SZW Hurista

E organisashon

E unidat Asuntunan Sosial i Empleo (SZW) ta responsabel pa ehekushon di seguridat sosial pa Hulanda Karibense. Ademas, SZW ta responsabel pa inspekshon laboral, pèrmitnan di trabou, asuntunan laboral, i Plenchi di Trabou. Na tur, tin mas o ménos 88 kolaboradó ta traha einan, di kua 8 na Saba i Sint Eustatius. Tin hopi desaroyo riba e área sosial, i e unidat SZW a krese bastante den e aña ku ta tras di lomba pa medio di ekstenshon di e tareanan. Entre otro, e Lei di Desempleo Hulanda Karibense (Werkloosheidswet CN), areglonan di ferlòf nobo i adaptashonnan den e legislashon laboral ta areglonan di ehekushon ku, dependiendo di toma di desishon polítiko, e unidat SZW ta bai ehekutá pronto. E unidat SZW ta traha riba un eksistensia humano pa tur hende na Hulanda Karibense.

Asuntunan Hurídiko

Asuntunan Hurídiko ta responsabel pa kalidat hurídiko di e trabounan realisá. Ademas, Asuntunan Hurídiko ta kumpli ku un papel di asesoramentu ora ta trata di maneho, legislashon i regulashon (nobo), i tambe ta trata ku kasonan di opheshon, apelashon, i ku keho. Aktualmente, Asuntunan Hurídiko ta konsistí di dos hurista i un kolaboradó hurídiko.

Asuntunan Hurídiko ta parti di e departamento di Maneho Operashonal. Komo hurista, bo ta reportá na e mènedjer di maneho operashonal, i bo ta un konsehero di e Hefe di servisio di e unidat SZW.

Deskripshon di funshon

Komo hurista, bo ta trata ku kartanan di opheshon i apelashon, i bo ta representá e unidat SZW di RCN den kasonan di apelashon den Korte. Bo ta konsehá e gerensia tokante aspektonan hurídiko di problemátika ku a señalá, i bo ta traha huntu ku e konsehero hurídiko pa yega na solushonnan adekuá. Bo ta sostené e ehekushon ku maneho (nobo), legislashon i regulashon, i ta duna konseho, sea ku pidi pa esaki òf no. Bo ta señalá difikultat den maneho i ta trese proposishonnan dilanti pa mehorashon. Ademas bo ta responsabel pa analisá keho, trata ku keho, i papia ku gerensia tokante patronchinan ku a opservá, pa asina realisá mehorashon den e servisio.  

Tareanan di funshon

• Bo ta redaktá disposishon, apologia i dokumento ofisial den proseduranan hudisial.
• Komo e persona ku ta trata kasonan, bo ta tuma kontakto ku e persona ku ta oponé i ta purba promé pa resolvé konflikto pafó di e trayekto hurídiko formal;
• Bo ta plania i organisá seshonnan públiko, vigilá términonan stipulá, i ta duna konseho tokante opheshon i apelashon i análisis di keho;
• Bo ta sòru pa edifikashon, hibamentu afó, i garantia di konosementu hurídiko (mas aleu) di e legislashon i regulashon ku mester ehekutá (entre otro na benefisio di kasonan di opheshon);
• Bo ta sòru pa traspaso di konosementu i pa konsehá, guia, i sostené kolaboradónan tokante problemátikanan hurídiko;
• Di forma proaktivo, bo ta sigui desaroyonan relevante riba tereno profeshonal di e unidat SZW di RCN, reportá esakinan na gerensia, i ta duna konseho tokante asuntunan relevante.

Eksigensianan di funshon

• Bo ta disponé di un estudio hurídiko terminá na nivel universitario, preferiblemente ku e spesialisashon di derecho atministrativo;
• Eksperensia ku tratamentu di proseduranan di opheshon i apelashon riba tereno di derecho atministrativo ta un bentaha;
• Bo tin afinidat ku Hulanda Karibense, i komprondementu di e konteksto spesífiko ku SZW-CN ta operá den dje;
• Bo tin un dominio ekselente di hulandes i preferiblemente di papiamentu, ingles i spañó, verbalmente i por eskrito.

Kompetensianan

• Sensitividat di organisashon
• Plania i organisá
• Traha huntu
• Kapas di konvensé
• Abilidat verbal i por eskrito
• Sigur di bo mes

Kiko nos ta ofresé?

• Un nombramentu konforme e Desishon di posishon hurídiko di ámtenar di BES (Rechtspositiebesluit ambtenaren BES);
• Un salario konforme merkado, den skal di entrada 11 i skal di funshon 12, di minimalmente $ 4.338,- i máksimalmente $ 6.340,- pa luna, den kaso di un siman di trabou di 36 ora. Klasifikashon a base di konosementu i eksperensia;
• Sèn di fakansi (8,33% di e salario mensual bruto);
• Un di diestres luna (8,33% di e salario anual);
• Un kompensashon di vitalidat;
• Un areglo di penshun akomodá na Pensioenfonds Caribisch Nederland (PCN);
• 182 ora di fakansi den kaso di un siman di trabou di 36 ora;
• Un nombramentu temporal pa un aña, ku perspektiva pa un nombramentu fiho den kaso di bon funshonamentu i un resultado di evaluashon positivo;
• Un areglo di muda pa kandidatonan ku ta reakshoná di pafó di e isla.

Prosedura

Un ‘assessment’, ‘casus’ i/òf chekeo di referensia por forma parti di e prosedura.

Den e selekshon ta tene kuenta ku e siguiente órden:

• Personal ofisial di RCN na Hulanda Karibense (interno);
• Habitantenan di e parti karibense di Hulanda (eksterno);
• Demas kandidatonan (eksterno).

Eksigensianan di nombramentu

• Un Deklarashon tokante Kondukta (VOG, Verklaring Omtrent het Gedrag);
• Un saminashon médiko relashoná ku registrashon obligatorio den e fondo di penshun (inkluso un kontribushon propio);
• Nashonalidat hulandes.

Bon pa sa pa interesado pafó di Hulanda Karibense

• E salario ta den dòler merikano, e moneda ofisial na Hulanda Karibense;
• Hulanda Karibense tin un propio reglanan di impuesto. Na aña 2026 ta stipulá ku ta kobra un impuesto di 29,4% riba un suèldu ku ta riba e montante liber di impuesto, esta di $21.956,- te ku $53.198,-. Den e di dos grupo di impuesto, un tarifa di impuesto di 38,4% ta na vigor.
• Bo ta òf ta bira residente di Hulanda Karibense.

Mas informashon?

Pa mas informashon tokante e vakatura bo por tuma kontakto ku Mischa Prinsenberg, hefe di servisio general, number di telefòn +599 795 2030.

Solisitut digital

Bo por manda bo Curriculum Vitae ku motivashon via e-mail na: vacature@rijksdienstCN.com.