonalidat hulandes.

Bon pa sa pa interesado pafó di Hulanda Karibense

  • E salario ta na dòler merikano, e moneda ofisial di Hulanda Karibense;
  • Hulanda Karibense konosé su propio reglanan di impuesto. Ta kobra impuesto riba e entrada mas haltu ku e suma liber di impuesto ($ 12.198,- na 2022) di un porsentahe di 30,4 % na retenshon riba suèldu;
  • Ta obligá pa partisipá na e fondo di penshun, inkluso un kontribushon propio na esaki;
  • Bo ta, òf bo ta bira, residente di Hulanda Karibense.

Mas informashon?

Pa informashon tokante e vakatura bo por tuma kontakto ku:
Araya Sumter, direktor di Werknemersregelingen (Areglonan pa trahadónan), number di telefòn: +31 6 15341847, meil di sekretariado: postbussecretariaatwr@minszw.nl

Remco Spek, hefe di departamento WSB, gerensia di Werknemersregelingen (Areglonan pa trahadónan), number di telefòn: +31 6 15035197, meil di sekretariado: postbussecretariaatwr@minszw.nl

Solisitut digital

Bo por manda bo Curriculum Vitae i karta di motivashon pa: vacature@rijksdienstCN.com