SZW Sekretario Ehekutivo

E organisashon

Unidat Asuntunan Sosial i Empleo (SZW) ta ehekutá benefisionan sosial pa Hulanda Karibense. Ademas SZW ta responsabel pa inspekshon laboral Hulanda Karibense, pèrmit di trabou i Plenchi di Trabou. Na Unidat SZW tin en total 85 empleado trahando, di kende 8 na Saba i Sint-Eustatius. Tin hopi desaroyo tumando lugá den e área sosial i e pakete di tarea ta ampliando. Entre otro un areglo di akohida di mucha, un fasilidat di desempleo Hulanda Karibense i ahustenan den legislashon laboral ta areglonan di ehekushon ku, dependiendo di tomo di desishon polítiko, Unidat SZW lo bai ehekutá pronto. Unidat di SZW ta trahando riba un eksistensia digno pa tur hende na Hulanda Karibense.

Deskripshon di e funshon

Komo sekretario ehekutivo bo ta un vínkulo importante entre e tim di maneho i e restu di e organisashon. Abo ta sostené e hefe di servisio i e tim di maneho durante diferente konsulta di gerensia i bo ta pèrkurá pa prepará tomo di desishon, ta vigilá proseso i progreso. Den e organisashon bo ta kai konforme herarkia, bou di e gerente di maneho operashonal i funshonalmente bou di e hefe di servisio. Bo ta traha hopi estrecho ku e mènedjer di ofisina.

Bo ta duna sosten ora di formulá plannan anual, reportahenan bi-anual i anual i notanan di maneho i tambe prepará konsultanan di e tim di  maneho. Bo ta pèrkurá pa struktura i komunikashon nesesario den un organisashon ku ta den desaroyo. Bo ta señalá na tempu ora prosesonan ta bai muchu lihé òf muchu pokopoko. Bo ta bin proaktivamente ku inisiativa pa mehorá prosesonan.

Un funshon desafiante den un organisashon dinámiko ku ta enfrentando tareanan di desaroyo (kontinuo) importante.

Tareanan di e funshon

• Bo ta pèrkurá pa e diferente konsultanan di gerensia kana efektivamente, pa medio di preparashon di agènda, kompilashon i formulashon di dokumentonan relevante, traha relato, vigilá puntonan di akshon i kaba atendé koutelosamente korespondensia ku drenta i sali;

• Bo ta sostené e hefe di servisio ku maneho di agènda, preparashon di konsulta ku konseho di partisipashon i kordinashon i progreso ku ministerio di SZW. Den eventual kasonan bo ta sostené e otro gerentenan tambe;

• Bo ta sostené ora di kordinashon, planifikashon i progreso di e plannan anual, reportahenan bi-anual i anual;

• Bo ta sostené e hefe di servisio i tim di maneho ora di prepará, kordiná i sigui di tomo di desishon i ta pèrkurá pa tur informashon nesesario ta disponibel na tempu;

• Bo ta tene e hefe di servisio i tim di maneho informá di desaroyonan relevante den e organisashon, den Rijksdienst Caribisch Nederland i ministerio di SZW;

• Bo ta fungi komo punto di kontakto pa stakeholdernan interno i eksterno;

• Bo ta tuma inisiativa pa komunikashon interno, i ta kordiná esaki ku e hefe di servisio i e tim di maneho i ta pèrkurá pa publikashon den kolaborashon ku e konsehero di komunikashon;

• Bo ta duna sosten den kaso di proyekto- i desaroyonan ku ta trata henter e organisashon, ta vigilá progreso i ta mantené bista general di akshonnan andando i palabrashonnan.

