Voogdijraad CN Konsehero Hurídiko

WO | Boneiru | 36 ora pa siman | Number di Vakatura: P&O2023_010_007 | Fecha di klousura: 15 di desémber 2023

Deskripshon di e funshon

Komo konsehero hurídiko, bo ta kontribuí na e funshonamentu i e kalidat di e prosesonan primario di Konseho di Tutela. Bo ta apoyá e tim di investigadónan di e konseho ku asuntunan legal riba tereno di lei di hende i famia, i derecho penal hubenil. E konsehero hurídiko tin kantidat di tarea hopi varia i ta kolaborá hopi di serka ku henter e tim. E Consejo di Tutela ta konsistí di un tim yòn i ambisioso ku ta trahando masha duru riba profeshonalisashon. E funshon di konsehero hurídiko ta unu nobo den e Consejo di Tutela CN, lokual ta nifiká ku bo tin hopi espasio pa krea e prosesonan. Nos ta buskando un miembro di tim ku ta mira komo desafio mehorá e organisashon i tambe nan mes.

Eksigensianan di e funshon

E konsehero hurídiko ta:

• Duna sosten hurídiko i konseho na e investigadónan di e konseho i na e kolaboradornan di alimentashon durante investigashon;
• Atendé keho, kaso di keho, opheshon i kaso den apelashon;
• Sigurá ku tin un base legal korekto den e prosesonan primario;
• Ofresé sosten den proyekto interno i eksterno basá riba eksperensia;
• Sostené i konsehá den e desaroyo di maneho interno i eksterno;
• Tradusí legislashon i e regulashonnan den prosesonan legal pa Konseho di Tutela (protokòlnan, etc.);
• Sigui desaroyo den region i Hulanda Oropeo riba tereno di legislashon relevante;
• Ta e persona sentral di kontakto pa Korte i ta enkargá ku e kordinashon di e proseso di kolaborashon;
• Kordiná i manehá tur kaso di dùrwarder (alimentashon), ta persona di kontakto, traha akuerdo ku dùrwarder i manehá esaki;
• Ta responsabel pa e ehekushon di tareanan di Outoridat Sentral;

• Ehekutá prosesonan na Korte.

Kompetensianan

• Analítiko
• Dirigí riba resultado
• Tuma inisiativa
• Sensibilidat organisatorio
• Fleksibilidat
• Abilidat pa networking
• Planifiká i organisá
• Kreatividat

Organisashon

Konseho di Tutela tin ofisina riba tur isla, mayoria di esakinan ta na Boneiru. Konseho di Tutela ta forma parti di e Ministerio di Hustisia i Seguridat, i tin e tarea pa protehá/salbaguardiá muchanan (similar na e tareanan di Hunta di Protekshon i Kuido di Mucha na Hulanda). Tur mucha tin derechi pa krese den un ambiente sano i sigur. Esaki ta establesé den e Tratado Internashonal di Derechi di Mucha (IVRK). Inisialmente, mayornan ta responsabel pa esaki. Tin bes, mayornan no por asumí e responsabilidat aki sufisientemente, apesar di tur e esfuersonan di servisio di yudansa. Si tin preokupashon serio tokante e kresementu i edukashon di e mucha, por pidi asistensia di Konseho di Tutela. Konseho di Tutela lo hasi un investigashon i rekomendá e mihó situashon/solushon pa e mucha. E investigashonnan aki ta tuma lugá riba e áreanan sivil i penal. Ademas, Konseho di Tutela ta tambe e ofisina Halt, e Outoridat Sentral i Konseho di Tutela tin diferente tarea riba tereno di Alimentashon pa mucha.

Eksigensianan pa e funshon

• Un título universitario kompletá den Lèi;
• Dominio di idioma hulandes i ingles, tantu na palabra i por eskrito;
• Eksperensia den derecho sivil i penal (hubenil) dentro di Hulanda Karibense ta un bentaha;
• Konosementu (di) i afinidat ku e kultura Boneriano ta un bentaha.

Kiko nos ta ofresé

• Un nombramentu konforme e Rechtspositiebesluit ambtenaren BES;
• Un salario konforme e merkado, den skal inisial 10 i skal di e funshon 11, minimal $3.108,- i maksimal $4.672,- pa luna mará na un siman di trabou di 36 ora. Klasifikashon ta basá riba konosementu i eksperensia;
• Prima pa fakansi di 8,33% di e salario;
• Un di diestres luna (8,33% di e salario, ku un montante minimo di $1.750,- bruto);
• Un bon provishon di penshun akomodá na Pensioenfonds Caribisch Nederland (PCN);
• 168 ora di fakansi mará na un siman di trabou di 36 ora;
• Un nombramentu temporal pa 1 aña ku bista riba un nombramentu fiho si e desempeño ta satisfaktorio i un resultado positivo di evaluashon;
• Un areglo di mudansa si bo ta reakshoná for di eksterior.

Prosedura

• Ta publiká e vakatura aki interno i eksterno na mes momento. Si kandidato interno tin mesun kapasidat, e tin prioridat riba kandidato eksterno;
• Un asèsment òf casus por ta parti di e prosedura.

Eksigensianan pa e funshon

• Mester por entregá un deklarashon tokante kondukta (VOG);
• Un eksámen médiko pa por haña akseso na e fondo di penshun;
• Nashonalidat hulandes.

Bon pa sa esaki pa esnan interesá ku ta biba pafó di Hulanda Karibense

• E salario ta den dòler estadounidense, e moneda ofisial di Hulanda Karibense;
• Hulanda Karibense tin su mes regulashon fiskal. Ta apliká un tasa di impuesto di 30,4% pa entrada riba e suma liber di impuesto ($ 12.198,- na 2022);
• Partisipashon den fondo di penshun ta obligatorio, inkluyendo e suma di kontribushon personal pa ku esaki;
• Bo ta habitante òf lo bira habitante di Hulanda Karibense.

Bo ke mas informashon?

Pa informashon tokante e vakatura, tuma kontakto ku Brigitte van de Ven, konsehero di empresa i maneho, via number di telefòn +599 715 5106.

Apliká digital

Bo por manda bo Curriculum Vitae ku motivashon pa vacature@rijksdienstCN.com.