TOP CN Trainee

E Programa pa Desaroyo di Talento di Hulanda Karibense (TOP CN) ta un programa di trabou i formashon di un aña spesialmente pa profeshonal resientemente graduá ku tin rais na Hulanda Karibense. Bo ta bai traha na un organisashon di gobièrnu, manera Entidat Públiko òf Rijksdienst Caribisch Nederland (RCN), den un posishon ku ta kuadra ku bo. Durante e treinen, lo bo risibí guia intensivo i oportunidatamplio pa apliká bo konosementu i abilidatnan.

Kiko bo por spera?

• Un funshon ku ta kuadra ku bo: Abo ta solisitá pa traineeship, nos ta sòru pa bo haña un funshon ku ta kuadra ku bo estudio i interesnan.
• Desaroyo personal: Ku coaching, treinen i supervishon bo no ta traha solamente riba bo karera, pero tambe riba bo desaroyo personal.
• Progreso: Bo ta kuminsá den bo funshon na ougùstùs òf sèptèmber 2026. Bo ta risibí un kontrakt di un aña pa e funshon akí. E programa TOP CN ta kuminsá dia 14 di sèptèmber 2026, i ta dura 10 luna.

No por ofresé garantia di trabou despues di e promé aña, pero e dunadó di trabou tin un obligashon sí, pa hasi su máksimo esfuerso den esaki.

Kiko bo ta risibí?

• Un aña yen di oportunidat: E traineeship ta yuda bo krese i deskubrí kiko realmente bo ke den bo karera.
• Areglo di gastu pa mudansa: Mudansa no ta un problema! Nos ta sostené bo den esaki pa medio di un areglo di gastu pa mudansa.
• Bon kondishonnan di trabou: Bo salario i kondishonnan ta aliniá ku e kondishonnan di trabou di e organisashon kaminda bo lo bai traha. Lo bo risibí un bon salario inisial, basá riba e funshon ku bo ta bai traha aden.

Ken nos ta buska?

• Bo tin un diploma di HBO òf WO (optené no mas ku 3 aña pasá).
• Bo tin rais na Hulanda Karibense i ta motivá pa traha i biba na un di e islanan.
• Bo ta papia idioma hulandes i papiamentu (ingles ta un bentaha).
• Bo ta kurioso pa siña, ambisioso, i berdaderamente bo ke nifiká algu diferente pa Boneiru, Sint Eustatius, òf Saba.

Bo ta kla pa esaki?

Manda bo CV i un motivashon kòrtiku (den kua en todo kaso bo ta menshoná tambe kua ta bo isla di preferensia) na traineeship@topcn.nl.

Por solisitá te ku djamars 12 di mei. Bo tin pregunta? Hasi esakinan dor manda meil na traineeship@topcn.nl.

Gara e oportunidat i hasi e diferensia na Hulanda Karibense.