Eksigensianan di e funshon

• Bo tin por lo ménos un formashon hbo finalisá, preferiblemente den un direkshon atministrativo, organisatorio, òf di maneho (por ehèmpel atministrashon di empresa, atministrashon públiko, komunikashon òf un otro direkshon relevante);

• Bo tin eksperensia relevante, preferiblemente den un organisashon di ehekushon;

• Bo tin ekselente abilidat den maneho di diferente proseso pareu;

• Bo ta pone prioridat i ta pèrkurá pa un ehekushon efektivo di tareanan, sin pèrdè e bista general;

• Bo tin eksperensia demostrabel ku skirbimentu di reportahe, nota di maneho i komunikashon di informashon ku diferente grupo di enfoke;

• Bo tin eksperensia den un funshon kaminda bo ta traha independientemente, señalá problema proaktivo i ta aktua dirigí riba solushon;

• Bo por traha den un ambiente ku ta den pleno desaroyo i bo ta motivá pa optimalisá prosesonan;

• Bo ta traha ku dedikashon i atenshon pa detaye, pero na mes momentu bo por mira e panorama kompletu i pone prioridat;

• Bo tin un grado haltu di diskreshon i integridat, partikularmente den un papel den kua ta trata informashon konfidensial i stratégiko;

• Bo tin afinidat ku e region i eksperensia den e konteksto karibense;

• Bo ta dominá hulandes; konosementu di papiamentu, ingles i/òf spañó ta un bentaha.

Kompetensianan

• Abilidatnan komunikativo
• Proaktivo
• Independiente
• eksakto
• Strukturá
• Diskreto
• Integro

Loke nos ta ofresé

• Un nombramentu a base di e Rechtspositiebesluit ambtenaren BES (Desishon di posishon hurídiko di ámtenar di BES);
• Un salario konforme merkado den skal inisial 9 òf skal di funshon 10 di mínimo $3.293,- i máksimo $ 4.900,- ku un siman di trabou di 36 ora. Klasifikashon a base di konosementu i eksperensia;
• Sèn di fakansi (8,33% di e entrada anual);
• Un di diestres luna (8,33% di e entrada anual);
• Un kompensashon di vitalidat;
• Un areglo di penshun akomodá na Pensioenfonds Caribisch Nederland (PCN);
• 182 ora di fakansi ku un siman di trabou di 36 ora;
• Un nombramentu temporal pa un aña, ku bista riba un nombramentu fiho den kaso di bon funshonamentu i un evaluashon positivo;
• Un areglo di mudansa pa kandidato ku ta reakshoná for di den eksterior.

Prosedura

Un assessment, casus i/ òf chekeo di referensia por forma parti di e prosedura.
Ta habri e vakatura internamente i eksternamente na mes momentu. Den e selekshon lo tene kuenta ku e siguiente órden:

• Personal ofisial di RCN na e islanan BES (interno);
• Habitante di e parti karibense di Hulanda (eksterno);
• Otro kandidatonan (eksterno).

Eksigensianan di nombramentu

• Un deklarashon tokante kondukta (VOG);
• Un saminashon médiko relashoná ku registrashon obligatorio na e fondo di penshun (ku kontribushon propio)
• Nashonalidat hulandes.

Bon pa sa pa interesado pafó di Hulanda Karibense

• E salario ta na dòler merikano, e moneda ofisial di Hulanda Karibense;
• Hulanda Karibense konosé su propio reglanan di impuesto. Ta kobra impuesto di 29,4% riba un suèldu riba e montante liber di impuesto ku ta $21.956,- den 2026, te un suèldu di $53.198,-. Den e di dos grupo di impuesto un tarifa di impuesto di 38,4% ta na vigor.
• Bo ta, òf bo ta bira, residente di Hulanda Karibense.

Mas informashon?

Pa mas informashon tokante e vakatura bo por tuma kontakto ku Mischa Prinsenberg, Hefe di Departamentu SZW , telefòn +599 795 2030 òf meil na mischa.prinsenberg@rijksdienstcn.com.

Solisitut digital

Bo por manda bo Curriculum Vitae ku motivashon via di meil na vacature@rijksdienstCN.com.