SZW Mènedjer di Ofisina

E organisashon

Unidat di Asuntunan Sosial i Empleo (SZW) ta ehekutá seguridat sosial pa Hulanda Karibense. Ademas SZW ta responsabel pa inspekshon laboral na Hulanda Karibense, pèrmit di trabou i Plenchi di Trabou. Na unidat SZW tin alrededor di en total 85 empleado trahando, di kende 8 na Saba i Sint-Eustatius. Tin hopi desaroyo tumando lugá den e área sosial i e pakete di tarea ta ampliando. Entre otro, un areglo di akohida di mucha, un fasilidat di desempleo Hulanda Karibense i ahustenan den legislashon laboral, ta areglonan di ehekushon ku, dependiendo di tomo di desishon polítiko, Unidat SZW lo bai ehekutá pronto. Unidat SZW ta trahando riba un eksistensia digno pa tur hende na Hulanda Karibense.

Deskripshon di e funshon

E mènedjer di ofisina ta fungi komo e promé persona di kontakto pa kontaktonan interno i eksterno. Bo ta duna sosten den organisamentu di asuntunan fasilitario, maneho di agènda, atendementu atministrativo ku kompra di artíkulonan di ofisina, manera pidi oferta i prosesá fakturanan, maneho di stòk etc. Bo ta mantené al respekto kontakto ku suministradónan i Shared Service Organisatie (SSO).

Bo tin un variedat amplio na responsabilidat, pero e núkleo ta ku bo ta pèrkurá pa sòru pa e sosten diario i e organisashon kana bon. Bo ta aksesibel, orientá riba servisio i habrí den komunikashon. Pues, bo gusta t’ei pa bo koleganan (nobo), kliente- i bishitantenan. Bo ta traha estrechamente ku e sekretario ehekutivo i bo ta parti di e sekshon di maneho operashonal.

Tareanan di e funshon

• Bo ta atendé ku maneho di agènda i ta manehá korespondensia, prosesamentu di dokumento i reportahe;

• Bo ta pèrkurá pa plania sita i reunionnan efisientemente i ta kolekshoná informashon i dato;

• Bo ta e promé persona di kontakto pa kontaktonan interno i eksterno i ta referí pa e kolega òf sekshon korekto;

• Abo mes por suministrá informashon tambe tokante prosedura- i asuntunan práktiko den e organisashon. Ademas bo ta mantené kontakto ku koleganan (nobo), SSO i suministradónan;

• Bo ta kordiná fluho informashon i pòst ku ta drenta i sali;

• Bo ta duna sosten den un gran variedat di trabou fasilitario manera maneho di stòk, diseño di lugá di traha i fasilidatnan di ofisina, asuntunan di alohamentu i notifikashon di interupshon;

• Bo ta pidi oferta, prosesá pedido i faktura relashoná ku artíkulonan di ofisina. Ademas bo ta mantené kontakto ku suministradónan i SSO tokante asuntunan fasilitario. Ora bo señalá opstákulonan práktiko den prosesonan fasilitario òf organisatorio, bo ta mèldu esakinan;

• Bo ta mantené tur tipo di kontakto, manera ku e hefe di servisio, gerente- i lidernan di tim;

• Bo ta kordiná ku sekshonnan (di sosten) interno, asuntunan práktiko i fasilitario, pero tambe pa medio di palabrashonnan ku suministradónan eksterno.

Eksigensianan di e funshon

• Bo tin nivel mbo+ di traha i pensa, preferiblemente ku un formashon finalisá riba tereno di sekretaria, fasilitario òf atministrativo;

• Bo tin eksperensia ku dunamentu di sosten na gerensia riba tereno sekretarial i organisatorio;

• Bo tin eksperensia ku organisashon di ofisina, trabounan fasilitario i/òf ayudo ku kompra;

• Bo tin eksperensia den un organisashon dinámiko, atministrativo òf di ehekushon;

• Bo tin konosementu teóriko i orientá riba aplikashon práktiko di prosesonan di trabou atministrativo i sekretarial;

• Bo tin konosementu di prosesonan di trabou organisatorio i servisio di sosten;

• Bo por plania i organisá bon;

• Bo ta mantené kontakto ku partidonan interno i eksterno;

• Bo tin bon dominio di hulandes, ingles i papiamentu.

Kompetensianan

• Servisial

• Plania i organisá

• Kolaborashon

• Eksaktitut

• Abilidatnan komunikativo

• Fleksibilidat

Loke nos ta ofresé

• Un nombramentu a base di e Rechtspositiebesluit ambtenaren BES (Desishon di posishon hurídiko di ámtenar di BES);
• Un salario konforme merkado den skal inisial 6 òf skal di funshon 7 di mínimo $2.282,- i máksimo $3.470,- ku un siman di trabou di 36 ora. Klasifikashon a base di konosementu i eksperensia;
• Sèn di fakansi (8,33% di e entrada anual);
• Un di diestres luna (8,33% di e entrada anual);
• Un kompensashon di vitalidat;
• Un areglo di penshun akomodá na Pensioenfonds Caribisch Nederland (PCN);
• 182 ora di fakansi ku un siman di trabou di 36 ora;
• Un nombramentu temporal pa un aña, ku bista riba un nombramentu fiho den kaso di bon funshonamentu i un evaluashon positivo;
• Un areglo pa mudansa pa kandidato ku ta reakshoná for di den eksterior.

Prosedura

Un assessment, casus i/ òf chekeo di referensia por forma parti di e prosedura.
Ta habri e vakatura internamente i eksternamente na mes momentu. Den e selekshon lo tene kuenta ku e siguiente órden:

• Personal ofisial di RCN na e islanan BES (interno);
• Habitante di e parti karibense di Hulanda (eksterno);
• Otro kandidatonan (eksterno).

Eksigensianan di nombramentu

• Un deklarashon tokante kondukta (VOG);
• Un saminashon médiko relashoná ku registrashon obligatorio na e fondo di penshun (ku kontribushon propio)
• Nashonalidat hulandes.

Bon pa sa pa interesado pafó di Hulanda Karibense

• E salario ta na dòler merikano, e moneda ofisial di Hulanda Karibense;

• Hulanda Karibense konosé su propio reglanan di impuesto. Ta kobra impuesto di 29,4% riba un suèldu riba e montante liber di impuesto ku ta $21.956,- den 2026, te un suèldu di $53.198,-. Den e di dos grupo di impuesto un tarifa di impuesto di 38,4% ta na vigor.

• Bo ta, òf bo ta bira, residente di Hulanda Karibense.

Mas informashon?

Pa mas informashon tokante e vakatura bo por tuma kontakto ku Mischa Prinsenberg, Hefe di Departamentu SZW , telefòn +599 795 2030 òf meil na mischa.prinsenberg@rijksdienstcn.com.

Solisitut digital

Bo por manda bo Curriculum Vitae ku motivashon via di meil na vacature@rijksdienstCN.com.