SZW Resepshonista di Servisio Médiko

E organisashon

E unidat di RCN Asuntunan Sosial i Empleo (SZW) ta (SZW) ta kai dirèkt bou di ministerio di e mes un nòmber na Den Haag.  E unidat SZW ta komprometé su mes na situashonnan di trabou seif, saludabel i hustu i ta vigilá kumplimentu ku esakinan.  E unidat tambe ta paga seguro sosial na nòmber di e ministerio pa kontribuí na seguridat sosial di grandinan, mayornan i personanan ku temporalmente no por traha pa motibu di por ehèmpel malesa òf embaraso.  Tambe, tin e benefisio di asistensia sosial pa kontribuí na seguridat di e medionan di supsistensia di e habitantenan ku ta den un emergensia finansiero.  Unidat SZW ta traha pa un eksistensia digno pa tur na Hulanda Karibense.

Deskripshon di e Funshon

E resepshonista di servisio médiko ta proveé un funshon di servisio aksesibel i profeshonal pa dunadó di trabou i empleadonan pa loke ta trata notifikashon di malesa i aksidentenan na  trabou, i ta sirbi komo e promé punto di kontakto pa klientenan, bishitantenan i kontaktonan eksterno di e unidat médiko.

E resepshonista di dervisio médiko ta kombiná tareanan di ofisina ku sosten atministrativo i ta kontribuí na e programashon ordená di sita i registrashon kouteloso di datodi kliente.  Ta hasi e  trabou di akuerdo ku regulashon i akuerdonan di trabou establesé i e empleado ta manehá informashon konfidensial i médiko ku koutela.

E resepshonista ta informá na e gerente di servisio médiko/dòkter di Seguro prinsipal tokante e kalidat i progreso di e trabou.

Tareanan di funshon

• Bo ta risibí kliente i bishitantenan i ta duna informashon tokante sita, prosedura i métodonan di trabou;
• Bo ta kontestá pregunta telefóniko i digital, hasi un evaluashon inisial, i sigurá referensianan korekto;
• Bo ta mantené kontakto ku dunadó di trabou, empleado, departamentunan interno i partnernan eksterno tokante notifikashon di malesa i sitanan ;
• Bo ta manehá agènda di e médiko;
• Bo ta programá, modifiká i kordiná sita pa konsulta, èksamen
•  médiko i tèst segun guianan;
• Bo ta mónitòr e skema, identifiká problema i tuma kontakto ku esnan enbolbí;
• Bo ta registrá, verifiká i prosesá dato di kliente, dokumento i kambionan den e sistemanan atministrativo;
• Bo ta prosesá i sigui e notifikashonnan di malesa i kordiná ku lokalidatnan na Saba i Sint-Eustatius;
• Bo ta identifiká i sigui ku partikularidatnan, manera keda sin presentá i retraso, i ta plania akshon di kontinuashon apropiá;
• Bo ta sostené e unidat médiko ku tareanan atministrativo i organisatorio i maneho di archivo.

Eksigensianan pa e funshon

• Bo tin un nivel di trabou i pensamentu di MBO (edukashon profeshonal sekundario)  preferiblemente den un ramo atministrativo, sekretarial òf orientá na servisio;
• Bo tin eksperensia ku tareanan na bali òf resepshon i sosten atministrativo (médiko);
• Bo tin eksperensia ku maneho di agènda i kontakto ku kliente;
• Bo tin eksperensia ku introdusí i prosesá dato den un sistema di registrashon; 
• Bo tin konosementu di prosesonan atministrativo i registrashon di kliente;
• Bo tin konosementu di proseduranan tokante notifikashon di malesa, konsultanan, i maneho atministrativo di esakinan; 
• Bo tin bista riba servisio na kliente den un ambiente médiko-atministrativo;
• Bo por traha ku eksaktitut i na un manera strukturá;
• Bo ta íntegro, por manehá informashon konfidensial, inkluso datonan kubri pa konfidensialidat médiko;  
• Bo tin un bon dominio di Hulandes; dominio di Papiamentu i Ingles ta deseabel; Spañó ta un bentaha.

Kompetensianan

• Enfoke riba kliente
• Komunikativo
• Resistente na strès
• Fleksibilidat
• Eksakto
• Planifikashon i Organisashon
• Íntegro
• Diskreto

Loke nos ta ofresé

• Un nombramentu a base di e Rechtspositiebesluit ambtenaren BES (Desishon di posishon hurídiko di ámtenar di BES);
• Un salario konforme merkado den skal inisial 5/ skal di funshon 6 di mínimo $ 2.038 i máksimo $ 3.149,- ku un siman di trabou di 36 ora. Klasifikashon a base di konosementu i eksperensia;
• Sèn di fakansi (8,33% di e entrada anual);
• Un di diestres luna (8,33% di e entrada anual);
• Un kompensashon di vitalidat;
• Un areglo di penshun akomodá na Pensioenfonds Caribisch Nederland (PCN);
• 182 ora di fakansi ku un siman di trabou di 36 ora;
• Un nombramentu temporal pa un aña, ku bista riba un nombramentu fiho den kaso di bon funshonamentu i un evaluashon positivo;
• Un areglo pa muda pa kandidato ku ta reakshoná for di den eksterior.

Prosedura

Un assessment, casus i/ òf chekeo di referensia por forma parti di e prosedura.
Ta habri e vakatura internamente i eksternamente na mes momentu. Den e selekshon lo tene kuenta ku e siguiente órden:

• Personal ofisial di RCN na e islanan BES (interno);
• Habitante di e parti karibense di Hulanda (eksterno);
• Otro kandidatonan (eksterno).

Eksigensianan di nombramentu

• Un deklarashon tokante kondukta (VOG);
• Un saminashon médiko relashoná ku registrashon obligatorio na e fondo di penshun (ku kontribushon propio)
• Nashonalidat hulandes.

Bon pa sa pa interesado pafó di Hulanda Karibense

• E salario ta na dòler merikano, e moneda ofisial di Hulanda Karibense;
• Hulanda Karibense konosé su propio reglanan di impuesto. Ta kobra impuesto di 29,4% riba un suèldu riba e montante liber di impuesto ku ta $21.956,- den 2026, te un suèldu di $53.198,-. Den e di dos grupo di impuesto un tarifa di impuesto di 38,4% ta na vigor.
• Bo ta, òf bo ta bira, residente di Hulanda Karibense.

Mas informashon?

Pa mas informashon tokante e vakatura bo por tuma kontakto ku Rigbert Nicolaas, Lider di Tim SZW, telefòn +599 795 4816.

Solisitut digital

Bo por manda bo Curriculum Vitae ku bo motivashon via meil na vacature@rijksdienstCN.com