SZW Kolaboradó di Seguro Sosial

Deskripshon di e funshon

Komo kolaboradó di seguro sosial, bo tin un ròl variá i responsabel ku un propósito sosial evidente.  Bo ta kontribuí diariamente na un sosiedat sosial dor di manehá i prosesá datonan personal i di kompania kuidadosamente.  Esaki ta nifiká ku bo ta kontrolá, investigá, prosesá, registrá, evaluá i outorisá datonan, kontestá preguntadi klientenan, i tuma kontakto ku kolega i otro organisashonnan kaminda ta nesesario.  Bo trabou ta sigurá ku dunadónan di trabou i hendenan ta risibí nan pago na tempu, i ku ta registrá tur informashon korektamente i sigur.

Responsabilidatnan di e Trabou

• Bo ta evaluá aplikashonnan pa chek si nan ta kompletu, nan legalidat i kumplimentu ku regulashon den sub-áreanan asigná;
• Bo ta prosesá dato den sistemanan i ta mónitòr e progreso di archivonan.
• Bo ta prepará desishon òf memonan standart basá riba guia i prosedura establesé;
• Bo ta kondusí entrevistanan di atmishon, kambio òf re-eksaminashon ku klientenanl;
• Bo ta hasi kalkulashon òf kòntròl simpel te moderá paden i pafó di e aplikashonnan.
• Bo ta identifiká iregularidat òf desviashon i ta informá nan na bo gerente;
• Bo ta fail i archivá dokumentonan;
• Bo ta mantené kontakto ku partnernan di kadena di suministro;
• Bo ta informá klientenan tokante prosedura, derecho i obligashonnan den kuadro di lei i regulashonnan;
• Bo ta aklará desishonnan i ta duna splikashon básiko pa rechaso òf korekshon.
• Bo ta hiba kòmbersashonnan na lokèt òf na telefòn, tin biaha den situashonnan di strès òf emoshonal;
• Bo ta kontribuí na servisio enfoká riba kliente i identifiká áreanan pa mehorashon den komunikashon òf prosesonan.

E organisashon

E unidat di Asuntunan Sosial i Empleo (SZW) di RCN ta dependé direktamente di e ministerio di e mes un nòmber na Den Haag. E unidat di SZW ta komprometé su mes na situashonnan di trabou sigur, saludabel i hustu i ta vigilá kumplimentu ku esakinan. E unidat tambe ta paga seguronan sosial na nòmber di e ministerio pa kontribuí na e seguridat sosial di grandinan, mayornan i personanan ku no por trahe temporalmente, por ehèmpel pa motibu di malesa òf embaraso.  Tambe, ta eksistí e benefisio di asistensia sosial pa kontribuí na seguridat di e medionan di supsistensia di e abitantenan ku ta den un emergensia finansiero.  E unidat di SZW ta traha riba un eksistensia digno pa tur hende na Hulanda Karibense.

E departamentu

E departamentu di pèrdida di salario ta evaluá i prosesá aplikashonnan pa benefisionan pa pèrdida di entrada pa motibu di malesa, desabilidat òf otro kousanan legal. E ta kontrolá e legitimidat di aplikashonnan, ta prosesá datonan di dunadónan di trabou i empleadonan, i ta garantisá pago korekto i na tempu di akuerdo ku lei i regulashonnan aplikabel.

Kompetensianan

• Enfoke riba kliente
• Fleksibilidat
• Resistensia na strès
• Orientá riba resultado
• Kolaborashon
• Desaroyo propio
• Abilidatnan di komunikashon verbal i por eskrito

Eksigensianan pa e funshon

• Bo tin un diploma di enseñansa profeshonal (MBO) di nivel 4;
• Bo tin eksperensia den introdusí datonan den un sistema di registrashon;
• Bo por traha ku eksaktitut i strukturá;
• Bo por lesa tekstonan hurídiko bon kla;
• Bo ta íntegro i por manehá informashon konfidensial, inkluso datonan kubrí pa konfidensialidat médiko.
• Bo tin un bon dominio di Hulandes verbal i por eskrito i bo ta dominá Papiamentu, Ingles i Spañó.

Loke nos ta ofresé

• Un nombramentu a base di e Rechtspositiebesluit ambtenaren BES (Desishon di posishon hurídiko di ámtenar di BES);
• Un salario konforme merkado den skal inisial 7 òf skal di funshon 8, salario mensual mínimo $ 2.586,- i máksimo $ 4.016,- ku un siman di trabou di 36 ora. Klasifikashon a base di konosementu i eksperensia;
• Sèn di fakansi (8,33% di e entrada anual);
• Un di diestres luna (8,33% di e entrada anual);
• Un kompensashon di vitalidat;
• Un areglo di penshun akomodá na Pensioenfonds Caribisch Nederland (PCN);
• 182 ora di fakansi ku un siman di trabou di 36 ora;
• Un nombramentu temporal pa un aña, ku bista riba un nombramentu fiho den kaso di bon funshonamentu i un evaluashon positivo;
• Un areglo pa muda pa kandidato ku ta reakshoná for di den eksterior.

Prosedura

Un assessment, casus i/ òf chekeo di referensia por forma parti di e prosedura.
Ta habri e vakatura internamente i eksternamente na mes momentu. Den e selekshon lo tene kuenta ku e siguiente órden:

• Personal ofisial di RCN na e islanan BES (interno);
• Habitante di e parti karibense di Hulanda (eksterno);
• Otro kandidatonan (eksterno).

Eksigensianan di nombramentu

• Un deklarashon tokante kondukta (VOG);
• Un saminashon médiko na fabor di atmishon den e fondo di penshun (Partisipashon den e fondo di penshun ta obligatorio, inkluso un kontribushon propio na esaki);
• Nashonalidat hulandes.

Bon pa sa pa interesado pafó di Hulanda Karibense

• E salario ta na dòler merikano, e moneda ofisial di Hulanda Karibense;
• Hulanda Karibense konosé su propio reglanan di impuesto. Ta kobra impuesto di 29,4% riba un suèldu riba e montante liber di impuesto ku ta $21.956,- den 2026, te un suèldu di $53.198,-. Den e di dos grupo di impuesto un tarifa di impuesto di 38,4% ta na vigor.
• Bo ta, òf bo ta bira, residente di Hulanda Karibense.

Mas informashon?

Pa mas informashon tokante e vakatura bo por tuma kontakto ku Rigbert Nicolaas, Lider di Tim Pèrdida di Salario i Kompensashon pa Yu, telefòn +599 795 4816.

Solisitut digital

Bo por manda bo Curriculum Vitae ku bo motivashon via meil na vacature@rijksdienstCN.com.