Bai directamente na kontenido

Werkgeverschap Hurista Séniòr

Abo ta un hurista vèrsá i eksperensiá den derechi di ámtenar ku ta deseá di hunga un papel fundamental den asuntunan di personal di nos organisashon ambisioso? Abo tin e poder di konvikshon nesesario i no ta hala atras pa kasonan kompliká? E ora ei gustosamente nos ta warda bo solisitut!

Estudio Akadémiko | Boneiru | 36 ora | number di vakatura P&O2023_010_011 | Fecha di klousura: 22 di desèmber 2023

Deskripshon di e funshon

Komo hurista séniòr ta hasi uso di bo prinsipalmente pa konseho hurídiko i sosten  di e outoridat kompetente riba tereno di asuntunan di personal mas kompliká. Bo ta traha tantu independientemente komo den tim. Ademas bo tin un ròl  importante ora di realisá akuerdonan di kondishonnan laboral.

Tareanan prinsipal

  • En general sostené i konsehá e tim di ‘Werkgeverschap’ riba tereno hurídiko en bista di desaroyo di maneho, asuntunan di integridat i asuntunan general di e direktor di RCN;
  • Desaroyá i implementá maneho di personal i lei i regulashon. Pensa aki riba negosiashon ku sindikatonan, dunamentu di informashon na hefenan di servisio, konseheronan di Rekurso Humano i órganonan di partisipashon;
  • Konsehá e outoridat kompetente relashoná ku trayektonan disiplinario, redaktá desishonnan, prepará seshonnan di korte, skirbi kontramemoria i kaba atendé asuntunan den korte (hiba palabra na nòmber di minister durante seshonnan relashoná ku kasonan di personal den korte);
  • Atendé proseduranan di opheshon i di apelashon;
  • Sigui i eksplorá desaroyonan relevante den e área di atenshon; evaluá eventual konsekuensianan hurídiko i duna konseho al respekto;
  • Den konsulta ku ministerio di Asuntunan Interno i Relashon di Reino, inventarisá i diseñá maneho legislativo deseá relashoná ku desaroyonan riba tereno di kondishon laboral pa personal den servisio di gobièrnu na Hulanda Karibense;
  • Fungi komo sekretario suplente di e Komishon di Konsulta Sektoral BES (e Konsulta di Sektor).

E organisashon

Rijksdienst Caribisch Nederland (RCN) ta e vínkulo entre e ministerionan presente na Boneiru, Sint Eustatius i Saba. Kada ministerio mes ta responsabel pa kontenido ora ta trata introdukshon i ehekushon di maneho di e ministerio konserní. Pa implementashon i sosten pa esaki nan ta hasi un apelashon riba e servisio sentral di RCN. E konsepto di dunadó di trabou di tur empleado públiko den servisio di RCN ta ofishalmente organisá bou di e minister di Asuntunan Interno i Relashon di Reino (BZK).

Bo ta traha ofishalmente pa e servisio di Werkgeverschap, pero por hasi uso di bo den tur servisio di RCN. E direktor di RCN ta ehekutá na nòmber di minister di BZK e papel di dunadó di trabou pa tur empleado di RCN. Basá riba e papel ei, e ta responsabel pa formulá maneho di kondishonnan laboral i di personal, garantisá integridat i (sigui) desaroyá partisipashon.

Bo abilidatnan

  • Analisá
  • Sensitividat organisatorio
  • Persuasivo
  • Formashon di opinion
  • Fleksibilidat
  • Kreatividat
  • Plania i organisá

Eksigensianan di e funshon

  • Nivel akadémiko di traha/pensa (estudio di master finalisá, preferiblemente riba tereno di derechi di ámtenar òf derechi laboral);
  • Konosementu di lei i regulashon relevante;
  • Minimal 5 aña di eksperensia ku dunamentu di konseho na gerensia i ku proseduranan hurídiko riba tereno di derechi di ámtenar;
  • Tin afinidat demostrabel ku Hulanda Karibense;
  • Konosementu  i komprondementu di desaroyonan riba e tereno di enfoke di Gobièrnu Sentral kompletu;
  • Perfekto dominio di hulandes papiá i skirbí. Ingles i papiamentu ta un bentaha.

Kiko nos ta ofresé?

  • Un nombramentu konforme e ‘Rechtspositiebesluit ambtenaren BES’;
  • Un salario konforme merkado den skal inisial 12 i skal 13 di e funshon (salario bruto pa luna minimal $ 4.149,-- i maksimal $ 6.001,--), pa un siman di trabou di 36 ora pa siman Klasifikashon ta tuma lugá basá riba konosementu i eksperensia;
  • Plaka di fakansi (8,33% di e salario);
  • Un kompensashon di e di 13 luna (8,33% di e salario, ku un suma mínimo di $ 1.750,-- bruto);
  • Un areglo di penshun poné bou di Pensioenfonds Caribisch Nederland (PCN);
  • 168 ora di fakansi pa un siman di trabou di 36 ora pa siman );
  • Un nombramentu temporal di un aña, ku perspektiva pa un nombramentu fiho den kaso di bon funshonamentu i un resultado di evaluashon positivo;
  • Un areglo di mudansa pa kandidatonan ku ta reakshoná for di pafó di e isla.

Prosedura

  • Ta habri e vakatura na mes momento interno i eksterno. Den kaso di igual kapasidat, ta preferá kandidatonan interno;
  • Un ‘assessment’ òf kaso por forma parti di e prosedura.

Eksigensianan di e funshon

  • Un Deklarashon Tokante Kondukta (VOG);
  • Un saminashon médiko pa atmishon den e fondo di penshun;
  • Nashonalidat hulandes.

Ta bon pa interesadonan for di pafó di Hulanda Karibense sa

  • E salario ta na dòler merikano, e moneda ofishal na Hulanda Karibense;
  • Hulanda Karibense konosé su propio regulashon di impuesto. Ta kobra un porsentahe di 30,4% na retenshon riba suèldu pa e entrada ku ta mas haltu ku e suma liber di impuesto ($ 17.352,-- den 2023);
  • Partisipashon den e fondo di penshun ta obligatorio, inkluso e kontribushon propio na esaki;
  • Bo ta bira residente di Hulanda Karibense.

Mas informashon?

Pa mas informashon tokante e vakatura akí bo por tuma kontakto ku Tim Muller, Direktor di RCN, Number di telefòn: +599  7158304.

Solisitut digital

Bo por manda bo Curriculum Vitae ku motivashon via e-mail pa:  vacature@rijksdienstCN.com