TOP CN Trainee
Bo ta soña di regresá Boneiru, Sint Eustatius òf Saba i realmente hasi un diferensia einan? Bo ke duna un bon komienso na bo karera i kontribuí na e futuro di bo isla? Esaki ta bo oportunidat!
HBO/WO | Number di vakatura P&O2025_01_011 | Fecha di klousura djárason 2 di aprel 2025
E Programa pa Desaroyo di Talento di Hulanda Karibense (TOP CN) ta un programa di trabou i formashon di 1 aña, spesial pa profeshonalnan resien graduá ku rais na Hulanda Karibense. Bo ta bai traha pa un organisashon gubernamental manera Entidat Públiko òf Rijksdienst Caribisch Nederland (RCN). Por ehèmpel, komo konsehero di komunikashon, konsehero hurídiko, konsehero HR, kolaboradó di maneho di outomatisashon òf profeshonal pa kuido di hóben. Durante e training, lo bo haña guia, lo bo ta forma parti di un komunidat estrecho ku otro trainee i lo bo tin hopi oportunidat pa hasi uso di bo konosementu i abilidatnan pa e kresementu di bo isla.
Kiko bo por spera?
- Un trabou ku ta kuadra ku bo: Bo ta solisitá pa e traineeship, nos ta sòru pa bo haña un funshon ku ta kuadra ku bo estudio i interesnan.
- Kresementu personal: Ku coaching, training i supervishon, bo no ta traha solamente riba bo karera, pero tambe riba bo desaroyo personal.
- Un komunidat di trainee: Bo ta traha huntu ku otro profeshonalnan hóben ku, meskos ku bo, ku ke hasi uso di nan talento pa Hulanda Karibense.
- Transishon pa funshon fiho: E traineeship ta dura un aña (12 luna) i ta kuminsá 1 di yüli 2025. Bo tin un prospekto di haña un funshon struktural na un di e organisashonnan gubernamental di Hulanda Karibense.
Kiko bo ta haña?
- Un aña yen di oportunidat: E traineeship ta yuda bo krese i deskubrí loke realmente bo ke den bo karera.
- Areglo di gastu di mudansa: Mudansa no ta problema! Nos ta sostené bo ku un areglo di mudansa.
- Bon kondishon di trabou: Bo salario i kondishonnan ta kuadra ku e kondishonnan di trabou di e organisashon kaminda bo ta bai traha. Bo ta risibí un bon salario inisial di (mínimo $ 3,121 bruto) den kaso di un siman di trabou di 36 ora.
Ken nos ta buska?
- Bo tin un diploma di HBO of WO (optené no mas ku 2 aña pasá).
- Bo tin rais na Hulanda Karibense i bo ta motivá pa regresá bo isla.
- Bo ta papia e idioma di bo isla.
- Bo tin gana di siña, ta ambisioso i realmente ke nifiká algu pa Boneiru, Sint Eustatius òf Saba.
Bo ta kla pa esaki?
Manda bo CV i un motivashon kòrtiku (den kua en todo kaso bo ta indiká tambe na kua isla bo ke regresá) na traineeship@topcn.nl promé ku djárason 2 di aprel.
Bo tin pregunta? Tuma kontakto ku Mia Tweed, lider di proyekto TOP CN, via +599 795 4854
Hasi uso di e oportunidat akí i bai hasi e diferensia na Hulanda Karibense!