SZW Kolaboradó Hurídiko

E organisashon

E Unidat Asuntunan Sosial i Empleo (SZW) ta ehekutá e seguridat sosial pa Hulanda Karibense. Ademas, SZW ta responsabel pa inspekshon laboral Hulanda Karibense, pèrmit di trabou, asuntu laboral, i Plenchi di Trabou. Na tur, tin mas o ménos 70 kolaboradó na e Unidat SZW, di kua 6 na Saba i Sint Eustatius. Tin hopi desaroyo riba tereno sosial i e pakete di tarea di e unidat ta ekstendiendo. Entre otro, un areglo di akohida di mucha, un Lei Desempleo Hulanda Karibense (Werkeloosheidswet CN) i adaptashon den e legislashon laboral ta areglonan di ehekushon ku, dependé di toma di desishon polítiko, e Unidat SZW lo ehekutá pronto. E Unidat SZW ta traha riba un eksistensia digno pa tur hende na Hulanda Karibense.

E departamentu

E departamentu di Asuntunan Hurídiko ta responsabel pa kalidat hurídiko di e trabounan ehekutá pa e Unidat SZW. Ademas, e departamento tin un funshon tantu di konseho ora ta trata di maneho (nobo), legislashon i regulashon, komo tambe un funshon ehekutivo den opheshon, apelashon i trato di keho. Na e momentu aki, e departamento Asuntunan Hurídiko ta konsistí di dos hurista i un kolaboradó hurídiko. Den futuro ta premirá ekspanshon pa motibu di tareanan nobo.

Deskripshon di funshon

Komo kolaboradó hurídiko bo ta ofresé sosten ku tratamentu di karta di opheshon i preparashon di kaso di apelashon. Bo ta suministrá konseho hurídiko na e hurista tokante problemátika señalá i ta traha huntu pa buska solushon práktiko. Ademas, bo ta responsabel pa análisis di keho, i bo ta diskutí patronchinan opservá ku e hurista pa asina realisá mehorashon den servisio di e Unidat. E funshon ta di índole ehekutivo i sostenedor, ku énfasis riba trabou hurídiko i atministrativo.

Tareanan di funshon

• Bo ta redaktá desishon, dokumento di defensa i di proseso den prosedura hudisial;
• Bo ta tuma kontakto ku e partido ku ta oponé i promé ta purba solushoná disputa pafó di e trayekto hurídiko formal;
• Bo ta plania i organisá oudiensia, vigilá término stipulá i ta duna konseho tokante opheshon, apelashon, i análisis di keho;
• Bo ta sostené e huristanan ku nan tarea relashoná ku traspaso di konosementu, konseho, i guia di kolaboradó tokante problemátika hurídiko;
• Bo ta registrá pòst ku ta drenta, korespondensia, dokumento di opheshon i apelashon i, si ta nesesario, riba bo propio inisiativa ta añadí informashon;
• Bo ta fungi komo punto di kontakto i fuente di informashon pa kolaboradó interno i instansia eksterno tokante asuntunan ku e Unidat SZW ta trata kuné;
• Si ta posibel, bo mes ta trata ku pregunta i petishon pa informashon;
• Bo ta atendé ku yamada di telefòn ku ta drenta pa e departamento di Asuntunan Hurídiko;
• Bo ta evaluá importansia di e petishon pa e persona ku ta hasi e yamada i, si ta nesesario, ta purba haña un solushon i/òf referí esaki pa e funshonarionan en kestion den e Unidat SZW;
• Bo ta enkargá ku e korespondensia pa e departamento di Asuntunan Hurídiko dor di independientemente konsipiá, elaborá, taip i skèn (konsepto di) karta, dokumento, rapòrt, etc.;
• Bo ta bini ku proposishon pa mehorashon di e proseduranan hurídiko atministrativo interno vigente;
• A base di konosementu di e organisashon, bo ta determiná kua ruta mester guia sierto informashon;
• Bo ta sòru pa atministrashon di fail ku a fia otronan i ta vigilá e entrega na tempu i kompleto di e dokumentonan ku mester archivá;
• Tambe bo ta hasi tur trabou ku surgi ku ta importante pa realisá e meta di e Unidat.

Eksigensianan di funshon

• Bo ta disponé di un estudio hurídiko kompletá na nivel HBO òf bo por proba di tin konosementu i eksperensia ku trabou na nivel HBO;
• Eksperensia ku trato di prosedura di opheshon i apelashon den derecho atministrativo ta un bentaha;
• Afinidat ku Hulanda Karibense i komprondementu di e konteksto den kua SZW-CN ta opera;
• Bon dominio di hulandes i papiamentu, i preferiblemente tambe ingles i spanjo, verbal i por eskrito.

Kompetensianan

• Sensitividat di organisashon
• Plania i organisá
• Traha huntu
• Kapas pa konvensé
• Abilidat komunikativo verbal i por eskrito
• Sigur di bo mes
• Un aktitut profeshonal orientá riba resultado
• Kapas di trata ku informashon konfidensial
• Abilidat di eksaktitut, koordinashon, i pa improvisá
• Por ku stress, fleksibel, i dinámiko

Loke nos ta ofresé

• Un nombramentu a base di e Rechtspositiebesluit ambtenaren BES (Desishon di posishon hurídiko di ámtenar di BES);
• Un salario konforme merkado den skal inisial 9 òf skal di funshon 10, salario mensual mínimo $ 3.293,- i máksimo $ 4.899,- ku un siman di trabou di 36 ora. Klasifikashon a base di konosementu i eksperensia;
• Sèn di fakansi (8,33% di e entrada anual);
• Un di diestres luna (8,33% di e entrada anual);
• Un kompensashon di vitalidat;
• Un areglo di penshun akomodá na Pensioenfonds Caribisch Nederland (PCN);
• 182 ora di fakansi ku un siman di trabou di 36 ora;
• Un nombramentu temporal pa un aña, ku bista riba un nombramentu fiho den kaso di bon funshonamentu i un evaluashon positivo;
• Un areglo pa muda pa kandidato ku ta reakshoná for di den eksterior.

Prosedura

Un assessment, casus i/ òf chekeo di referensia por forma parti di e prosedura.
Ta habri e vakatura internamente i eksternamente na mes momentu. Den e selekshon lo tene kuenta ku e siguiente órden:

• Personal ofisial di RCN na e islanan BES (interno);
• Habitante di e parti karibense di Hulanda (eksterno);
• Otro kandidatonan (eksterno).

Eksigensianan di nombramentu

• Un deklarashon tokante kondukta (VOG);
• Un saminashon médiko na fabor di atmishon den e fondo di penshun (Partisipashon den e fondo di penshun ta obligatorio, inkluso un kontribushon propio na esaki);
• Nashonalidat hulandes.

Bon pa sa pa interesado pafó di Hulanda Karibense

• E salario ta na dòler merikano, e moneda ofisial di Hulanda Karibense;
• Hulanda Karibense konosé su propio reglanan di impuesto. Ta kobra impuesto di 29,4% riba un suèldu riba e montante liber di impuesto ku ta $21.956,- den 2026, te un suèldu di $53.198,-. Den e di dos grupo di impuesto un tarifa di impuesto di 38,4% ta na vigor.
• Bo ta, òf bo ta bira, residente di Hulanda Karibense.

Mas informashon?

Pa mas informashon tokante e vakatura bo por tuma kontakto ku Adham Safwat, Mènedjer di Mantenshon, Supervishon i Trabou, telefòn +599 795 5681.

Solisitut digital

Bo por manda bo Curriculum Vitae ku bo motivashon via meil na vacature@rijksdienstCN.com.