SZW Kolaboradó General (lokalidat Saba) 2 FTE

Deskripshon di funshon

Komo Kolaboradó general na Saba, bo no ta kontribuí solamente na ehekushon di seguronan sosial i asuntunan laboral, sino tambe na e forsa di un komunidat chikí. Ku bo esfuerso, bo ta sòru pa e habitantenan haña e sosten i e informashon ku nan mester. Komo ku hopi biaha bo ta traha den ofisina bo so, ta importante ku bo por tuma desishonnan independientemente i ta disponé di un sentido di responsabilidat grandi.

E trabou na Saba ta multifasétiko. Fuera di trata ku petishon i hiba kòmbersashon ku kliente, tambe bo ta sostené ku e preshon di e kasonan na Boneiru i Sint Eustatius. Huntu ku bo koleganan riba e otro islanan di Hulanda KAribense bo ta forma un tim será ku ta yuda i fortifiká otro. Esei ta pidi fleksibilidat i afinidat ku e área karibense.

Ku un poblashon di mas o ménos 2.000 hende, Saba ta un komunidat kaluroso i será, kaminda bo trabou ta visibel i signifikante mesora. Komo ku hopi kliente ta papia spañó, dominio di spañó ta un bentaha importante.

Tareanan di funshon

• Bo ta responsabel pa trato korekto di petishonnan relashoná ku seguro sosial, fasilidat sosial, pèrmit di trabou i asuntunan laboral;
• Bo ta responsabel pa intake di kliente nobo;
• Bo ta (bolbe) ehekutá kontròl serka klientenan eksistente ku ta risibí pago di ònderstant, i den kaso di petishonnan nobo pa AOV i AWW bo ta responsabel pa verifikashon di datonan di kliente serka Registro Sivil;
• Bo ta kontestá pregunta general i den kaso di ònderstant (spesial) tambe bo ta duna informashon na kliente;
• Bo ta responsabel pa formashon i archivo di fail i bo ta atendé ku mutashon den e aplikashonnan di SZW; 
• Bo ta trata ku pregunta di dunadónan di trabou i kolaboradónan tokante legislashon laboral;
• Bo ta garantisá kalidat di e ehekushon di trabou i ta intermediá den konflikto entre dunadó di trabou i kolaboradó; 
• Bo ta mantené kontakto ku partnernan di kadena.

E organisashon

Ministerio di Asuntunan Sosial i Empleo (SZW), bou di guia direkto for di e departamento na Hulanda, ta responsabel pa ehekushon di e seguridat sosial pa Hulanda Karibense. Pa esaki a lanta un unidat apart ku, bou di guia di hefe di e unidat, ta sòru pa ehekushon di AOV, Ònderstant, AWW, Inspekshon laboral, Asuntunan laboral, Pèrdida di suèldu i otorgamentu di Pèrmit di Trabou.

Kompetensianan

• Forma huisio;
• Integridat;
• Orientashon riba kliente;
• Orientashon riba resultado;
• Traha huntu;
• Plania i organisá;
• Desaroyo propio;
• Fleksibilidat.

Eksigensianan di funshon

• Bo ta disponé di un nivel mbo4 di traha i pensa (preferiblemente atministrativo hurídiko);
• Bo tin konosementu di e tereno di trabou di SZW-CN i (den e sentido amplio) di legislashon i regulashon di e seguronan sosial ku SZW-CN mester ehekutá;
• Bon dominio di ingles i hulandes ta un eksigensia, dominio di papiamentu i spañó ta un bentaha.

Kiko nos ta ofresé?

• Un nombramentu di akuerdo ku e Posishon Hurídiko di funshonarionan públiko BES;
• Un salario konforme merkado, den skal inisial 7 i skal di funshon 8 (salario mensual bruto di mínimo $2.436,- i máksimo $3.806,- pa luna), mará na un siman di trabou di 36 ora. Klasifikashon ta basá riba konosementu i eksperensia;
• Sèn di vakashon (8,33% di e entrada anual);
• Un di diestres luna (8,33% di e entrada anual);
• Un kompensashon di vitalidat;
• Un areglo di penshun akomodá bou di Pensioenfonds Caribisch Nederland (PCN);
• 182 ora di vakashon pa un siman laboral di 36 ora;
• Un nombramentu temporal pa un aña ku bista riba un nombramentu fiho a base di un bon funshonamentu i un evaluashon positivo;
• Un areglo di mudansa si bo ta reakshoná for di den eksterior.

Eksigensianan pa e funshon

• Un deklarashon di kondukta (VOG);
• Un eksaminashon médiko pa atmishon den e fondo di penshun;
• Nashonalidat hulandes.

Prosedura

Un assessment, casus i/ òf chekeo di referensia por forma parti di e prosedura.
miéntras ku den e selekshon lo tene kuenta ku e siguiente órden:

• Personal ofisial di RCN na e islanan BES (interno);
• Habitante di e parti karibense di Hulanda (eksterno);
• Sobrá kandidato (eksterno).

Bon pa sa esaki pa esnan interesá ku ta biba pafó di Hulanda Karibense

• E salario ta na dòler merikano, e moneda ofisial di Hulanda Karibense;
• Hulanda Karibense konosé su propio reglanan di impuesto. Ta kobra impuesto di 30,4% riba un suèldu riba e montante liber di impuesto ku ta $21.373,- den 2025, te un suèldu di $51.250,-. Den e di dos grupo di impuesto un tarifa di impuesto di 35,4% ta na vigor;
• Bo ta abitante òf lo bira abitante di Hulanda Karibense.

Mas informashon?

Pa informashon tokante e vakatura, tuma kontakto ku Raquel Carty, lider di tim SZW. Number di telefòn +599 790 0053.

Solisitut digital

Bo por manda bo Curriculum Vitae ku motivashon na vacature@rijksdienstCN.com.