Voogdijraad CN Kolaboradó di Alimentashon/ Talento atministrativo i finansiero pa un periodo di 1 aña

MBO | Boneiru | 36 ora pa siman |Temporal | Number di Vakatura: P&O2025_06_005| Fecha di klousura: 24 di yüni 2025

Meta di e funshon

Voogdijraad tin un tarea importante pa loke ta trata alimentashon pa yu. Si mayornan no por yega na un akuerdo entre nan mes, Voogdijraad ta intermediá i duna konseho na e hues tokante e kantidat di suma. Despues di esaki Voogdijraad ta responsabel pa kobra i paga e sumanan aki, pero e ehekushon aki ta na Belastingdienst. Komo kolaboradó di alimentashon bo ta manehá e proseso di alimentashon di manera independiente na Boneiru i riba distansia pa klientenan na Saba i Sint Eustatius. Ademas, bo ta mantené kontakto di aserka ku Belastingdienst tokante e statùs i ta segurá ku e input ta korekto. Bo ta traha di aserka ku bo kolega kolaboradó di alimentashon, e eksperto hurídiko i e konsehero di maneho. Bo ta duna kuenta na e direktor interíno di Voogdijraad.

Tareanan i responsabilidatnan

Komo kolaboradó pa alimentashon bo ta responsabel pa:

• Realisá kòmbersashon orientativo i papia ku kliente tokante preguntanan ku nan por tin;
• Ehekushon di tur asuntu di alimentashon inkluso e kalkulashon di montantenan i kombersashon ku mayornan
• Redaktá i entrega di rapòrt di konseho na Korte; i si ta nesesario representá Voogdijraad na seshon di Korte
• Tene bista riba e proseso di kobransa i pago ku ta tuma lugá via Belastingdienst (transferí kasonan, mantené kontakto tokante e státus di kada situashon i sigurá un atministrashon bon organisá i kòntròl riba tareanan mandatario
• Redaktá rapòrtnan na direktor tokante sifranan di statùs di kada situashon di pago ets.
• Rekurí na tempu i traspaso di asuntunan di dùrwarder na e konsehero hurídiko
• Konstrukshon kouteloso di archivonan i implementashon di un atministrashon transparente;
• Ehekushon riba salario via e doño di trabou, si esaki ta nesesario;

Kompetensianan pa e funshon

• Eksaktitut i bo ta kouteloso
• Atenshon pa kliente
• Resistensia pa strès;
• Kolaborá
• Orientá riba kliente;
• Dirigí riba resultado;
• Abilidat verbal;
• Abilidat por eskrito;
• Desaroyo Individual.

Otro eksigensianan pa e funshon

• Bo tin eksperensia ku duna servisio i kontakto ku kliente
• Bo tin eksperensia ku trabounan atministrativo i/òf finansiero
• Konosementu hurídiko ta un bentaha
• Dominio di idioma Hulandes,Ingles i Papiamentu tantu na palabra i por eskrito;
• Konosementu i afinidat ku e islanan di Hulanda Karibense ta un bentaha

Voogdijraad CN

Tur mucha tin e derecho pa krese den un ambiente salú i sigur. Esei ta establesí den e Konvenio Internashonal tokante Derecho di Mucha (IVRK). Na promé lugá, ta e mayornan ku tin responsabilidat pa garantisá esaki. Sinembargo, no ta tur biaha e mayornan por asumí e responsabilidat aki di manera sufisiente, apesar di yudansa di servisionan di asistensia. Si tin prekupashon serio tokante e manera di kresementu i edukashon di un mucha, ta enbolbí Voogdijraad. Voogdijraad ta investigá i duna konseho kiko ta e mihó situashon òf solushon pa e mucha. E investigashon aki ta tuma lugá riba área sivil i penal. Ademas, alimentashon pa mucha i e ehekushon di medidanan di Halt ta tareanan esensial di Voogdijraad.

Kiko nos ta ofresé?

• Un nombramentu di akuerdo ku e Posishon Hurídiko di funshonarionan públiko BES;
• Un salario konforme merkado, den skal inisial 7 i skal di funshon 8, mínimo $2.400,- i maksimal $3.750,- pa luna mará na un siman di trabou di 36 ora. Klasifikashon ta basá riba konosementu i eksperensia;
• Sèn di vakashon (8,33% di e salario anual);
• Bonùs di fin di aña (8,33% di e salario anual);
• Un areglo di penshun koloká bou di Pensioenfonds Caribisch Nederland (PCN);
• 182 ora di vakashon pa un siman laboral di 36 ora;
• Un nombramentu temporal pa un aña
• Un areglo di mudansa si bo ta reakshoná for di den eksterior.

Prosedura

Un evaluashon, kaso i/òf chèk di referensia por forma parti di e prosedura.
Den e selekshon ta tene kuenta ku e siguiente sekuensia:

• Personal ofisial di RCN na Hulanda Karibense (interno)
• Habitante di e parti karibense di Hulanda (eksterno)
• Sobrá kandidato (eksterno)

Eksigensianan pa e nombramentu

• Un deklarashon tokante kondukta (VOG);
• Un eksaminashon médiko pa atmishon den e fondo di penshun;
• Nashonalidat hulandes.

Bon pa sa esaki pa esnan interesá ku ta biba pafó di Hulanda Karibense

• E salario ta na dòler merikano, e moneda ofisial di Hulanda Karibense;
• Hulanda Karibense konosé su propio reglanan di impuesto. Ta kobra impuesto di 30,4% riba un suèldu riba e montante liber di impuesto ku ta $21.373,- na 2025 den e promé grupo, te un suèldu di $51.250,-. Den e di dos grupo di impuesto un tarifa di impuesto di 35,4% ta na vigor;
• Bo ta habitante òf lo bira habitante di Hulanda Karibense

Mas Informashon?

Bo ke mas informashon tokante e vakatura bo por tuma kontakto ku Bart Kraaijeveld yama na +599 7900071

Apliká digitalmente

Bo por manda bo Curriculum Vitae ku motivashon pa vacature@rijksdienstcn.com.